கார், மோட்டார் பைக் விற்பனை உயர்வு

புது
தில்லி, மே 1: கார் மற்றும் இரு சக்கர வாகன விற்பனை ஏப்ரல் மாதத்தில்
கணிசமாக உயர்ந்துள்ளது. மாருதி நிறுவன கார் விற்பனை 30 சதவீதமும்,
ஹூன்டாய் கார் விற்பனை 28 சதவீதமும், ஃபோர்டு கார் விற்பனை மூன்று
மடங்கும், ஜெனரல் மோட்டார்ஸ் கார் விற்பனை 2 மடங்கும் அதிகரித்துள்ளது.
இரு சக்கர வாகனங்களைப் பொருத்தமட்டில் டிவிஎஸ் விற்பனை 28 சதவீதமும், யமஹா
விற்பனை 42 சதவீதமும் உயர்ந்துள்ளது.மாருதி-சுஸýகி: இந்நிறுவனம்
ஏப்ரல் மாதத்தில் 93,058 கார்களை விற்பனை செய்துள்ளது. முந்தைய ஆண்டு இதே
காலத்தில் நிறுவனம் 71,748 கார்களை விற்பனை செய்தது குறிப்பிடத்தக்கது.
இதில் உள்நாட்டு விற்பனை 80,034 ஆகும். ஏற்றுமதி 89 சதவீதம் அதிகரித்து
13,024 ஆக உயர்ந்துள்ளது. முந்தைய ஆண்டு நிறுவன ஏற்றுமதி 6,891 ஆக
இருந்தது. நிறுவனத்தின் ஆரம்ப கால தயாரிப்பான மாருதி 800 விற்பனை 3.71
சதவீதம் சரிந்து 2,258 ஆக உள்ளது. இருப்பினும் ஆல்டோ, வேகன்ஆர், எஸ்டிலோ,
ஸ்விஃப்ட், ஏ-ஸ்டார், ரிட்ஸ் ஆகியவற்றின் ஒட்டுமொத்த விற்பனை 20 சதவீதம்
உயர்ந்து 56,416-ஐ தொட்டுள்ளது.ஹூன்டாய்: இந்நிறுவனம்
ஏப்ரல் மாதத்தில் 52,020 கார்களை விற்பனை செய்துள்ளது. முந்தைய ஆண்டு இதே
காலத்தில் இந்நிறுவன கார்களின் விற்பனை 44,370 ஆகும். உள்நாட்டு விற்பனை
22,247-லிருந்து 28,501 ஆக அதிகரித்துள்ளது. ஏற்றுமதி 6 சதவீதம்
அதிகரித்து 23,519 ஆக உயர்ந்தது. முந்தைய ஆண்டு இதேகாலத்தில் 22,123
கார்கள் ஏற்றுமதி செய்யப்பட்டுள்ளன.ஃபோர்டு: நிறுவன விற்பனை
மூன்று மடங்கு அதிகரித்து 7,509 ஆக உயர்ந்துள்ளது. நிறுனம் சமீபத்தில்
அறிமுகப்படுத்திய ஃபிகோ கார்களின் விற்பனை உயர்ந்ததே ஒட்டுமொத்த விற்பனை
அதிகரிப்புக்கு பிரதான காரணமாகும். கடந்த ஆண்டு இதே காலத்தில் நிறுவன கார்
விற்பனை 2,034 ஆக இருந்தது.டொயோடா: கார் விற்பனை ஏப்ரல்
மாதத்தில் 77 சதவீதம் உயர்ந்துள்ளது. ஏப்ரல் விற்பனை 6,001-ஐ தொட்டது.
கடந்த ஆண்டு இதே காலத்தில் நிறுவன வாகன விற்பனை 3,386 ஆக இருந்தது.
ஜப்பானின் டொயோடா நிறுவனம் இந்தியாவின் கிர்லோஸ்கர் நிறுவன கூட்டுடன்
பெங்களூரில் ஆலை அமைத்து கார் உற்பத்தியில் ஈடுபட்டுள்ளது.ஜெனரல் மோட்டார்ஸ்: இந்நிறுவன
கார் விற்பனை இரண்டு மடங்கு அதிகரித்து 10,601 ஆக உயர்ந்துள்ளது. முந்தைய
ஆண்டு இதே காலத்தில் நிறுவன கார் விற்பனை 4,823 ஆக இருந்தது.
இந்நிறுவனத்தின் சிறிய ரகக் காரான ஸ்பார்க் 3,507 விற்பனையாகியுள்ளது.
இந்நிறுவனம் உற்பத்தியை அதிகரிக்க ஹலோல் மற்றும் தலேகோனில் உள்ள ஆலையில்
இரண்டாவது ஷிஃப்டில் பணியைத் தொடங்கியுள்ளது.ஹீரோ ஹோண்டா: நிறுவனத்தின்
ஒட்டுமொத்த விற்பனை 3,70,575 ஆக உயர்ந்துள்ளது. இது முந்தைய ஆண்டு இதே
காலத்தில் விற்பனையானதைக் காட்டிலும் 29 சதவீதம் அதிகமாகும். முந்தைய
ஆண்டு 2,86,252 வாகனங்கள் விற்பனையாயின. நிறுவனம் பயன்படுத்தும் எக்ûஸடு
பேட்டரி நிறுவனத்தில் வேலை நிறுத்தம் நடைபெறுவதால், இந்நிறுவன ஆலையில் 50
ஆயிரத்துக்கும் மேற்பட்ட வாகனங்கள் விற்பனைக்கு அனுப்ப முடியாமல்
தேங்கியுள்ளன. எக்ûஸடு ஆலை வேலை நிறுத்தம் தொடர்ந்தால், ஹீரோ ஹோண்டாவின்
மே மாத விற்பனை பாதிக்கும் என்று நிறுவன அதிகாரிகள் தெரிவித்துள்ளனர்.டிவிஎஸ் மோட்டார்: தமிழகத்தைச்
சேர்ந்த இந்நிறுவனம் இரு சக்கர வாகன தயாரிப்பில் ஈடுபட்டுள்ளது.
இந்நிறுவனத் தயாரிப்புகள் கடந்த ஏப்ரலில் 27 சதவீதம் அதிகரித்துள்ளது.
மொத்தம் 1,44,689 வாகனங்களை இந்நிறுவனம் விற்பனை செய்துள்ளது. கடந்த ஆண்டு
இதேகாலத்தில் இந்நிறுவன வாகன விற்பனை 1,13,119 ஆக இருந்தது. மோட்டார்
சைக்கிள் விற்பனை 53,235-லிருந்து 66,000 ஆக உயர்ந்தது. முந்தைய ஆண்டு இதே
காலத்தில் இந்நிறுவன வாகன விற்பனை 53,235 ஆக இருந்தது. உள்நாட்டு விற்பனை
1,02,985-லிருந்து 1,25,471 ஆக உயர்ந்தது. ஏற்றுமதி 89 சதவீதம் அதிகரித்து
19,218 ஆக உயர்ந்தது. கடந்த ஆண்டு இதே காலத்தில் ஏற்றுமதி 10,134 ஆக
இருந்தது. ஆட்டோ விற்பனை 3 மடங்கு உயர்ந்து 2,483 ஆக உயர்ந்துள்ளது.
முந்தைய ஆண்டு இதேகாலத்தில் 706 ஆட்டோக்கள் மட்டுமே விற்பனையாயின.யமஹா: இந்நிறுவன
விற்பனை ஏப்ரல் மாதத்தில் 42 சதவீதம் அதிகரித்து 24,960 ஆக உயர்ந்துள்ளது.
கடந்த ஆண்டு இதே காலத்தில் நிறுவன வாகன விற்பனை 17,576 ஆகும். உள்நாட்டு
விற்பனை 11 சதவீதம் அதிகரித்து 16,861 ஆக உயர்ந்தது. ஏற்றுமதி இரண்டு
மடங்கு அதிகரித்து 8,099 ஆக உயர்ந்தது. கடந்த ஆண்டு இந்நிறுவனம் 2,456
கார்களை ஏற்றுமதி செய்துள்ளது.சுஸýகி: இந்நிறுவன வாகன
விற்பனை ஏப்ரல் மாதத்தில் 53 சதவீதம் அதிகரித்துள்ளது. கடந்த மாதத்தில்
இந்நிறுவனம் 20,771 வாகனங்களை விற்பனை செய்துள்ளது. கடந்த ஆண்டு இதே
காலத்தில் நிறுவன வாகன விற்பனை 13,556 ஆக இருந்தது. நிறுவனத்தின் புதிய
தயாரிப்பான ஜிஎஸ்150 ஆர் மற்றும் ஆக்ஸஸ் 125 ஆகியவற்றின் விற்பனை
அதிகரிப்பே ஒட்டுமொத்த விற்பனை உயர்வுக்குக் காரணமாக அமைந்தது.