நரம்புத் தளர்ச்சி என்றால் என்ன? தீர்வு என்ன?

நரம்புத் தளர்ச்சி என்றால் என்ன?

நரம்புத்தளர்ச்சி என்பது சரியான வார்த்தை என்று சொல்ல முடியாது.இருப்பினும் தொடர்ந்து இங்கே விளங்கிக் கொள்வதற்காக நரம்புத்தளர்ச்சி என்று பாவிக்கிறேன். நரம்புகள் தளர்வது கிடையாது. நம் மூளைக் கணினி விடுக்கும் கட்டளைகளை, மூளையிலிருந்த செய்திகளாக எடுத்துச் செல்லும் கம்பிகளாக-wire- செயல்படுவது தான் நரம்புகள். மயலின்-Myelin-  என்னும் வேதிப்பொருள் சூழ்ந்த லட்சக்கணக்கான சிறிய நரம்புகள் ஒன்றாகி பெரிய நரம்பாக தசைகளுக்குள் ஊடுருவி இருக்கும்.

Neurasthenia , nervousness ,nervosism  எனப் பலவகையாக சொல்லப்படுகிறது.

எப்பொழுது எல்லாம் மூளையின் கட்டளைகள் பெரிய நரம்புகளுக்குப் போய்ச் சேருவதில் தொய்வு ஏற்படுகிறதோ, அதை நரம்புத் தளர்ச்சி என்கிறோம். அதாவது மூளை அனுப்பும் செய்திகள் விரைவாக உடலின் மற்றைய பகுதிகளுக்கு கொண்டு செல்லப்படுவதில் தடை அல்லது தாமதம் ஏற்படும் போது,கை நடுக்கம் போன்ற குறைபாடுகள் ஏற்படுகின்றன.
[You must be registered and logged in to see this image.]
நரம்பு கலன்கள்-Nerve cells- myelin என்ற வேதிப் பொருள் பகுதிகளால் சூழப்பட்டிருக்கும். இதற்கிடைப்பட்ட பகுதிகள் கணு-nodes- எனச் சொல்லப்படுகிறது.மூளை முதுகுத்தண்டில்-spinal cord- உள்ள  நரம்புகள் ஊடாக செய்திகளை-கட்டளைகளை-அனுப்பும் போது, அந்தத் துடிப்புகள் ஒரு கணுவில் இருந்து -node- அடுத்த கணுவிற்கு -node- தாவிச் செல்கின்றன.மயிலின் என்ற வேதிப்பொருள் தாவிச் செல்லும் துடிப்புகள் வெளியேறாமல் அல்லது தவறிச் செல்லாமல் தடுக்கிறது.

சர்க்கரை வியாதி உள்ளவர்களுக்கு இந்தத் தொய்வு ஏற்படும் பொழுது, பாதங்களில் கட்டை விரல்கள் உணர்ச்சியற்று மரத்துப் போகும்.  சில பேருக்கு கைகள் நடுங்குவது, வேகமாகச் செயல்பட முடியாமல் சோர்வு , போன்றவை சர்வ சாதாரணமாகத் தோன்றும்.

பொதுவாக வலி, உணர்வின்மை,  கவலை, மன அழுத்தம், சோர்வு, கை நடுக்கம்,கவனம் செலுத்துவதில் சிரமம் ,குமட்டல் ,பதட்டம் ,உயர் இரத்த அழுத்தம், இதய துடிப்பு ,களைப்பு ,தூக்கமின்மை (Insomnia ) இப்படி தொடரலாம்.அதனால் ஆரம்பத்தில் கவனமெடுப்பது சிறந்ததாகும்.

மனநிலை, சூழ்நிலை, அதிகமான ஆசை, உடலின்பம்/சுய இன்பத்திற்குக் முழுதான காரணம் இல்லை என்றாலும் கூட,அளவிற்கு அதிகமான சுய இன்பம் கூட இதற்கு காரணமாகலாம்.இதை முற்றாக ஒதுக்கி வைத்துவிட முடியாது.ஏற்கெனவே நரம்புத் தளர்ச்சி உள்ளவர்களும், சர்க்கரை நோயாளிகளும் மிக அதிகமாக உடல் இன்பத்தில் ஈடுபட்டால் நரம்புப் பிரச்னைகள் அதிகமாக வாய்ப்பு உண்டு.

சிலருக்கு இளம் வயதில்,கை நடுக்கம்,பதற்றம் போன்றவற்றுக்கு புரதப்பொருள்,விட்டமின் போன்றவற்றின் குறைபாடு,உணவுச் சம நிலையின்மை, துரித உணவுகள்,கட்டுப்பாடற்ற வாழ்க்கை,தூக்கமின்மை  காரணமாக இப்படி அமைகிறது.

அதனால் எவராக இருந்தாலும்,உணவுச்சமன்பாடு-எல்லாம் கலந்த உணவு-அரைவயிற்றுச் சாப்பாடு,அவசரப்படாது அமைதியாக அமர்ந்து உண்பது,எண்ணெய்,இறைச்சி குறைத்து, மரக்கறி பழங்கள் சேர்ப்பது,சிக்கன் 65 ஐ (ஏன் அந்தப் பெயர்?) அறவே நீக்குவது.கீரை வகைகள்,நிலக்கடலை போன்ற கடலை வகைகள்,தானியங்கள்,காய்கறிகள் சேர்ப்பது சிறந்தது.
ஆங்கில மருத்துவ முறைப்படி (நரம்புகள் செய்திகளை மூளையில் இருந்து அனுப்புவது plaques எனப்படுகிறது. இதை magnetic resonance imaging (MRI) மூலம் கண்டறியலாம்.) நரம்புகளின் செயற்பாடுகளைக் கண்டறிவது சுலபம்.

தொடக்கமாயின் மேற்சொன்ன உணவு முறைகள், நல்ல பலன் தரும். மனப்பயிற்சி,நல்ல நூல்கள் படிப்பதும்,தியானம்-யோகா செய்வது, தேவையற்ற படங்கள்,ஆபாச சினிமா தவிர்ப்பது,சுயஇன்பத்தை நிறுத்துவது அல்லது குறைப்பது,சீரான மன நிலையை உருவாக்குவது,கோபத்தைக் குறைத்து விட்டுக் கொடுத்தல், (கோபம் வரும் போது தண்ணீரை-H2O- வாயில் நிரப்பிக் கொள்வது) மது,போதைப்பொருள்,புகைத்தல் தவிர்ப்பது, போன்றவை நல்ல பலன் தரும்.

கவனமில்லாமல் விட்டு விட்டால்,ஆண்களுக்கு ஆண்மை குறைவு, ஆண்களுக்கும், பெண்களுக்கும் சிறுநீரை அடக்கும் தன்மை குறைவடைதல்,தலைச்சுற்று, மயக்கம்,கை நடுக்கம், கோபம், அவசரம், பத்ற்றம் போன்றவை ஏற்பட்டுத் தொடரலாம்.

எனவே செயற்கையை விட இயற்கை சிறந்தது என்பதால்,மேற்சொன்ன உணவு முறை,பயிற்சி முறைகளைக் கடைப் பிடிப்பது சிறந்ததாகும்.
[You must be registered and logged in to see this image.]
.................................
மேலதிகத் தகவல்............மேலே உள்ளவற்றுடன்,கீழே உள்ளவற்றைக் குழப்பிக் கொள்ள வேண்டாம்.

மேற்சொன்ன Myelin பழுதடைவதால்,செய்திகளைக் கடத்திச் செல்ல முடியாத நிலையில், Multiple sclerosis என்ற நோய், பொதுவாகப் பெண்களுக்கு மிக அரிதாக வருகிறது.

மயிலின் பழுதடைவதால் அல்லது குறைவடைவதால் Multiple sclerosis,neurasthenia -weak nervous system, dysautonomia, nervosism போன்றவை ஏற்படலாம்.நரம்புகளின் வெவ்வேறான  இந்த நிலையை,குறைபாட்டை  மேல் நாடுகளிலும் ஆசிய நாடுகளிலும் வெவ்வேறாக   மன நோய்,நரம்புத்தளர்ச்சி இப்படி சில வேறாக….....பாகுபடுத்திக் கூறுகிறார்கள்.

அருமையான மருத்துவ கட்டுரை