கைதாகி ஆஸ்பத்திரியில் அனுமதிக்கப் பட்ட நிலையிலும் உண்ணாவிரதத்தைத் தொடரும் நந்தினி!

by **logu** Thu Aug 01, 2013 9:18 pm

மதுவிலக்கு கோரி கடந்த 3 நாட்களாக உண்ணாவிரதம் இருந்த சட்டக்கல்லூரி மாணவி நந்தினி உள்பட 6 பேரை போலீசார் நள்ளிரவில் கைது செய்தனர். அவர்கள் மதுரை அரசு ஆஸ்பத்திரியில் அனுமதிக்கப்பட்டுள்ள நிலையிலும் டாக்டர்கள் தங்களுக்கு சிகிச்சை அளிப்பதற்கு மறுப்பு தெரிவித்து உண்ணாவிரதததை தொடர்கிறார்கள் என்று தகவல் வந்துள்ளது.
பூரண மதுவிலக்கு கோரி மதுரை சட்டக்கல்லூரி மாணவி நந்தினி கல்லூரி முன்பு கடந்த 29–ந்தேதி முதல் காலவரையற்ற உண்ணாவிரதத்தை தொடங்கினார். அவருக்கு சட்டக்கல்லூரி மாணவர்கள், பொதுமக்கள் ஆதரவு தெரிவித்தனர். இந்த நிலையில் அன்று இரவு 7 மணிக்கு போலீசார் நந்தினியை கைது செய்து விடுவித்தனர். அதன் பிறகு இரவு 10.30 மணிக்கு சட்டக்கல்லூரி வந்த நந்தினி மீண்டும் உண்ணாவிரதத்தை தொடங்கினார்.
கைதாகி ஆஸ்பத்திரியில் அனுமதிக்கப் பட்ட நிலையிலும் உண்ணாவிரதத்தைத் தொடரும் நந்தினி! 1-LAWER-NANDINI_

கைதாகி ஆஸ்பத்திரியில் அனுமதிக்கப் பட்ட நிலையிலும் உண்ணாவிரதத்தைத் தொடரும் நந்தினி! 1-LAWER-NANDINI_

அவருடன் சட்டக்கல்லூரி மாணவர் விஜிகுமாரும் போராட்டத்தில் ஈடுபட்டார். மறுநாள் காலை (30–ந்தேதி) நந்தினிக்கு ஆதரவு தெரிவித்து லயோலா கல்லூரி மாணவர்கள் ஜான் பிரிட்டோ, மணிகண்டன், ஜாய்ஜோதி கல்லூரி மாணவர் மோகன், வெள்ளைச்சாமி நாடார் கல்லூரி மாணவர் மாரநாடு கருப்பசாமி, அண்ணாமலை பல்கலைக்கழக முன்னாள் மாணவர் யுவராஜ் ஆகியோரும் உண்ணாவிரதத்தில் கலந்து கொண்டனர்.
இதற்கிடையில் சமூக சேவகர் சசிபெருமாள் சென்னையில் இருந்து மதுரை வந்து நந்தினியை பாராட்டி அவரும் உண்ணாவிரதத்தில் பங்கேற்றார்.இந்த நிலையில் நேற்று மாணவி நந்தினி மற்றும் உண்ணாவிரத்தில் ஈடுபட்ட மாணவர்களை பல்வேறு கட்சிகளை சேர்ந்த பிரமுகர்கள் வாழ்த்து தெரிவித்தனர்.
ம.தி.மு.க. மதுரை மாநகர் மாவட்ட செயலாளர் புதூர் பூமிநாதன், மனித நேய மக்கள் கட்சி மாநில தலைவரும், எம்.எல்.ஏ.வுமான ஜவாஹிருல்லா, பா.ம.க. மாநில துணைத்தலைவர் செந்தில், காந்திய மக்கள் இயக்க தலைவர் தமிழருவி மணியன் ஆகியோர் வாழ்த்து தெரிவித்தனர். மேலும் வைகோ, ஜி.கே.மணி ஆகியோர் போன் மூலம் பாராட்டு தெரிவித்தனர்.
இந்நிலையில் 3–வது நாளான நேற்று நள்ளிரவு 12.30 மணிக்கு உண்ணாவிரதத்தில் ஈடுபட்ட நந்தினி உள்பட 6 பேரையும் போலீசார் கைது செய்து மதுரை அரசு ஆஸ்பத்திரியில் சேர்த்தனர்.அங்கே டாக்டர்கள் சிகிச்சை அளிக்க மறுப்பு தெரிவித்து உண்ணாவிரதத்தை தொடர்கிறார்களாம். இதையடுத்து டாக்டர்கள் நந்தினி உள்ளிட்டோரிடம்,தங்கள் உயிருக்கு தாங்களே பொறுப்பு’ என்று கடிதம் எழுதி வாங்கியிருப்பதாக தகவல் வந்துள்ளது. மேலும் நந்தினி அண்ட்கோவிற்காக தமிழகத்தின் பல்வேறு கல்லூரிகளில் உண்ணாவிரதம் இருக்க ஆயத்தமாகி வருவதாகவும் செய்திகள் வருகிறது.