Latest topics

உலக ஆக்கி லீக் போட்டி: தொடக்க ஆட்டத்தில் இந்தியா தோல்வி

TamilYes :: செய்திக் களம் :: விளையாட்டு செய்திகள்

Page 1 of 1

உலக ஆக்கி லீக் போட்டி: தொடக்க ஆட்டத்தில் இந்தியா தோல்வி

by KAPILS Sat Jan 11, 2014 7:16 am

உலக ஆக்கி லீக்கின் இறுதி சுற்று டெல்லியில் தொடங்கியது. இதில் பங்கேற்றுள்ள 8 அணிகள் அணிகள் இரு பிரிவாக பிரிக்கப்பட்டு லீக்கில் மோதுகின்றன. ஏ பிரிவில் இடம் வகிக்கும் இந்திய அணி தனது தொடக்க ஆட்டத்தில் இங்கிலாந்துடன் மோதியது. உள்ளூர் ரசிகர்களின் ஆதரவுடன் களம் இறங்கிய இந்திய அணி, எதிர்பார்ப்புக்கு ஏற்ப ஆடவில்லை. 28 மற்றும் 45-வது நிமிடங்களில் கிடைத்த பெனால்டி கார்னர் வாய்ப்பை பயன்படுத்தி இங்கிலாந்து வீரர் ஆடம் டிக்சன் கோல் அடித்து அதிர்ச்சி கொடுத்தார். இந்திய வீரர்களால் ஒரு கோல் கூட திருப்ப முடியவில்லை.

கிடைத்த 4 பெனால்டி கார்னர் வாய்ப்புகளையும் வீணடித்தனர். இந்தியாவின் தாக்குதல் யுக்தி பலவீனமாக இருந்ததால், எதிரணிக்கு போதிய நெருக்கடி கொடுக்க இயலவில்லை. முடிவில் இங்கிலாந்து அணி 2-0 என்ற கணக்கில் இந்தியாவை சாய்த்தது. இந்திய அணி அடுத்து நியூசிலாந்தை இன்று (இரவு 8 மணி) சந்திக்கிறது. முன்னதாக நடந்த ஆட்டங்களில் அர்ஜென்டினா 5-2 என்ற கோல் கணக்கில் நெதர்லாந்தையும், ஆஸ்திரேலியா 3-2 என்ற கணக்கில் பெல்ஜியத்தையும், ஒலிம்பிக் சாம்பியன் ஜெர்மனி 6-1 என்ற கணக்கில் நியூசிலாந்தையும் வீழ்த்தின.

KAPILS: நிர்வாக குழுவினர்; Posts : 4340
Join date : 11/12/2011
Location : Tamilnadu