ஒலிம்பிக்கில் கொடுக்கப்படும் பதக்கங்கள் உண்மையானவையா? பதக்கம் வென்றவர்கள் ஏன் அதைக் கடித்துப் பார்க்கிறார்கள்?

by **sakthy** Wed Feb 19, 2014 12:05 am

ஒலிம்பிக்கில் கொடுக்கப்படும் பதக்கங்கள் உண்மையானவையா?
பதக்கம் வென்றவர்கள் ஏன் அதைக் கடித்துப் பார்க்கிறார்கள்?

தற்போது குளிர்கால ஒலிம்பிக் நடந்து கொண்டிருக்கிறது. அதில் அதிக தங்கப் பதக்கங்களை ஜேர்மன் இதுவரை பெற்றுள்ளது.இந்தச் செய்தியுடன்....................

ஒலிம்பிக்,காமன்வெல்த், நோபெல் பரிசு போன்றவற்றில் பதக்கங்கள் கொடுப்பதை நாம் அறிவோம்.இவற்றில் நோபெல் பரிசில் கொடுக்கும் தங்கப் பதக்கங்கள் 1980 வரை 23காரட் தங்கத்தினாலும்,அதன் பின்னர் தற்போது வரை 18 காரட் பச்சைத் தங்கத்தினால் செய்யப்பட்ட பதக்கங்கள்,24 காரட் முலாம் செய்யப்பட்டு வழங்கப்படுகிறது. (green gold 24 carat gold plated)

1986 இல் தொடங்கிய ஒலிம்பிக்கில் தங்கத்திற்குப் பதில் வெள்ளிப் பதக்கங்கள் கொடுக்கப்பட்டன. அப்போது வெள்ளியே அதிக மதிப்பாகப் பார்க்கப்பட்டது. இரண்டாவது பரிசு வெண்கலப் பதக்கமாக இருந்தது.1900 ம் ஆண்டில் கோப்பைகள் (Cups) வழங்கப்பட்டது. தங்கப்பதக்கம் 1904 இல் (gold, silver, bronze) முதலில் அறிமுகப்படுத்தப்பட்டது.1912 வரை சுத்த தங்கத்தினாலான பதக்கங்கள் வழங்கப்பட்டு வந்தன. மெல்லத் தரம் குறைய ஆரம்பித்து, தற்போது தங்கம் மற்றும் வெள்ளிப் பதக்கங்கள் 92.5 % வெள்ளியினால் ஆனதாகும். தங்கப் பதக்கங்கள் வெள்ளியினால் செய்யப்பட்டு,6 கிராம் தங்கத்தினால் பிளேட் செய்யப்பட்டு வழங்கப்படுகிறது.

இந்தத் தங்கப் பதக்கங்களை வெற்றி பெற்றவர்கள்,பதக்கம் அணிவித்தவுடன் ஏன் வாயினால் கடிக்கிறார்கள் தெரியுமா? சுத்தமான தங்கத்தை சுலபமாக பற்களினால் கடிக்க முடியாது. அதனால் வாங்கியவுடன் கடித்துப் பார்ப்பதன் மூலம், அது உண்மையான தங்கமா எனத் தெரிந்து கொள்கிறார்கள்.

ஆனாலும் இந்தப் பதக்கங்கள் தங்கத்தை விட பெறுமதியானவை. Wladimir Klitschko என்ற உக்ரைனிய உலக மல்யுத்த வீரர், தனது தங்கப் பதங்களை ஒரு மில்லியன் டாலர்களுக்கு விற்று ஏழைகளுக்குக் கொடுத்துள்ளார்.

by **krishnaamma** Wed Feb 19, 2014 7:03 am

அரிய தகவல்