அம்பானிக்கு பாடம் புகட்டிய சென்னைவாசி 7 ஆண்டுகளின் பின்னர் கிடைத்த நீதி

by **logu** Thu Apr 08, 2010 3:27 pm

அம்பானிக்கு பாடம் புகட்டிய சென்னைவாசி 7 ஆண்டுகளின் பின்னர் கிடைத்த நீதி

சென்னை: சட்டத்தின் கை அம்பானி வரை கூட நீளும் என்பதை சென்னையைச் சேர்ந்த ஒருவர் நிரூபித்துக்காட்டியுள்ளார்.
ஆனால்,
இதை நிரூபிக்க அவருக்கு ஏழாண்டு காலமாகியுள்ளது. சென்னையைச் சேர்ந்தவர்
ஸுல்ஃபிகர் அன்னெரன்புர்ல்வாலா. தொலைபேசி பொருள் விநியோகஸ்தரான இவர் கடந்த
2003 ஆம் ஆண்டில் சென்னையில் உள்ள ரிலையன்ஸ் கடையில் கையடக்கத்
தொலைபேசியொன்று வாங்கினார்.
ரூ.21
ஆயிரம் கொடுத்து வாங்கிய 24 ஆவது நாளிலேயே அந்த கையடக்கத் தொலைபேசி
பிரச்சினை செய்ய ஆரம்பித்துள்ளது. இதுபற்றி அதே கடையில் வாய்மொழியாகப்
பலமுறை புகார் கூறியுள்ளார். ஆனால், கடை ஊழியர்கள் இதோ,அதோ எனப் போக்குக்
காட்டிக்கொண்டிருந்தனர். பின்னர் எழுத்துபூர்வமாக அந்தக் கடையில் ஒரு
புகாரை தந்துவிட்டு சம்பந்தப்பட்ட அதிகாரிகளுக்கும் ரிலையன்ஸ் மண்டல
மற்றும் தலைமையலுவலகத்துக்கும் புகார்களை அனுப்பியுள்ளார்.
ஆனால்,
ஒருவரும் இவரின் புகாரை கண்டுகொள்ளவில்லை. எனவே, 2004 ஆம் ஆண்டில்
சென்னையில் உள்ள நுகர்வோர் நீதிமன்றத்தில் புகார் செய்தார். ஏ.பழனியப்பன்
என்ற வழக்கறிஞர் ஸுல
்ஃபிகருக்கு சார்பாக ஆஜராகி விபரங்களை நீதிமன்றத்தில் எடுத்துரைத்தார்.
கையடக்கத் தொலைபேசி வாங்கியதற்கான ரசீது முதல் ரிலையன்ஸ் தலைவர்
அம்பானிக்கு எழுதிய கடிதம்வரை அத்தனை நகலையும் நீதிமன்றத்தில்
சமர்ப்பித்தார்.
இந்த
வழக்கு 2008 ஆம் ஆண்டு ஆகஸ்ட் மாதம் முடிவுக்கு வந்தது. தனது பொருளை விற்ற
நிறுவனம் முறையாகப் பழுதுபார்க்காமல் நுகர்வோரை அலைக்கழித்ததாகக் கூறி
ரிலையன்ஸ் இன்டஸ்ரீஸ் நிறுவனத்துக்கு ரூ.50 ஆயிரம் அபராதம் விதித்து
நீதிமன்றம் உத்தரவிட்டது. மேலும், செல்போனுக்கான ரூ.21 ஆயிரத்தையும்
மனுதாரருக்குத் திருப்பிக் கொடுக்குமாறு நுகர்வோர் நீதிமன்றம் ஆணையிட்டது.
இந்தத் தீர்ப்பும் செவிடன் காதில் சங்கு ஊதிய கதையானது. நீதிமன்றத்தின்
தீர்ப்பை ரிலையன்ஸ் உட்பட யாரும் கண்டுகொள்ளவேயில்லை.
பதினெட்டு மாதங்கள் பொறுத்திருந்த ஸுல்ஃபிகர் கடந்த ஜூலை மாதம் மீண்டும் நீதிமன்றத்தில் முறையிட்டார்.நீதிமன்ற
ஆணை நிறைவேற்று மனுவொன்றை நுகர்வோர் நீதிமன்றத்தில் தாக்கல் செய்து
ரிலையன்ஸ் இன்டஸ்ரீஸ் தலைவர் முகேஷ் அம்பானியை கைதுசெய்ய உத்தரவிட
வேண்டும் என்று கோரினார். இதைத் தொடர்ந்து கடந்த வாரம் வெள்ளிக்கிழமை
அன்று பொலிஸாருக்கு நீதிமன்ற ஆணை சென்று சேர்ந்ததையடுத்து இதுபற்றி முகேஷ்
அம்பானியின் அலுவலகத்துக்குத் தகவல் தெரிவிக்கப்பட்டது. உடனடியாக
சென்னையில் உள்ள ரிலையன்ஸ் அதிகாரிகள் ஸுல்ஃபிகரை தேடிவந்து ரூ.71
ஆயிரத்துக்கான "டிடி%27 யை கையில் திணித்துவிட்டு மனுவை வாபஸ் பெறுமாறு
கேட்டுள்ளனர்.
கடந்த
7 ஆண்டுகளாகக் கண்டுகொள்ளாமல் இருந்துவிட்டு இப்போது வருகிறார்கள்.கீழ்
மட்டத்திலுள்ள இந்தப் பணியாளர்கள் செய்த தவறுக்கு அம்பானி என்ன செய்வார்
பாவம். அதனால்தான் டிடியை வாங்கிக்கொண்டு வழக்கை வாபஸ் பெற்றுவிட்டோம் என
ஸுல்ஃபிகர் கூறினார்.