ரியல் எஸ்டேட் தொழிலில் நடக்கும் முறைகேட்டை தடுக்க சட்டம்! – மத்திய அமைச்சரவை ஒப்புதல்

நீண்ட நாட்களாக கிடப்பில் போடப்பட்டு இருந்த ரியல் எஸ்டேட் தொழிலை
முறைப்படுத்துவதற்கான புதிய ஒழுங்குமுறை ஆணையம் அமைக்கும் திட்டத்திற்கும்
மக்களை ஏமாற்றும் வகையில் தவறான தகவல்களுடன் விளம்பரங்களை வெளியிடும் ரியல்
எஸ்டேட் நிறுவன அதிபர்களுக்கு சிறைத் தண்டனை வழங்கும் சட்ட மசோதாவுக்கும்
மத்திய அமைச்சரவை ஒப்புதல் வழங்கியுள்ளது.

அடுக்குமாடி குடியிருப்பு கட்டும் நிறுவனங்கள், ரியல் எஸ்டேட்
நிறுவனங்களால் வீட்டு மனை, குடியிருப்புகளை வாங்குபவர்கள் ஏமாற்றப்படுவதாக
பரவலான குற்றச்சாட்டு உள்ளது. அரசு அங்கீகாரம் பெறாத வீட்டு மனை, காலி
மனைகளை விற்பனை செய்வது, அரசிடம் அனுமதி பெற்றதற்கு மேல் பல மாடிகளை
கட்டுவது போன்ற, விதிமுறைகளின் படி காலி இடம் விடாமல் இருப்பது போன்ற
குற்றச்சாட்டுக்கள் உள்ளன.

அத்துடன் பல ஊர்களில் ஒரே காலி மனையை பலருக்கு விற்பனை செய்வது, மனை
அல்லது வீட்டின் சொந்தக்காரருக்கே தெரியாமல் அடுத்தவர்களுக்கு விற்பனை
செய்வது, போலி பத்திரங்களைத் தயாரித்து விற்பனை செய்வது, பவர் ஆப் அட்டர்னி
எனப்படும் அதிகார பத்திரத்தை வாங்கிக் கொண்டு மோசடி செய்வது போன்ற
முறைகேடுகள் ரியல் எஸ்டேட் தொழிலில் நடந்து வருகின்றன.

இதனால் பல அப்பாவி மக்கள் ஏமாற்றப்படுகின்றனர். இந்த வகையான மோசடி பற்றி
காவல் துறையில் புகார்களும், நீதி மன்றங்களில் வழக்குகளும் தினந்தோறும்
குவிகின்றன. இத்துடன், குடியிருப்புகளை கட்டி விற்பனை செய்யும் கட்டுமான
நிறுவனங்கள், அடுக்குமாடி குடியிருப்புகளை பெருநகர வளர்ச்சி ஆணையம்,
நகராட்சிகள் போன்ற சம்பந்தப்பட்ட அரசு துறைகளிடமிருந்து உரிய அனுமதி
பெறாமல் கட்டி விற்பனை செய்கின்றனர். இதனால் வீட்டை வாங்கியவர்கள் பல்வேறு
விதங்களில் பாதிக்கப்படுவதாக புகார்கள் வருகின்றன.

இவற்றை முறைப்படுத்தி, பொதுமக்கள் பாதிப்பிற்கு உள்ளாகாமல் பாதுகாக்கும்
வகையில் ரியல் எஸ்டேட், கட்டுமானத்துறைகளை முறைப்படுத்த மத்திய அரசு
முடிவெடுத்து இருந்தது. சில ஆண்டுககாகவே எதிர்பார்க்கப்பட்ட இந்த சட்டம்
நடைமுறைப்படுத்தப்பட்டால், தவறான விளம்பரம் தரும் ரியல் எஸ்டேட்
நிறுவனங்களை தண்டிக்கவும் வழி வகை ஏற்படும்.இனி அனைத்து அனுமதியையும் பெற்ற
பின்னரே, ரியல் எஸ்டேட் நிறுவனங்கள் தங்களது திட்டங்களை செயல்படுத்த
முடியும் என்றும் கூறப்படுகிறது.மேலும் ஒவ்வொரு கட்டுமானத் திட்டத்துக்கும்
தனித் தனி வங்கிக் கணக்குகளை அந்நிறுவனங்கள் பராமரிக்க வேண்டும் என்பது
உள்ளிட்ட பல்வேறு கட்டுப்பாடுகள் இம்மசோதாவில் இடம் பெற்றுள்ளன.

Cabinet clears Bill for creating a real estate regulator

******************************************************************
The cabinet on Tuesday cleared the Real Estate (Regulation and
Development) Bill 2013, which seeks to set up real estate regulators in
states to protect the interests of homebuyers, ensure fair practices and
accountability, besides fast-track dispute resolution.The Bill proposes
that developers register their projects with state regulatory
authorities by declaring their building plans, timeline and other
details of a project. This will then be posted on the regulator’s
website.Developers have to declare this information in advertisements
related to a project. A misleading advertisement by a developer, with
representative pictures and not actual ones, is proposed to be a
punishable offence.