அ.இ.அ.தி.மு.க. சார்பில் தொடங்கப்பட்டுள்ள தொலைபேசி மற்றும் செல்ஃபோன் சேவை, “அம்மா வாய்ஸ்” – டயல்செய்தால், முதலமைச்சர் ஜெயலலிதாவின் தேர்தல் பிரச்சார எழுச்சியுரையைக் கேட்கும் வசதி – பொதுமக்களிடையே அமோக வரவேற்பு

by **logu** Sat Apr 05, 2014 1:19 pm

மக்களவைத் தேர்தலையொட்டி, அ.இ.அ.தி.மு.க. சார்பில் தொடங்கப்பட்டுள்ள தொலைபேசி மற்றும் செல்ஃபோன் சேவையான “அம்மா வாய்ஸ்” சேவையை ஒரே நாளில் லட்சக்கணக்கானோர் பயன்படுத்தியுள்ளனர். மேலும் அதிநவீன இணையதள சேவை தொழில்நுட்பத்தை பயன்படுத்தும் கட்சிகளில் அ.இ.அ.தி.மு.க.வே முன்னிலை வகிப்பதாக தகவல்கள் தெரிவிக்கின்றன.
நாடாளுமன்றத் தேர்தல் நெருங்கிவரும் நிலையில், அரசியல் கட்சிகள் தங்களது பிரச்சாரங்களை மக்கள் மத்தியில் கொண்டு சேர்க்க பல்வேறு உத்திகளைக் கையாண்டு வருகின்றன. இது நவீன இணையதள யுகம் என்பதால், இணையதள உபயோகிப்பாளர்களைக் கவர்ந்திழுக்க பல்வேறு கட்சிகளும், விதவிதமான சேவைகளை தங்கள் இணையதளத்தில் அறிமுகம் செய்துவருகின்றன. இந்த வரிசையில், பிரதான அரசியல் கட்சிகளில், அ.இ.அ.தி.மு.க. தான் முதன்முறையாக, ஆன்லைன் மூலம் கழக உறுப்பினர்களை சேர்க்கும் புதிய திட்டத்தை அறிமுகப்படுத்தியது. இந்த திட்டத்தை அறிமுகப்படுத்திய குறுகிய காலத்திலேயே, கழகத்தில் சுமார் 40 ஆயிரம் பேர் புதிய உறுப்பினர்களாக சேர்ந்துள்ளனர்.
இதனைத் தொடர்ந்து, இளைஞர்கள் மத்தியில் பெரும் வரவேற்பை பெற்றுள்ள “WhatsApp” செயலியில், முதலமைச்சர் செல்வி ஜெயலலிதாவின் சாதனைகள் அடங்கிய வீடியோக்களை பெறும் சேவை, அ.இ.அ.தி.மு.க. இணையதளத்தில் அறிமுகப்படுத்தப்பட்டது. சில மாதங்களிலியே 10 லட்சத்திற்கும் மேற்பட்டோர் புதிய உறுப்பினர்களாகியுள்ளனர்.
அ.இ.அ.தி.மு.க. அரசின் பல்வேறு மக்கள் நலத்திட்டங்கள், தேர்தல் அறிக்கை போன்ற செய்திகள் மற்றும் அவை தொடர்பான வீடியோ பதிவுகளை 9087778890 என்ற செல்ஃபோன் எண்ணை தொடர்பு கொண்டு, தங்களுடைய செல்ஃபோன் மூலம் பெற்றுள்ளனர். இப்படி… அ.இ.அ.தி.மு.க.வின் பல்வேறு இணையதள சேவைகளுக்கு அனைத்துத் தரப்பினரிடமிருந்தும் அபரிமிதமான ஆதரவு பெருகிவரும் நிலையில், முதலமைச்சர் செல்வி ஜெயலலிதா, அ.இ.அ.தி.மு.க. வேட்பாளர்களை ஆதரித்து, தேர்தல் பிரச்சாரப் பொதுக்கூட்டங்களில் ஆற்றிவரும் எழுச்சியுரைகளை, நினைத்த போதெல்லாம் கேட்கும் விதமாக, “அம்மா வாய்ஸ்” என்ற புதிய சேவை அறிமுகம் செய்யப்பட்டது. 9543778899 என்ற செல்ஃபோன் எண்ணிற்கு, தொலைபேசி மற்றும் செல்ஃபோன்களில் இருந்து டயல் செய்தால், முதலமைச்சர் செல்வி. ஜெயலலிதாவின் தேர்தல் பிரச்சார உரையைக் கேட்க, வழிவகை செய்யப்பட்டுள்ளது. இந்த வசதியைப் பயன்படுத்தி, ஒரே நாளில் பல லட்சம் பேர், முதலமைச்சர் செல்வி ஜெயலலிதாவின் எழுச்சியுரைகளைக் கேட்டு பயன்பெற்றுள்ளனர்.
இணையதளங்களைப் பயன்படுத்தி பல்வேறு கட்சிகள் தேர்தல் பிரச்சாரம் மேற்கொண்டு வந்தபோதிலும், அ.இ.அ.தி.மு.க.வின் அதிநவீன இணையதள சேவைக்குதான் மக்களிடையே அமோக வரவேற்பு கிடைத்துள்ளது. அ.இ.அ.தி.மு.க. அறிமுகப்படுத்தியுள்ள இந்த நவீன சேவைகள், நகர்ப்புறங்கள் மட்டுமின்றி பட்டிதொட்டியெங்கும் உள்ள பாமர மக்களையும் சென்றடைந்து வருகின்றன. இதன் மூலம், முதலமைச்சர் செல்வி. ஜெயலலிதாவுக்கும், அ.இ.அ.தி.மு.க.வுக்கும் நாளுக்குநாள் ஆதரவு பெருகிவருவது மீண்டும் உறுதியாகியுள்ளது.