தமிழ் கற்போம். தவறுகளை திருத்துவோம் - 3

தமிழ் கற்போம். தவறுகளை திருத்துவோம்.
தவறென்று தெரிந்தும் தவறு செய்பவன் முட்டாள்-மன நோயாளி  எனலாம்.

தமிழில் dictionary   க்கு அகராதி என சொல்கிறோம். அது சரியானதா? இல்லை என்று படுகிறது. அகரம்+ஆதி =அகராதி. அ- வை தொடக்கமாக வைத்து, (ஆதி-முதல்), உள்ள சொற்களுக்கு பொருள் தருவது என்று பொருள். ஆதி -அந்தம் (முதல்-இறுதி) இரண்டும் வட சொற்கள். எனவே அகராதி என்பது தமிழ் சொல் அல்ல என்பதால், அகரமுதலி என அழைக்கிறார்கள்.

திருக்குறளில் 3-4 சொற்களே சந்தேகத்திற்கு உரிய வட சொற்கள் கலந்துள்ளன. ஆதி -(ஆதி பகவன்)- என்பது அதி இல் இருந்து வந்திருக்கலாம் அல்லது அன்றைய தமிழில் இருந்து இன்றைய தமிழுக்கு மாற்றிய போது, ஏற்பட்ட இடைச்சொருகலாக இருக்கலாம்.

தமிழ் நாட்டில் தலைமயிரை, முடி என்கிறார்கள். அது தவறு.  மேலே சேர்த்து முடியைப் போல்  முடிவதால் முடி- ஆயிற்று.ஆண்கள் தலைமயிர்- குஞ்சி – முன் குடுமி, பெண்கள் தலைமயிர்- குழல் – பின் தொங்கும் கூந்தல் என்பதாகும்.

நட்சத்திரங்கள் தமிழ் சொல் அல்ல- விண்மீன்கள் என்பது சரியான தமிழ் சொல்.
யன்னல்-சாளரம் என்று சொல்வது வழக்கு. சரியான தமிழ் சொல் உண்டு.  அது...
காலதர் (கால் – காற்று; அதர் – வழி)

தீபாவளி - தீபம் + ஆவளி - தீபங்களின் வரிசை .இதை சிலர், தீப ஒளி திருநாள் என்று சொன்னாலும்,தீபம் தமிழல்ல.
ஆகாயவிமானம் - வானூர்தி
உண்ணாவிரதம் - உண்ணா நோன்பு
விபசாரி - பரத்தை  (ஆணாக இருந்தால் பரத்தன்)
விதவை - கைம்பெண் (இன்று கைம்பெண்டாட்டி - கம்மனாட்டி என ஆக்கி விட்டார்கள். ஆண்பால் கைம்பயல் )
car -மகிழூந்து

இதைவிட............
ஜாஸ்தி ,மாமூல், சாமான், வக்கீல், சமூசா, பிரியாணி, மகசூல், ஆஜர், நபர், தாக்கீது, வாய்தா, ஜாமீன்,காலி , கைதி ,இனாம்,ரசீது, பாக்கி,பதில்,முகாம்  -இவை அரபு மொழிச் சொற்களாகும்.

எல்லாம் பேசி விட்டோம்.பேசிக் கொண்டிருக்கிறோம்.ஆனாலும் தென் அமெரிக்கச் சோழர்களை நாம் மறந்து விட்டோம். வலிக்கிறது.

நல்ல விடயங்களை பகிர்ந்தமைக்கு நன்றி