ஏப்ரல் 29 2000 இன்று 13 வருடங்களுக்கு முன்னர் ஏப்ரல் இதே நாளில் நமது தமிழ்தேசிய ராணுவம் விடுதலைப்புலிகள் மிகப்பெரும் போரியல் வெற்றியை ஈட்டி இருந்தார்கள்

by **Tamil** Fri Jul 05, 2013 7:12 am

ஏப்ரல் 29 2000
இன்று 13 வருடங்களுக்கு முன்னர் ஏப்ரல் இதே நாளில் நமது தமிழ்தேசிய ராணுவம் விடுதலைப்புலிகள் மிகப்பெரும் போரியல் வெற்றியை ஈட்டி இருந்தார்கள்.தமிழ் வரலாற்றிலும்,ஈழ வரலாற்றிலும்,புலிகள் சரித்திரத்திலும் மறக்க முடியாத வெற்றி...சிங்கள ராணுவம் உயிர்தப்பினால் போதும் என்று வலிய அவர்களாகவே மேற்கொண்ட நடவடிக்கைக்கு மறித்து வெறும் தற்காப்பு முறியடிப்பு சமரையே செய்த புலிகளின் அடி தாங்காமல் ஓடிய வீரமிகு வரலாறு நிகழ்ந்த நாள் இன்று.

2000 ம் ஆண்டு,ஏப்ரல் இதே மாதத்தில் புலிகள் ஒரு பாரிய போரியல் வெற்றியை ஈட்டி இருந்தார்கள்.2002 இல் வந்த சமாதான ஒப்பந்தத்துக்கு சிங்களத்தை இறங்கிவரப்பண்ணி இருந்த அந்த ஏப்ரல் 25 தொடக்கம் 28 வரையான 3 நாட்கள் போரில் சிங்களம் மனோரீதியாகவும்,ஆளணி,படைவலு ரீதியாகவும் புலிகளிடம் பலமாக அடிவாங்கி இருந்தது.
ஆம்,அதுதான் லங்கா ராணுவம் வலிந்து புலிகளை அழிக்க முன்னெடுத்த பாரிய ராணுவ நடவடிக்கை 'அக்னி கீல'(தீச்சுவாலை)மூன்றுநாள் சமரின் முடிவில் பெரும் இழப்புக்களோடு சிங்களப்படை பின்வாங்கி ஓடியது.ஏராளம் ஆயுததளபாடங்கள் புலிகளால் கைப்பற்ற பட்டது.இந்த சமரில் அறுபது வீதம் பெண்புலிகளே பங்குபற்றி எண்ணிப்பார்ர்க்கவும் முடியாதபடி வீரச்சமர் புரிந்து மாவீரர்கள் ஆகினர்.

ஆணையிரவை மீண்டும் கைப்பற்றி விடலாம் என்ற கனவோடு சிங்கள பேரினவாத அரசு அக்கினிக்கீலா என்ற நடவடிக்கையை மேற்கொண்டபோது, அந்த நடவடிக்கையை சிதறடித்து, இலங்கை ராணுவத்தின் 55 மற்றும் 53 படை அணியை விரட்டி அடித்த பெரும் சமரின் கட்டளை தளபதியாக தீபன் களத்தில் இருந்தார் என்பதே நம்மை மேலும் உறுதியானர்வர்களாக மாற்ற வைக்கிறது.

சிங்களப்படை ஆனையிறவை மீளக் கைப்பற்ற தீச்சுவாலை என்ற பெயரில் பாரிய இராணுவ நடவடிக்கை ஒன்றை திட்டமிட்டிருந்தது. வெற்றிபெற்றேயாக வேண்டும் என்ற நிலையில் இருதரப்பினருக்கும் பலப்பரீட்சையாக அமைந்த தாக்குதல் அது. அதிகாலையில் இரண்டு பக்கத்தால் விடுதலைப்புலிகளின் நிலைகளை ஊடறுத்த படையினர் இரண்டாவது நிலையை அண்மித்து தமது நிலைகளை அமைத்தனர். களத்தின் இறுக்கத்தை உணர்ந்த தளபதி, 'எமது நிலைகளிலில் இருந்து பின்வாங்காமல் அப்படியே இருந்து சண்டையிடுங்கள்' என்ற கட்டளையை வழங்கி அணிகளை ஒழுங்குபடுத்தி கடுமையான சண்டையை மேற்கொண்டார். தளபதி தீபன் அவர்களின் கட்டளை மையத்தைத் தாண்டி இராணுவம் நகர்ந்த போதும் பின்வாங்காமல், எதிரியால் கைப்பற்றப்பட்ட எமது முதலாவது நிலைகளை பக்கவாட்டால் தாக்குதல் செய்து மீளக் கைப்பற்றினார். தாங்கள் உள்நுழைந்த பாதை மூடப்படுகின்றது என்பதை அறிந்த எதிரி, பின்வாங்கி ஓட்டமெடுத்தான். இச்சமரில் பலத்த இழப்பைச் சந்தித்த இராணுவம் நூற்றுக்கு மேற்பட்ட உடல்களை கைவிட்டு பின்வாங்கியது.

இத்தாக்குதல் நடைபெறுவதற்கு சில மாதங்களுக்கு முன் தளபதி தீபன் அவர்கள் முன்னரங்க நிலைகளிற்குப் பொறுப்பாக இருந்தபோது இதேவகையான நகர்வை எதிரி மேற்கொண்டான். இதன்போது விடுதலைப்புலிகளில் 75 பேரின் உடல்கள் விடுபட்டிருந்தது. இந்தச் சம்பவம் தளபதி தீபன் அவர்களின் மனதில் ஆழமான வடுவை ஏற்படுத்தியிருந்தது. இதன்காரணமாக தலைவர் கொடுத்த புதிய கைத்துப்பாக்கியை கழற்றி வைத்துவிட்டு, இராணுவத்தின் 100 உடல்களை எடுக்காமல் அந்தக் கைத்துப்பாக்கியைக் கட்டமாட்டேன் என்ற கொள்கையில் இருந்தார். இந்த சமரில் தனது சபதத்தை நிறைவேற்றினார்.