அக்டோபர் 25 -இன்றைய நாளில் என்ன நடந்தது? சில........

அக்டோபர் 25 -இன்றைய நாளில் என்ன நடந்தது? சில........

1881 -உலகத்தின் சிறந்த ஓவியரான பாப்லோ பிக்காசோவின் பிறந்த நாள்.

1924 -ஒரு நாட்டின் சுதந்திரம் என்பது போராடி, இரத்தம் சிந்தி, உயிர்த் தியாகம் செய்து கைப்பற்ற வேண்டியதே தவிர, கெஞ்சியும் கேட்டும் பெறுவதல்ல -என்று முழங்கிய நேதாஜி,பிரித்தானியரால் சிறைப்பிடிக்கப்பட்டார்.

2000 -பிந்துணுவேவா சிறை மீது சிங்களக் காடையர்கள் நடத்திய கொடூரத் தாக்குதலில் 26 தமிழ் அரசியல் கைதிகள் கொல்லப்பட்டனர்.

2001 -தடா சட்டத்தை விட கொடிய POTO பயங்கரவாத தடைச் சட்டத்தின் கீழ் விடுதலைப் புலிகள் தடை செய்யப்பட்டனர்.

2005 -உணர்ச்சிக் கவிஞர் காசி ஆனந்தன் ஆனந்த விகடனுக்கு தந்த நேர்காணல்.......
இந்திய அரசு ஏன் உங்களை முடக்கி வைத்துள்ளது?

அது ஏன் என்றுதான் எனக்கும் தெரியவில்லை. இரண்டு ஆண்டுகளுக்கு முன்
என்னுடைய தாயார் சுகவீனமாகி ஈழத்தில் இறந்தபோது, ஈமக்காரியங்கள்
செய்யக்கூட எனக்கு அனுமதி மறுக்கப்பட்டது. என் மீது சுமத்தப்பட்ட எந்த குற்றச்சாட்டுகளும் நிரூபிக்கப்படவில்லை. தனிப்பட்ட முறையில் எந்தத் தவறுகளும் நான் செய்யவில்லை.

இந்தியாவும் ஈழமும் நட்புடன் இருக்க வேண்டும் என்று எவ்வளவோ முயன்றோம்.எங்களுடையநோக்கம் ஒன்றுதான்... இந்தியா & ஈழத்தின் உறவை வலுப்படுத்துவதும்,ஈழத்தில் இந்தியாவின் உதவியுடன் அமைதியைக் கொண்டுவருவதும், அமைதிப்படை ஏற்படுத்திய காயங்களைத் துடைப்பதும்தான் எங்கள் நோக்கம். நல்லெண்ணத்துடன் செயல்பட்ட என்னை மீண்டும் மீண்டும் விசாரணைக்கு உட்படுத்துவது மிகப் பெரிய
துன்பமாக இருக்கிறது. என்னுடைய கடவுச்சீட்டு (பாஸ்போர்ட்) முடக்கப் பட்டுள்ளது.

ஈழம் எங்கள் தாய் நாடு... இந்தியா எங்கள் தந்தை நாடு’ என்று ஆன்டன் பாலசிங்கம் சொன்னதைத்தான் நினைவுகூர்கிறேன். தந்தையின் மடியில்தான் என் உயிர் போக வேண்டும் என்றிருந்தால், அதை யாரால் மாற்ற முடியும்?'

2013 -இன்று அதிகாரமற்ற வடமாகாண சபையின் முதாலவது அமர்வு முதலமைச்சர் சி.வி.விக்னேஸ்வரன் தலைமையில் யாழ்ப்பாணம் கைதடியில் புதிதாக கட்டப்பட்டு வருகின்ற இருமாடிக் கட்டிடத்தின் தளப்பகுதியில் தொடங்கியது.