எகிப்திய பிரமிட்டுகள் கட்டப்பட்ட முறை பற்றிய விவாதம் முடிவுக்கு வந்தது.

எகிப்திய பிரமிட்டுகள் கட்டப்பட்ட முறை பற்றிய விவாதம் முடிவுக்கு வந்தது.

இதுவரை பலராலும் பல விளக்கங்கள் கொடுக்கப்பட்டு வந்த பிரமிட் உருவாக்கம் பற்றிய சந்தேகம் முடிவுக்கு வந்துள்ளது. சிலர் 100.000 மேற்பட்ட மனிதர்களை வைத்துக் கட்டி இருக்கலாம் என்றும் வேறு சிலர் வேற்றுக்கிரக வாசிகளால் ( pyramids were not made by humans but instead by aliens) கட்டப்பட்டது எனவும் பல விளக்கங்கள் வைக்கப்பட்ட நிலையில்,Daniel Bonn physics professor, மற்றும் குழுவினர், University of Amsterdam ,முடிவிற்கு கொண்டு வந்துள்ளனர்.

கி.மு.1900 ற்கு முன்னர் உருவாக்கப்பட்ட Djehutihotep கல்லறையில் கண்டெடுக்கப்பட்ட சுவர்ச்சித்திரம் அதற்கான பதிலைக் கொடுத்துள்ளது.இந்தப் படத்தில் 172 மனிதர்கள் கயிற்றைக் கொண்டும், சுழலும் மரக்குற்றிகளான உருளைகளாலும் (pulley) ,மிகப்பெரிய சிலையைக் கொண்டு செல்வதாகக் காட்டப்பட்டுள்ளது.





அதில் பலர் கயிற்றைக் கட்டி இழுப்பதையும்,ஒருவர் முன்னே நின்று தண்ணீர் ஊற்றிக் கொண்டிருப்பதாகவும் காட்டப்படுகிறது. அதை ஆதாரமாக வைத்து,ஆய்வுகளை மேற்கொண்டார்கள். தண்ணீர் இல்லாமல் மணலில் பெரிய கற்களை இழுக்க முயற்சி மேற்கொள்ளப்பட்டது.பின்னர் அதிக தண்ணீரை படத்தில் உள்ளது போல் ஊற்றி முயற்சித்தார்கள். இவை சரிவராமல் போகவே சிறிது சிறிதாக தண்ணீரை ஊற்றி முயற்சித்த போது சுலபமாக கல் அசைவதைக் கண்டதாக பேராசிரியர் பொன் அவர்கள் கூறிப்பிட்டுள்ளார். அதன்படி நூறு மனிதர்கள் செய்வதை அரைவாசிக்குக் குறைவானவர்களைக் கொண்டும்,சாய்வான பகுதிகளில் இருந்து உயரத்திற்கு இழுப்பதும் சுலபமாக இருந்ததாகவும் கூறுகிறார்.

இதன்படி முன்னர் கூறப்பட்ட 100.000 மனிதர்கள் என்பது தவறு என்றும்,ஏறக்குறைய 4000 பேர் வரை பயன்படுத்தப்பட்டிருக்கலாம் என்கிறார்கள்.இந்த மணல் முறை தவிர,சுழலும் மரக்குற்றிகளை மேலே ஒரு இடத்தில் வைத்து,சாய்வான மரக்குற்றிகளின் மேல் வைத்து கயிற்றினால் இழுக்கும் முறையும் பயன்படுத்தப்பட்டிருக்கலாம் என்கிறார்கள்.

இந்தப் பிரமிட்டுகள்,எகிப்தியரின் சூரியக் கடவுளான ரா சொன்னதன் பேரில் உருவானதாக அன்றைய மக்கள் நம்பினார்கள். றா கடவுள்,  மற்றையக் கடவுள்களை படைப்பதற்கு முன்னர்,ஒரு பிரமிட் வடிவில் ஒரு மலையை உருவாக்கி படைத்தாராம்.

பல வருட குழப்பத்திற்கு விடை கிடைத்துள்ளது