ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

by vetriaqua Mon Jun 17, 2013 3:18 pm

அமெரிக்க உளவுத்துறை NSA பற்றிய ரகசியங்களை ஹாங்காங்கில் வைத்து வெளியிட்ட எட்வர்ட் ஸ்னோடன், வேறு பல அதிர வைக்கும் ரகசியங்களையும் தமக்கு தெரியப்படுத்தியுள்ளார். அவை ஒவ்வொன்றாக உரிய நேரத்தில் வெளியிடப்படும் என்று தெரிவித்திருந்தது கார்டியன் பத்திரிகை.
இதோ, மற்றொரு அதிர வைக்கும் ரகசியம் தற்போது வெளியிடப்பட்டுள்ளது.
அமெரிக்காவில் NSA உளவுத்துறைக்கு சமமான, அதே டைப்பான பிரிட்டிஷ் உளவுப் பிரிவின் பெயர், GCHQ (Government Communications Headquarters). இந்த துறைதான் பிரிட்டனில் தொலைத்தொடர்பு சிக்னல்களை உளவு பார்க்கும் ஆட்கள். இவ்வகை உளவு பார்த்தலை சிக்இன்ட் (SIGINT) என்று உளவு வட்டாரங்களில் குறிப்பிடுவார்கள். Signals Intelligence என்பதன் சுருக்கமே அது.
எட்வர்ட் ஸ்னோடன் வெளியிட்ட அடுத்த அதிர வைக்கும் ரகசியம், இந்த பிரிட்டிஷ் உளவுத்துறை GCHQ, 2009-ல் லண்டனில் நடைபெற்ற G20 மாநாட்டின்போது, வெளிநாட்டு பிரதிநிதிகளை (அநேகமாக அந்தந்த நாடுகளின் வெளியுறவு அமைச்சர்கள்) உளவு பார்த்த விவகாரம்.
வெளிநாட்டு பிரதிநிதிகளின் கம்ப்யூட்டர்கள் ரகசியமாக உளவு பார்க்கப்பட்டன, அவர்களது போன்கள் ஒட்டுக் கேட்கப்பட்டன, இவை எல்லாவற்றையும்விட சுவாரசியமாக, வெளிநாட்டு பிரதிநிதிகள் நடமாடக்கூடிய இடங்களில் எல்லாம், போலி இன்டர்நெட் மையங்களை (internet cafes) பிரிட்டிஷ் உளவுத்துறையே செட்டப் செய்திருந்தது.
பிரிட்டிஷ் உளவுத்துறைக்கு இந்த விவகாரத்தில் அமெரிக்க உளவுத்துறை NSA சில விதங்களில் உதவியது. அதனால், இந்த ஆபரேஷன் பற்றிய விபரங்கள் அமெரிக்க உளவுத்துறையின் கம்ப்யூட்டரிலும் இருக்க, அதை அடித்துக்கொண்டு ஹாங்காங் வந்துவிட்டார் எட்வார்ட்.
சரி. ரகசியங்கள் ‘உரிய நேரத்தில்’ வெளியிடப்படும் என கார்டியன் பத்திரிகை சொன்னதன் அர்த்தம் என்ன? சூப்பரான் அர்த்தம் ஒன்று உள்ளது!
39-வது G8 மாநாடு இன்று லண்டனில் தொடங்குகிறது. 2009-ல் லண்டனில் நடைபெற்ற G20 மாநாட்டில் கலந்துகொண்ட வெளிநாட்டு வெளியுறவு அமைச்சர்கள் அநேகமாக இதிலும் கலந்து கொள்கிறார்கள். அத்துடன் G20 குரூப்பில் உள்ள நாடுகளில் சில G8 குரூப்பில் உறுப்பினராக இல்லாத போதிலும், பார்வையாளர் அந்தஸ்து கொடுக்கப்பட்டுள்ளது. உதாரணம், தென்னாபிரிக்கா.
இப்போது, லண்டனில் உள்ள இந்த வெளிநாட்டுப் பிரதிநிதிகள் தாம் உளவு பார்க்கப்பட்ட விஷயத்தை அறிந்து அதிர்ந்து போயுள்ளார்கள். அநேக நாடுகள் பிரிட்டனிடம் விளக்கம் கேட்கப் போகின்றன.
இதுதான், ரகசியங்கள் வெளியிடப்பட்ட ‘உரிய நேரம்’!
சரி எட்வார்ட் வைத்துள்ள ஆவணங்களில் என்ன விபரங்கள் உள்ளன?
2009-ம் ஆண்டு முதலில் ஏப்ரல் மாதத்திலும், பின் செப்டெம்பரிலும் லண்டனில் நடைபெற்ற G20 மாநாடுகளில் உளவு பார்க்கப்பட்டுள்ளது. (அதன் அர்த்தம், இன்றைய மாநாட்டில் கலந்து கொள்ள லண்டன் வந்துள்ள வெளிநாட்டு பிரதிநிதிகளையும் உளவு பார்க்க ஏற்பாடு செய்யப்பட்டிருக்கும். இப்போது அவசர கதியில் அவற்றை மறைக்க வேண்டும்!)
பிரிட்டனின் நீண்ட நாள் கூட்டாளிகளான நாடுகளின் பிரதிநிதிகளையும் உளவு பார்த்திருக்கிறது பிரிட்டிஷ் உளவுத்துறை.
இப்படியான மாநாடுகளில் கலந்துகொள்ள வரும் சில நாடுகளின் வெளியுறவு அமைச்சர்கள் உஷார் பேர்வழிகள். தாம் தங்கியிருக்கும் ஹோட்டலில் உள்ள கம்ப்யூட்டர்கள், அல்லது தமது சொந்த கம்ப்யூட்டர்கள் மானிட்டர் பண்ணப்படலாம் என்ற சந்தேகத்தில், அவர்கள் வெளியே போய், இன்டர்நெட் மையங்களில் கம்ப்யூட்டர்களை பயன்படுத்துவார்கள்.
இது உளவுத்துறைக்கும் தெரியும்.
எனவே, G20 மாநாடு நடைபெற்ற இடத்துக்கு வெளியேயும், அநேக வெளிநாட்டு பிரதிநிதிகள் தங்கியிருந்த ஹோட்டல்கள் உள்ள பகுதிகளிலும், உளவுத்துறையே இன்டர்நெட் மையங்களை போலியாக திறந்து, பெரிய போர்ட்டும் மாட்டி வைத்தது. அங்குள்ள அனைத்து கம்ப்யூட்டர்களிலும், இமெயில் இடைமறிக்கும் சாஃப்ட்வேர் மற்றும், key-logging software போடப்பட்டிருந்தன.

அனைத்துப் பிரதிநிதிகளின் பிளாக்பெரிகளும் இடைமறிக்கப்பட்டு இமெயில்கள் மற்றும் போன்கால்கள் ஒட்டுக் கேட்கப்பட்டன.
பிரிட்டிஷ் உளவுத்துறையின் 45 ஏஜென்ட்டுகள், 24 மணிநேரமும் ஒரு ஆபரேஷனில் ஈடுபடுத்தப்பட்டனர். வெளிநாட்டு பிரதிநிதிகளில் யார் யாருக்கு போன்பண்ணுகிறார்கள் என்று மானிட்டர் பண்ணுவதே இவர்களது பணி.
துருக்கி நாட்டு பிரதிநிதியாக வந்த அந்த நாட்டின் நிதியமைச்சரும், அவருடன் வந்த 15 பேரும் மிக நுணுக்கமாக உளவு பார்க்கப்பட்டனர். (அந்த மாநாட்டில் துருக்கி ஏதோ ஒரு மூவ் எடுக்கப்போகிறது என்ற தகவல் கிடைத்திருக்கலாம்)
ரஷ்ய தலைவர் திமித்ரி மெத்வெடெவ் மாஸ்கோவில் உள்ள அலுவலகத்துடன் தொடர்பை, ரஷ்ய சாட்டலைட் ஒன்றின் ஊடாக வைத்திருந்தார். அது அவர்களது பிரத்தியேக சாட்டலைட் என்பதால், பிரிட்டிஷ் உளவுத்துறையால் எதுவும் செய்ய முடிந்திருக்கவில்லை.
ஆனால், அந்த மாஸ்கோ தொடர்பை அமெரிக்க உளவுத்துறை NSA, ‘வேறு விதமாக’ டப் செய்து கொண்டிருக்கிறது என்ற விஷயம், பிரிட்டிஷ் உளவுத்துறைக்கு தெரியும்.
இதையடுத்து, தமது ஆபரேஷனை அமெரிக்கர்களுக்கு தெரிவித்த பிரிட்டிஷ் உளவுத்துறை, ரஷ்ய தலைவரின் உரையாடல் விபரங்களை பெற்றது. (இதனால்தான் கதை அமெரிக்க உளவுத்துறை NSAவின் கம்ப்யூட்டருக்கு போய், எட்வார்ட் மூலமாக ஹாங்காங்கில் லீக் ஆனது)
ஆவணங்களில் உள்ள மற்றொரு விஷயம், பிரிட்டிஷ் உளவுத்துறையின் இந்த அதி ரகசிய ஆபரேஷனுக்கான அனுமதி, பிரிட்டிஷ் அரசு ‘உயர் மட்ட’ அளவில் கொடுக்கப்பட்டுள்ளது. (அப்போது கோர்டன் பிரவுண் பிரிட்டிஷ் பிரதமராக இருந்தார்)
மேலிட அனுமதி பெறப்பட்டபின், பிரிட்டிஷ் உளவுத்துறை GCHQ தலைவர் சர் இயாயின் லொபான் தனது துறை மேலதிகாரிகளுக்கு, இந்த ஆபரேஷனை எப்படி செய்ய வேண்டும் என்று எழுதிய அறிவுறுத்தல் கடிதமும் (2009-ம் ஆண்டு ஜனவரி 20-ம் தேதி எழுதப்பட்டுள்ளது) ஹாங்காங்கில் எட்வார்ட்டிடம் உள்ளது!
வேறு என்னவெல்லாம் அவரிடம் உள்ளனவோ!
சரி. இப்போது இதை யோசித்துப் பாருங்கள்.

ஹாங்காங்கில் உள்ள எட்வார்ட் ஸ்னோடனுக்கு அரசியல் தஞ்சம் கொடுக்க தயார் என்று 4 தினங்களுக்கு முன் ரஷ்யா அறிவித்ததற்கும், எட்வார்ட் ஸ்னோடனை பிரிட்டனுக்கு வரும் விமானத்தில் ஏற்ற வேண்டாம் என, விமான நிறுவனங்களுக்கு பிரிட்டிஷ் அரசு கடிதம் அனுப்பியதற்கும் என்ன அர்த்தம் என்று இப்போது புரிகிறதா?

by vetriaqua Mon Jun 17, 2013 3:21 pm

ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

by **mmani** Mon Jun 17, 2013 9:19 pm

நவீன யுத்தம்தான்

by Sponsored content

ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

Re: ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

Re: ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!

Re: ஹாங்காங்கில் ஸ்னோடன் வெளியிட்ட அடுத்த அதிரடி ரகசியம்! சிக்கியது பிரிட்டிஷ் உளவுத்துறை!!