மோடி சந்திப்பு இப்போதைக்கு இல்லை-தமிழ்த் தேசியக் கூட்டமைப்பு

by **krishnaamma** Fri May 30, 2014 2:58 pm

மோடி சந்திப்பு இப்போதைக்கு இல்லை

இந்தியாவின் புதிய பிரதமராக நரேந்திரமோடி பதவியேற்றுள்ள நிலையில் அவரை உடனடியாகச் சந்திப்பதற்கு தமிழ்த் தேசியக் கூட்டமைப்பு விருப்பம் தெரிவித்திருக்கும் நிலையில் அது உடனடியாக சாத்தியம் இல்லை என இராஜதந்திர வட்டாரங்கள் சுட்டிக்காட்டியுள்ளன.
இந்தியாவின் புதிய பிரதமராக நரேந்திரமோடி கடந்த 26 ஆம் திகதி பதவியேற்றிருந்தார். புதிய பிரதமரின் பதவியேற்பு விழாவுக்கு சார்க் நாட்டுத் தலைவர்கள் பங்கெடுத்திருந்தனர். அதனடிப்படையில் பங்கெடுத்திருந்த ஜனாதிபதி மஹிந்த ராஜபக்சவுடன், இந்தியப் பிரதமர் நரேந்திர பிரச்சினைக்குத் தீர்வு காணவேண்டும் என்பதில் தாங்கள் தொடர்ந்து காட்டிவரும் சிரத்தைக்கு நாம் நன்றியாக இருக்கின்றோம்.

அதே சமயத்தில் எங்களிடையேயான உறவை வலுப்படுத்தும் வகையில் உங்களுடனும் உங்கள் அரசுடனும் நெருங்கிச் செயற்படுவதற்கு எதிர்பார்த்தும் இருக்கிறோம். மீண்டும் வன்முறை இடம்பெறுவதை இலங்கையில் உள்ள தமிழ் மக்கள் விரும்பவில்லை. இலங்கையில் உள்ள ஏனையோரோடு தத்தம் பிரதேசங்களின் சமத்துவம் மற்றும் நீதி ஆகியவற்றின் அடிப்படையில் சேர்ந்து வாழ்வைக் கொண்டு நடத்துவதையே தமிழர்கள் விரும்புகின்றனர்.
இந்திய முயற்சி 1983 ஆம் ஆண்டின் தமிழர் எதிர்ப்பு படுகொலைகளின் தொடர்ச்சியாக, இலங்கையின் தேசிய இனப்பிரச்சினைக்கு ஏற்றுக் கொள்ளத்தக்க ஓர் இறுதித் தீர்வைக் கொண்டு வருவதற்காக இந்தியா எடுத்த நல்முயற்சிகளை இலங்கை இணங்கி ஏற்றுக் கொண்டிருந்தது. காலத்துக்குக் காலம் இடையூறுகள் ஏற்பட்ட போதிலும் இந்த முயற்சிகள் தொடர்ச்சியாக முன்னெடுக்கப்பட்டு வந்தன.
இந்தியா தொடர்ந்தும் ஒரு பங்கை ஏற்று வகித்து வந்தது. 2009 ஆம் ஆண்டு மேமாதம் ஆயுதப் போர் முடிவுக்கு வந்து, வன்முறை நிறுத்தப்பட்ட போது, சமத்துவம், நீதி, உண்மையான தீர்வு ஆகியவற்றின் அடிப்படையில் பிணக்குக்கு நிரந்தரமாக முடிவு கட்டும் அனைத்து வாய்ப்புக்களும் உருவாகின. நிறைவேறாத வாக்குறுதிகள் ஏற்றுக் கொள்ளத்தக்க அரசியல் தீர்வைக் கொண்டு வருவோம் என்ற வாக்குறுதியை போர் நிகழ்ந்த காலத்திலும், போரின் முடிவுக்குப் பின்னரும் இந்தியாவுக்கும் சர்வதேச சமூகத்திற்கும் இலங்கை வழங்கியிருந்தது. துரதிஷ்டவசமாக இந்த வாக்குறுதி நிறைவு செய்யப்படவேயில்லை.
இலங்கை அரசு பல்வேறு செயற்பாடுகள் மூலம் வடக்கு, கிழக்கில் தமிழ்ப் பேசும் மக்கள் பெரும்பான்மையினராக வாழும் பிரதேசங்களின் இனப்பரம்பல் முறையை மோசமாக மாற்றியமைக்கவும், அதன் மூலம் அவர்களின் இனத்துவ, மொழியியல், பண்பாட்டு அடையாளங்களை சீரழிக்கவுமான நிகழ்ச்சி நிரலையே இலங்கை அரசு முனைப்பாக முன்னெடுக்கிறது.
இலங்கை அரசின் மேற்படி நடவடிக்கைகள், ஏற்றுக்கொள்ளத்தக்க ஓர் அரசியல் தீர்வை எட்டுவதில் இலங்கை அரசுக்கு நேர்மையான பற்றுறுதி இல்லை என்பதைத் தெளிவாகப் புலப்படுத்துகின்றன. மோதல் நிலைமை உருவாக்கம் இலங்கை அரசின் இத்தகைய செயற்பாடுகள் நல்லிணக்கம், நிரந்தர சமாதானம், அமைதி ஆகியவற்றுக்கான முயற்சிகளைப் பலவீனப்படுத்தும்.
மோதல் நிலையைத் தீவிரப்படுத்துகின்ற சூழலை உருவாக்கும். தமிழ்ப் பேசும் மக்களுக்கு, அவர்கள் பூர்வீகமாக வாழ்ந்து வரும் பிரதேசங்களில் மீளச்சரிபண்ணவே முடியாத பல இழப்புக்களை ஏற்படுத்தும். இலங்கையில் நீதி மற்றும் சமத்துவத்தின் அடிப்படையிலான கெளரவமாக தீர்வு ஒன்று எட்டப்படுவதை உறுதிப்படுத்துவதற்கு இந்தியாவின் பங்களிப்புத் தொடரவேண்டும் என்று இந்தியப் பிரதமரிடம் நாம் கோரியுள்ளோம்.
இதனை எட்டுவதற்கு உங்களின் முழு ஆதரவு தொடர்வது அவசியம் என்று தங்களை வேண்டி நிற்கிறோம். இயன்ற விரைவில் தங்களைச் சந்திக்க எதிர்பார்த்திருக்கிறோம். அத்தகைய வாய்ப்பை எமக்கு வழங்குமாறு ஆர்வத்துடன் வேண்டுகிறோம்'' என்று குறித்த கடிதத்தில் தெரிவிக்கப்பட்டுள்ளது.