நட்சத்திர ஓட்டல் அதிபராக இருந்து உளவாளியாக மாறிய அருண்செல்வராசன்...

by **mmani** Sat Sep 13, 2014 9:26 am

சென்னையில் பாகிஸ் தான் உளவாளி அருண் செல்வராசன் கைது செய்யப்பட்டது பெரும் அதிர்வலைகளை உருவாக்கி உள்ளது. அருண்செல்வராசன் சென்னையில் பிரபலமானவராக வலம் வந்தவர். ‘ஐஸ்ஈவென்ட்’ என்ற பெயரில் நிறுவனத்தை நடத்தி பெரிய பெரிய நிகழ்ச்சிகளை நடத்தி கொடுப்பதில் கில்லாடியாக திகழ்ந்தார். அவர் பாகிஸ்தான் உளவாளியாக இருந்தது பலருக்கு அதிர்ச்சியை ஏற்படுத்தி உள்ளது.
நட்சத்திர ஓட்டல் அதிபராக இருந்து உளவாளியாக மாறிய அருண்செல்வராசன்... 7efc507c-5973-4085-8bfa-8fd9250e2b9d_S_secvpf

நட்சத்திர ஓட்டல் அதிபராக இருந்து உளவாளியாக மாறிய அருண்செல்வராசன்...

அருண்செல்வராசன் இலங்கையில் 2009–ம் ஆண்டு வரை நட்சத்திர ஓட்டல் அதிபராக இருந்துள்ளார். விலை உயர்ந்த கார், ஆடம்பர பங்களா என்று சொகுசான வாழ்க்கையை அனுபவித்த அவரது வாழ்வில் திடீ ரென்று புயல் வீசியது.
தொழிலில் பெரும் நஷ்டத்தை சந்தித்து நடுத் தெருவுக்கு வந்தார். வாழ்ந்த வாழ்க்கைஎன்ன? இப்போது நமது நிலை என்ன? என்று வேதனையில் தவித்த அருண் சோகத்தை மறக்க அடிக்கடி பார்களுக்கு சென்று மது அருந்துவார்.
அப்போதுதான் ஒரு ஆட்டோ டிரைவர் அருணுக்கு அறிமுகம் ஆனார். பாகிஸ்தான் உளவாளியாக செயல் பட்ட அந்த ஆட்டோ டிரைவர் கொஞ்சம் கொஞ்சமாக அருணின் மனதை கரைத்தார். அதன்பிறகு பாகிஸ் தானை சேர்ந்த ஒருவரை அறிமுகம் செய்து வைத்தார். அவர் அருணிடம் செலவுக்கு ரூ.10 ஆயிரம் பணம் கொடுத்துள்ளார். பணத்துக்காக திண்டாடிய அருணுக்கு அப்போது 10 ஆயிரம் 10 லட்சமாக தோன்றியது.
மகிழ்ச்சி அடைந்த அருணிடம் ‘இது சிறு தொகை தான். திடீரென்று பெரிய வேலை தருவோம். அதன் பிறகு உங்கள் காட்டில் பண மழை தான். உங்கள் வாழ்க்கை மீண்டும் உயரும்’ என்று நம்பிக்கை யூட்டினார்கள்.
அவர்களது ஆசை வார்த்தையில் மயங்கிய அருண் உளவு வேலைக்கு ஒப்புக்கொண்டார். 2010–ல் தமிழ் நாட்டுக்கு வந்த அருண் வடபழனியில் குடி இருந்து ‘ஈவென்ட்’ மானேஜர் என்கிற பெயரில் தொழிலை தொடங்கினார்.
பொழுது போக்கு நிகழ்ச்சிகள், பெரிய விழாக்கள் நடத்த வேண்டுமென்றால் அருணை தொடர்பு கொண்டு பணத்தை கொடுத்தால் போதும் நிகழ்ச்சியை பிரமாண்டமாக நடத்தி விடுவார். இதனால் முக்கிய பிரமுகர்கள் மத்தியில் அருணுக்கு செல்வாக்கு கிடைத்தது.
சமீபத்தில் ஒரு மார்வாடி வீட்டு திருமணத்தை பலூனில் அந்தரத்தில் நடத்தி பரபரப்பாக பேசப்பட்டார். இப்படி புதுமையான நிகழ்ச்சிகளையும் நடத்தியதால் பணமும், புகழும் சேர்ந்தது. இவற்றை தனது வேவு பார்க்கும் தொழிலுக்கு சாதகமாக்கி கொண்டார்.
சென்னை, தூத்துக்குடி உள்பட பல துறைமுகங்களில் நிகழ்ச்சிகளை நடத்தி இருக்கிறார்.
துறைமுகங்கள் கடுமையான பாதுகாப்பு கெடுபிடி நிறை பகுதி. ஆனால் அருண் நிகழ்ச்சி ஒருங்கிணைப்பாளராக வலம் வந்ததால் சிறப்பு அனுமதி அட்டை பெற்று துறைமுகங்களின் அனைத்து பகுதிகளுக்கும் சென்று வந்துள்ளார்.
அப்போது துறைமுகத்தின் பல பகுதிகளையும் புகைப்படம் எடுத்து இருக்கிறார். அந்த புகைப்படங்கள் பாகிஸ்தானின் ஐஸ்ஐ அமைப்புக்கு கைமாறி இருக்கலாம் என்று சந்தேகிக்கப்படுகிறது.
மேலும், அந்த நிகழ்ச்சிகளில் விருந்தினர்கள் என்ற போர்வையில் சந்தேகப் படும்படியாக யாரேனும் கலந்து இருக்கிறார்களா? என்பதை ஆய்வு செய்வதற்காக புகைப்படங்களை தேசிய புலனாய்வு பிரிவு அதிகாரிகள் சேகரித்து வருகிறார்கள்.
தமிழகத்தில் முதன் முதலில் பாகிஸ்தான் உளவாளியாக தமீம் அன்சாரி 2012–ல் கைது செய்யப்பட்டான். ஆனால் அதற்கு முன்பே அருண்செல்வராசன் சென்னைக்கு வந்து விட்டார்.
அவர் சாலிகிராமத்தில் தங்கி இருந்த போது தமிழகத்தை சேர்ந்த நிறைய இளைஞர்கள் அடிக்கடி சென்று சந்தித்துள்ளார்கள். எனவே தமிழக இளைஞர்களை உளவாளியாக மாற்ற முயற்சித்தாரா? என்ற சந்தேகமும் எழுந்துள்ளது.
வருகிற 25–ந்தேதி அருணை போலீஸ் காவலில் எடுத்து விசாரிக்க போலீசார் முடிவு செய்துள்ளனர். தேசிய புலனாய்வு பிரிவினரும், மாநில உளவு பிரிவினரும் மாநிலம் முழுவதும் தங்கள் விசாரணை தீவிரப்படுத்தி வருகிறார்கள்.