OK Google,கணினி மற்றும் இணைய செய்திகள் சில.

கணினி மற்றும் இணைய செய்திகள் சில.

உலகின் அதிவேக இணைய தரவிறக்கம் எந்த நாட்டில் இருக்கிறது?
இந்தக் கேள்வியை வைத்தால்,பலரும் பலவிதமாக சொல்லத் தொடங்குவார்கள்.தரவிறக்கம் என்பது மென்பொருள் போன்றவற்றை தரவிறக்கம் செய்வது மட்டுமல்லாமல், இணையப் பக்கங்களிற்கு செல்வதும் தரவிறக்கம் தான். சென்றமாத முடிவில் கிடைத்த முடிவின்படி இணைய தரவிறக்க வேகம், முதல் இடத்தில் Hong Kong -71.03  Mbps, இரண்டாவது இடத்தில்,Singapore -52.85 Mbps,மூன்றாவது இடத்தில், Romania-50.82 Mbps, இடத்தில் இருக்கும் அதே சமயம்,அமெரிக்கா 31 வது இடத்திலும்,இந்தியா 130 வதிலும் இருக்கிறது.கடைசி இடத்தை வெற்றிகரமாக கைப்பற்றியது Cuba – 0.84 Mbps.

சமீபகாலமாக Bitcoins களின் ஆதிக்கம் இணைய உலகில் அதிகரித்து வரும் நிலையில், அதன் மதிப்பும் பல மடங்காக அதிகரித்து வருகிறது. தற்போது 6 மில்லியன் Bitcoins கள் புழக்கத்தில் உள்ள நிலையில்,அமெரிக்காவை சேர்ந்த Gavin Andresen என்பவர் 50 டாலருக்கு வாங்கிய Bitcoins 10.000 ,இன்று 10 மில்லியன் டாலரை கடந்து விட்டது. அதே சமயம் ஏப்ரலில் வெறும் 120 டாலருக்கு வாங்கிய Bitcoins களின் மதிப்பு 90 மில்லியன் டாலரை தாண்டி விட்டது.
அதே சமயம் 2009 இல் 7500 Bitcoins களை வாங்கிய சவுத் வேல்ஸ், ஜேம்ஸ் என்பவர் 4.5 மில்லியன் பணத்தை இழந்து நிற்கிறார். என்ன நடந்தது? அவரின் கணினி பழுதடைந்ததைத் தொடர்ந்து,பழைய வந்தட்டை தூக்கி எறிந்து விட்டார். அந்தப் பழைய வந்தட்டில் இருந்த Bitcoins களைப் பெறமுடியாத நிலையில்,4.5 மில்லியன் பணத்தை இழந்து நிற்கும் அவருக்கு அனுதாபங்கள்.

எனவே உங்கள் கணினி பழுதடைந்தால் அல்லது வந்தட்டு பழுதடைந்தால், அல்லது விற்கப்பட்டால், வந்தட்டில் உள்ள அனைத்தையும் வேறொரு இடத்தில் சேமித்து,பின்னர் அழித்து விடுங்கள்.  இல்லையேல் முக்கியமான பலவற்றை இழந்து விடலாம் அல்லது மற்றவர்களால் திருடவோ தப்பான வழியில் பயன்படுத்தவோ முடியும். அறிவியல் தொழில் நுட்பம் வளரும் அதே வேகத்தில், ஏமாற்றுக்களும் இந்த உலகில் வளர்ந்து வருகிறது. அதனால் மற்றவர்கள் மீது குற்றம் சுமத்துவதைவிட, நாம் விழித்திருப்பது சிறந்ததாகும்.

OK Google என்ற புதிய Google Chrome extension ஐ இணைப்பதன் மூலம் கூகிள் தேடு தளத்தில் டயிப் செய்யாமலே பேச்சின் மூலம் இயக்கலாம்.

நன்றி சக்தி ...