Re: சமையல் குறிப்புகள் 30 வகை கேரள சமையல் !

by **ஜனனி** Sun Jul 14, 2013 9:08 am

மயப்போளி (வடை)

தேவையானவை: பச்சரிசி, துவரம்பருப்பு - தலா ஒரு கப், உளுத்தம்பருப்பு - அரை கப், தேங்காய் எண்ணெய் - பொரிக்க தேவையான அளவு, மிளகாய் வற்றல் - 4, உப்பு, பெருங்காயம், கறிவேப்பிலை - தேவையான அளவு,

சமையல் குறிப்புகள் 30 வகை கேரள சமையல் ! - Page 2 24

செய்முறை: அரிசி, பருப்பு வகைகளை ஒன்றாக ஊற வைத்து மிளகாய் வற்றல் சேர்த்து கெட்டியாக அரைத்து... உப்பு, பெருங்காயம், கறிவேப்பிலை சேர்த்துப் பிசைந்து வைக்கவும். மாவை சிறு உருண்டைகளாக செய்து ஈரத்துணியில் (அ) வாழை இலையில் தட்டி, காயும் தேங்காய் எண்ணெயில் போட்டு பொரித்து எடுக்கவும்.

by **ஜனனி** Sun Jul 14, 2013 9:08 am

பிளாக் டீ
தேவையானவை: டீத்தூள் - அரை டீஸ்பூன், சர்க்கரை - 2 டீஸ்பூன், எலுமிச்சைச் சாறு - ஒரு டீஸ்பூன், தண்ணீர் - ஒரு கப்
செய்முறை: டீத்தூளில் தண்ணீர் விட்டு நன்கு கொதிக்கவிட்டு இறக்கி வடிகட்டவும். சர்க்கரை, எலுமிச்சைச் சாறு கலந்து பருகவும்.

சமையல் குறிப்புகள் 30 வகை கேரள சமையல் ! - Page 2 25

குறிப்பு: பிரியாணி சாப்பிட்ட பின்பு இந்த டீயை பருகு வது வழக்கம்.

by **ஜனனி** Sun Jul 14, 2013 9:08 am

வெஜ் மொள பூஷியம்
தேவையானவை: வாழைக்காய் - ஒன்று, மிளகு, சீரகம் - தலா ஒரு டீஸ்பூன், மஞ்சள்தூள், எண்ணெய், கடுகு, கறிவேப்பிலை, உப்பு - தேவையான அளவு.

சமையல் குறிப்புகள் 30 வகை கேரள சமையல் ! - Page 2 26

செய்முறை: வாழைக்காயை தோல் சீவி சிறு துண்டுகளாக நறுக்கி, மஞ்சள்தூள் சேர்த்து வேகவிடவும். மிளகு, சீரகத்தை சிறிதளவு தண்ணீர் விட்டு நைஸாக அரைத்து வேக வைத்த காயுடன் சேர்க்கவும். உப்பு போட்டு கிளறவும். எண்ணெயில் கடுகு, கறிவேப்பிலை தாளித்து சேர்க்கவும.

by **ஜனனி** Sun Jul 14, 2013 9:09 am

எரிசேரி
தேவையானவை: வாழைக்காய் - ஒன்று, சேனைக் கிழங்கு - 100 கிராம், மிளகு - ஒரு டீஸ்பூன், தேங்காய் துருவல் - ஒரு மூடி, அரிசி - ஒரு டீஸ்பூன், மஞ்சள்தூள், கடுகு, கறிவேப்பிலை, தேங்காய் எண்ணெய், உப்பு - தேவையான அளவு.

சமையல் குறிப்புகள் 30 வகை கேரள சமையல் ! - Page 2 27

செய்முறை: சேனைக்கிழங்கைத் தோல் சீவி துண்டுகளாக்கி வேகவிடவும். இதனுடன், தோல் சீவி, நறுக்கிய வாழைக்காய் துண்டுகளை சேர்த்து ஒரு கொதிவிட்டு... உப்பு, மஞ்சள்தூள் சேர்க்கவும். தேங்காய் துருவலுடன் மிளகு, அரிசி சேர்த்து அரைத்து, காயுடன் கலந்து நன்கு கொதிக்க வைத்து இறக்கவும். தேங்காய் எண்ணெயில் கடுகு, கறிவேப்பிலை தாளித்து சேர்த்தால்... எரிசேரி தயார்!

by **ஜனனி** Sun Jul 14, 2013 9:09 am

நேந்திரங்காய் கஞ்சி
தேவையானவை: நேந்திரங்காய் - ஒன்று, பால் - அரை கப், சர்க்கரை - 4 டீஸ்பூன்.

சமையல் குறிப்புகள் 30 வகை கேரள சமையல் ! - Page 2 28

செய்முறை: நேந்திரங்காயை தோல் சீவி சிறு சிறு துண்டுகளாக்கி வெயிலில் நன்கு காய வைத்து எடுத்து ஒரு டப்பாவில் போட்டு வைத்துக் கொள்ளவும். தேவையானபோது சிறிதளவு காய்ந்த துண்டுகளை மிக்ஸியில் பொடிக்கவும். இதனுடன் ஒரு கப் தண்ணீர் விட்டு நன்கு வேகவிட்டு காய்ச்சிய பால் சேர்த்து இறக்கி, சர்க்கரை போட்டு கலந்து... கெட்டியாகவோ, நீர்க்கவோ அருந்தலாம்.

by **ஜனனி** Sun Jul 14, 2013 9:09 am

மைதா மோர் தோசை
தேவையானவை: மைதா மாவு - ஒரு கப், அரிசி மாவு - ஒரு கப், மோர் - கால் கப், சீரகம், எண்ணெய், உப்பு - தேவையான அளவு.

சமையல் குறிப்புகள் 30 வகை கேரள சமையல் ! - Page 2 29

செய்முறை: மைதா, அரிசி மாவுடன் உப்பு, சீரகம், மோர், தேவையான அளவு தண்ணீர் விட்டு கரைத்துக் கொள்ளவும். தோசைக் கல்லை காய வைத்து, மாவை மெல்லிய தோசைகளாக வார்த்து, எண்ணெய் விட்டு இருபுறமும் வேக வைத்து, முறுகலாக எடுக்கவும்.

by **Muthumohamed** Sun Jul 14, 2013 2:43 pm

எங்க ஊரு சுவைமிகு சமையல் பதிவு நல்ல இருக்கு

by **மாலதி** Sun Jul 14, 2013 3:25 pm

by **மாலதி** Tue Apr 22, 2014 10:07 pm

by **அருள்** Mon Oct 27, 2014 8:12 am

by Sponsored content