அழிந்தபின்னர் ஐந்து வருடங்களில் கட்டி எழுப்ப பட்டதுதான் இஸ்ரேல் என்னும் நாடு..!

by **அருள்** Wed Nov 20, 2013 6:58 am

60 லெட்சம் யூதர்களை நான்கு வருடங்களில் கொசுக்களைப் போல் கொன்று அழித்தான் கிட்லர்..!

யூத இனம் அழிந்துவிட்டதா?
[You must be registered and logged in to see this image.]

ஈழம் எப்படி அழியும்? அல்லது யாராலும் அதை அழிக்க முடியுமா ?

அழிந்தபின்னர் ஐந்து வருடங்களில் கட்டி எழுப்ப பட்டதுதான்
இஸ்ரேல் என்னும் நாடு..!

யூதர்கள் பல நூற்றாண்டுகளாக தமது பூர்வீக மண்ணை இழந்து,அந்நிய தேசத்திலும்,ஐரோப்பாவிலும்,மேற்கு நாடுகளிலும்
திக்கு திசை தெரியாமல் வாழ்ந்தார்கள். அங்கொன்றும் இங்கொன்றுமாக சிதறிக் கிடந்தார்கள்.அதாவது ஈழ அனர்த்தத்துக்கு பின்னர் மேற்கு நாடுகளிலும்,ஐரோப்பிய நாடுகளிலும்,புகலிடம் தேடி பறந்து போன ஈழத்துப் புறாக்களின் நிலைதான் அன்று யூதர்களின் நிலையும்..யூதர்கள் நீண்ட காலம் தம் மண்ணை இழந்தவர்கள்.
வாழ்வியலில் ஏற்படும் வண்ண மயமான மாற்றங்கள்,மேற்கு நாடுகளின் கலை,கலாச்சாரம்,மின் மினிப் பூச்சிகள் போன்ற இரவு நேரத்து வாழ்வு,அல்ககொலின்' ஆட்சி,டிஷ்கோதெக்கின் கவர்ச்சி, ஈழத்தில் வாழ்ந்த ஒரு சில பிரிவினரை
திசை மாறிப் பறக்கச் செய்தது என்பது என்னவோ உண்மைதான்.
ஆயினும், அவர்களின் உள்ளே ஓர் இனத் தீ..எப்போதுமே அனேகரிடம்) பற்றிக் கொண்டே இருந்தது என்பதை யாராலும் மறுக்க முடியாது.
நான் அறிந்த சில ஈழத் தமிழர்களில் ஒரு சில குடும்பத்தில்
பத்து வயதுக்கு உள்ளே ஐரோப்பாவுக்கு சென்ற சில குழந்தைகள், இன்று வளர்ந்த பின்னும்,வாலிப வயதை அடைந்த பின்னும், அவர்களுக்கு தமிழில் பேசத் தெரியாது..எழுத தெரியாது..ஆனால் பிறந்து மூன்று மாதத்தில் தாய் தகப்பனுடன் அல்லது தாயுடன் சென்ற பல குழந்தைகள் சிறு வயதில் இருந்தே தமிழை மறக்கவில்லை..ஏன் தெரியுமா? வீட்டில் தமிழில்தான் பேசுவார்கள் பெற்றோர்,எந்த மொழியில் அவர்கள் படித்தாலும் ஓய்வு நேரத்தில் அவர்கள் தமிழைக் கற்றார்கள் .
கிடத்தட்ட யூதர்களும் அதே வாழ்வைத்தான் ஒரு காலத்தில் ஜெர்மனியில் வாழ்ந்தார்கள்.ஆனால், 1939 ஆம் ஆண்டு முதல் 1943 ஆம் ஆண்டு வரை,யூத இனத்துக்கு அழிவுகாலம் கிட்லரால் ஆரம்பம் ஆகியது.இலங்கையில் தமிழர்களை பூண்டோடு அழிக்க எப்படி ராஜபக்சா திட்டம் போட்டு 2009இல் அதை செய்ய முனைந்தானோ,அப்படியே ஓர் மாபெரும் இன அழிப்பை ஜெர்மனியில் செய்தான் கிட்லர்.ஒன்றல்ல இரண்டல்ல..நான்கு வருடங்களில் 60 லெட்சம் யூதர்களை கொசுக்களைப்போல் கொன்றுகுவித்தான் கிட்லர்.ஆனால் கிட்லர் செய்த இனப்படுகொலைகள் சித்திரவதை அற்றவை..குண்டுகளோ,எறிகளைகளோ
அங்கு பாவிக்கப் படவில்லை..காபன் மொன் ஒக்ஷைட்' என்னும், சில வினாடிகளில் மனிதரைக் கொல்லும் இரசாயனத்தை பயன்படுத்தியே யூதர்களை கொன்றான் கிட்லர்.
ஆனால், படுபாவி ராஜபக்சா..அணுவணுவாக சித்திரவதை செய்தே ஒன்றரை லெட்சம் {150000} தமிழர்களை வன்னியில் கொன்று குவித்தான்.எனக்கு கிட்லரைவிட ராஜபக்சாவே கொடிய அரக்கனாக கண்களின் முன் தெரிகிறான்.
ஆயினும்,யூத இனம் அன்று முற்றாக அழிந்து விட்டது என்றே நாசிகள்,கிட்லர் உட்பட நம்பினார்கள்..யூத இனம் அழிந்ததா? இல்லை..
யூத இனத்தை அழிக்க முனைந்ததன் மூலம் கிட்லர் அவர்களை ஒன்று சேர்த்தான் என்பதுதான் உண்மை.அமெரிக்காவின் துணையோடு அன்று யூதர்கள் ..அதாவது கிட்லர் கொன்று அழிக்கப் பட்டபின் எஞ்சிக் கிடந்த யூதர்கள்,அப்போதுதான் நினைத்தார்கள்..தமக்கும் ஓர் சொந்த நாடு வேண்டும் என்று.!
அந்நிய நாடுகளில் அந்நியர்களின் காலடியில் எமது சுயத்தை இழந்து வாழும் வாழ்வு ஒரு வாழ்வா? என்பதை யூதர்களுக்கு உணர்த்தியது கிட்லரின் இனப்படுகொலைகள்தான்.அதன் விளைவு..யூதர்கள் தம் மண்ணுக்காக ஒன்று சேந்து போராடினார்கள்..அப்படி கட்டி எழுப்ப பட்டதுதான் இஸ்ரேல் என்னும் ஓர் நாடு.1948இல் உதயமான இஸ்ரேல் என்னும் ஓர் சுதந்திர நாடு உலக வரை படத்தில் யூதர்களின் பெயரோடு இன்றும் நிலைத்து வாழ்கிறது.
யூதர்களை நான் உதாரணமாக சொன்னது இஸ்ரேலியர்களின் இனப்பற்றை ஆதரிப்பதால் அல்ல..அவர்கள் தமது இனத்துக்காக ஒற்றுமையாக போராடினார்கள் என்பதை உணர்த்தவே அப்படிச் சொன்னேன்.அப்படிஎன்றால் நாம்..தமிழர்கள்..அதுவும் நீண்டகாலம் எமது விடுதலைக்காக போராடும் ஓர் இனம், மனம் தளர்ந்து விடலாமா? இழப்புகளை கணக்குப் பார்க்க இது நேரம் அல்ல. கூடாது..போராடுவோம்.வெற்றி நிச்சயம் எமக்கு கிட்டும்..ஆனால் உலகில் உள்ள தமிழர்கள் முதலில் ஒன்றுபட வேண்டும்.அதுவே மிக முக்கியம்......... -