பெண்களைப் பாதிக்கும் HPV - வைரஸ் என்பது என்ன? அதிலிருந்து பாதுகாப்பது எப்படி?

பெண்களைப் பாதிக்கும் HPV - வைரஸ் என்பது என்ன? அதிலிருந்து பாதுகாப்பது எப்படி?

Human Papillomavirus – HPV (Georgios Papanikolaou என்ற கிரேக்க மருத்துவரின் பெயரால் அழைக்கப்படும்) என்ற பாலுறவினால் ஏற்படும் (sexually transmitted diseases -STDs) நோய் பற்றி சிறிது தெரிந்து கொள்வது நல்லது எனக் கருதுகிறேன்.ஆண்களுக்கும் பெண்களுக்கும் பாதுகாப்பற்ற, சுகாதார முறையற்ற உடலுறவினால் 40 ற்கு மேற்பட்ட HPV தொற்று,(அவற்றில் சில தானாகவே மறைந்து விடுவதும் உண்டு)தொடக்கத்தில் அறிகுறிகளைக் காட்டாது,முக்கியமாக தோல்,வாய், மலவாய், பிறப்புறுப்புகளைப் (skin,mouth,anal,genital areas ) பாதித்து, புற்று நோய் (throat cancer,Cervical cancer ..) மற்றும் பல நோய்களைக் தருகிறது.

முக்கியமாக பெண்களுக்கு வரும் புற்று நோய்களில் உயிரைப் பறிக்கும் இரண்டாவது இடத்தில் உள்ள, Cervical cancer ற்கு, முக்கிய காரணமாக இருப்பது இந்த HPV ஆகும்..அதனால் பெண்கள் 21 வயதில் இருந்து PAP-Test ஒன்று முதல் இரண்டு வருடத்திற்கு ஒரு முறையாவது செய்து கொள்வது பாதுகாப்பானது.( Pap test அல்லது Pap smear என்பது cervix உள்ள cells களின்,(microscopic examination of cells) மாற்றத்தைக் கண்டறிவதாகும்.இது ஒரு சில வினாடிகளில் முடிந்து விடும்.)

இந்தத் தொற்று HIV பொல் இரத்தத்தின் ஊடாக தொற்றாது போனாலும், தோல்(சருமம்) ஊடாகவும் ( skin-to-skin ), பாலியலுறவு வைத்துக் கொள்ளாத போதிலும் கூட, தொற்றக் கூடியதாகும். இன்று பாலியலுறவு இயற்கைக்கு மாறாக பல வழிகளில் அதிகரித்துள்ள நிலையில், (ஓரினச்சேர்க்கை,வாய்வழி(throat cancer ஐ ஏற்படுத்தும்),மலவாசல் வழி(anal cancer ஐ ஏற்படுத்தும்) என பெருகி வருவதால்) பாதுகாப்பு, சுகாதாரம் மிக முக்கியமாக கவனிக்க வேண்டியது அவசியமாகும்.   தொண்டை, மலவாசல் புற்று வேறு சில காரணங்களாலும் வந்தாலும் கூட,ஆண்களை விட  பெண்கள், HPV மூலம், cervical cancer ஆல் அதிகமாக பாதிக்கப்படுவதாலும்,முக்கியமாக பெண்கள் இதுபற்றி அதிக கவனம் செலுத்த வேண்டியது அவசியமாகிறது.

இதற்கு இரண்டு விதமாக தடுப்பு ஊசி மருந்துக்கள் ( vaccines) அதிக பாதிப்பைத் தரும் HPV க்காக பயன்படுத்தப்படுகின்றன.

இந்தத் தடுப்பு முறை,ஆண்களுக்கு 9 -26 வயது வரையும், பெண்களுக்கு 9 வயது முதல் 26 வயது வரையும்,இன்னொன்று 10-45 வயது வரையும் கொடுக்கப்படுகின்றது. முதல் ஊசி கொடுத்த, injections (shots),1-2 மாதத்தின் பின் இரண்டாவதும், ஆறாவது மாதத்தில் மூன்றாவதுமாக, மூன்று முறை,(dose) கொடுக்கப்படுகிறது.  இந்தத் தடுப்பு முறை, நோய் வராமல் தடுக்கும் பாதுகாப்பே தவிர,  cervical cancer ஐக் குணப்படுத்த அல்ல என்பதை கவனிக்க வேண்டும்.

இதை விட பலருக்கு அவர்களின் சுகாதாரக் குறைவும்,பல ஆண்களுடன் இருக்கும் தொடர்பும், சிறுவயதுத் திருமணம் போன்றவையும் காரணமாகி விடுகிறது.(முன்னர் ஒருவனுக்கு ஒருத்தி என்று இருந்த நிலை மாறி,இன்று விவாக இரத்துக்களினால் ஏற்படும் மறு திருமணங்களால், பல ஆண்களுடனான தொடர்பு ஏற்படவே செய்கிறது)  அது தவிர குளியல் அறைக்குள் குழிக்கும் நகரப்புற பெண்கள் மட்டுமல்ல, திறந்த வெளியில் ஆற்றிலோ கிணற்றிலோ குழிக்கும் புறநகர்,கிராம பெண்களும் மறைக்கப்பட்ட உள் உறுப்புக்களை நன்கு கழுவி சுத்தமாக வைத்திருக்க வேண்டியது அவசியம்.இது பெண்களுக்கு மட்டுமல்ல ஆண்களுக்கும் பொருந்தும். நம் வேலை முடிந்து விட்டது என்று உடலுறவிற்குப் பின், மறு பக்கம் திரும்பி குறட்டை விட்டு தூங்கி விடாது, நன்கு கழுவி சுத்தம் செய்து விட்டு தூங்கலாமே.இந்த உடற் சுகாதாரம் இன்றைய நாகரீக உலகில் மிக மிக அவசியமாகிறது.

நோயற்ற வாழ்வே குறைவற்ற செல்வம். ஆனாலும் அந்த நோய்களை, பல சமயங்களில் நாமே தெரிந்தே தேடிக் கொள்கிறோம் என்பது என்னவோ உண்மைதான்.

நன்றி சக்தி .......பயன்தரும் தகவல்