ஆஸ்த்மா மோசடைகிறதா? ஆரம்பத்தில் கண்டறியுங்கள்

by **logu** Sat Apr 26, 2014 7:25 am

ஆஸ்த்மா என்றால் நெஞ்சிற்குள் வீணையின் நாதம் போன்ற ஒலியுடன் மேல் மூச்சு கீழ் மூச்சு வாங்கும் இழுப்பும் மூச்சுத் திணறலும்தான் என்றே பலரும் கருதுகிறார்கள்.

ஆனால் அது மட்டுமல்ல

வெறும் இருமல்,
இடைவிடாத இருமல்,
காலையில் இருமல்,
இரவில் இருமல்

என பல மாறுபாடுகளுடன் இது தோன்றக் கூடும்.

எனவே உங்களுக்கு ஆஸ்த்மா என்று மருத்துவர் சொன்னால் பயந்து கலங்காதீர்கள்.
உங்களுக்கு தரப்பட்ட மருந்துகளை ஒழுங்காக உபயோகிப்பதன் மூலம் அதை கட்டுப்படுத்துவதுடன்
மற்றவர்கள் போல நலமாக வாழலாம்.

அத்துடன் ஆஸ்மாவைத் தூண்டும் காரணிகளிலிருந்து விலகியிருக்க வேண்டும்.

மிக முக்கியமான விடயம் அது தீவிரமாகுவதை உணர்ந்தால் உடனடியாக மருத்துவரை அணுகுவதுதான்.

ஆஸ்த்மா மோசமடைவதை எவ்வாறு நீங்கள் உணர முடியும்?

முன்பை விட அடிக்கடியும் சற்று தீவிரமாகவும் இருமல் மூச்செடுப்பதில் சிரமம் போன்ற அறிகுறிகள் தோன்றுதல்.
இரவில் ஓழங்கான தூக்கம் கிட்டாது சிரமப்படல்.
ஆஸ்தமா காரணமாக உங்களது வழமையான வேலைகளை ஒழுங்காhகச் செய்ய முடியாதிருக்கும். பாடசாலைக்கு அல்லது வேலைக்கு செல்ல முடியாது லீவு எடுத்தல், கடைத் தெருவிற்கு போதல், நடைப் பயிற்சி, வணக்க ஸதலம் போவது போன்றவற்றை இயலாமையால் தள்ளிப்போடுதல்.
வழமையாக உபயோகிக்கும் ஆஸ்த்மாவிற்கான மருந்துகள் முன்பு போல வேலை செய்யவில்லை எனத் தோன்றல்.
அடிக்கடி நோய் தணிக்கும் மருந்துகளை உபயோகிக்க நேரல்.

இத்தகைய அறிகுறிகள் இருந்தால் தாமதிக்காதீர்கள்
மருத்துவரை உடனடியாகச் சந்தியுங்கள்

டொக்டர்.எம்.கே.முருகானந்தன்.
MBBS(Cey), DFM (Col), FCGP (col)
குடும்ப மருத்துவர்