தேர்வுகள் பலவிதம் 1 - குடிமைப் பணித் தேர்வுகள் (Civil Service Exam)

by **மாலதி** Sat May 04, 2013 8:58 pm

தேர்வுகள் பலவிதம் 1 - குடிமைப் பணித் தேர்வுகள் (Civil Service Exam)

சிறப்புத் தொடர்

[You must be registered and logged in to see this image.]ஒரு
காலத்தில் பள்ளிப் படிப்பை முடித்த பிறகு கல்லூரிகளில் சேர்வதற்காக
நுழைவுத் தேர்வுக்காக மாய்ந்து மாய்ந்து படித்துக் கொண்டிருப்பார்கள்
மாணவர்கள். இப்போதெல்லாம் எல்.கே.ஜி.யிலேயே துவங்கிவிடுகிறது
நுழைவுத்தேர்வுகள்.

சாதாரண எல்.கே.ஜி படிப்பில் இருந்து பி.ஹெச்டி படிப்பு வரை நுழைவுத்
தேர்வுகள். அரசு அலுவலகங்களில் கடைநிலை ஊழியர் முதலே எல்லாப் பணிகளுக்குமே
போட்டித் தேர்வுகள் மூலமே நியமனம் செய்யப்படுவதால், இன்றைய இளைஞர்களின்
உலகமே தேர்வுகள் சூழ் உலகமாகிவிட்டது.

இந்தப் போட்டித் தேர்வுகள், நுழைவுத் தேர்வுகள் பற்றிய அறிமுகத்தை இந்தத் தொடரில் பார்க்கலாம்.

குடிமைப் பணித் தேர்வுகள் (Civil Service Exam)

இந்தியாவில் நடைபெறும் போட்டித் தேர்வுகள் அனைத்திலும்
பெருமதிப்புடையதாகவும் கடினமானதாகவும் கருதப்படும் தேர்வு இது. IAS, IPS,
IFS, IRS போன்ற நிர்வாக அடுக்கில் முதன்மை இடத்தில் இருக்கும் 26
உயர்பதவிகளுக்கு இத்தேர்வு நடத்தப்படுகிறது.

இத்தேர்வை எழுத ஏதேனும் ஒரு இளநிலை பட்டப்படிப்பு(Under Graduate Degree)
படித்திருக்க வேன்டும். திறந்த நிலைப் பல்கலைக்கழகங்களிலும், தொலைநிலைப்
பல்கலைக் கழகங்களிலும் கூடப் படித்திருக்கலாம். இறுதியாண்டு
படித்துக்கொண்டிருக்கும் மாணவர்களும் தேர்வெழுதலாம். முதன்மைத் தேர்வு
எழுதும் காலகட்டத்திற்குள் பட்டப்படிப்பை முடித்திருக்க வேண்டும்.

பொதுப்பிரிவைச் சேர்ந்தவர்கள் 21 வயது முதல் 30 வயதிற்குள் நான்கு
முறையும், இதர பிற்படுத்தப்பட்ட வகுப்பைச் சேர்ந்தவர்கள் 21-33 வயதிற்குள்
ஏழு முறையும், தாழ்த்தப்பட்ட பழங்குடியின வகுப்பைச் சேர்ந்தவர்கள் 21-35
வயதிற்குள் எத்தனை முறை வேண்டுமானாலும் தேர்வு எழுதத் தகுதியுடையவர்கள்.

மூன்று பிரிவுகள்:

முதல் நிலைத் தேர்வு (Preliminary Examination),
முதன்மைத் தேர்வு (Main Examination),
நேர்முகத் தேர்வு (Interview)

தேர்வுக்கான அறிவிப்புகள் நவம்பர்/டிசம்பர் மாதத்தில் upscயால்
வெளியிடப்படும். முதல்நிலைத் தேர்வுகள் மே மாதத்தில் நடைபெறும். முதன்மைத்
தேர்வுகள் அக்டோபர்-நவம்பர் மாதங்களில் நடைபெறும். நேர்முகத் தேர்வு
மார்ச்-ஏப்ரல் மாதங்களில் நடைபெறும். இவ்வாறு இத்தேர்வானது ஓராண்டு
முழுவதும் நடைபெறும்.

முதல்நிலைத் தேர்வில் வெற்றி பெற்றால் மட்டுமே முதன்மைத் தேர்வை ஒரு
தேர்வர் எழுத முடியும், இத்தேர்வில் வெற்றி பெற்றவர்கள் மட்டுமே நேர்முகத்
தேர்வுக்குச் செல்ல முடியும்.

முதல்நிலைத் தேர்வில், பொதுஅறிவுத் தாள் மற்றும் CSAT எனப்படும் திறனறியும்
தேர்வு என இரண்டு தாள்களைக் கொண்டது. ஒவ்வொரு தாளும் 200 மதிப்பெண்களைக்
கொண்டது.

முதன்மைத் தேர்வில், மொழிப்பாடம் மற்றும் ஆங்கிலம் ஆகியவை ஒவ்வொன்றும் 300
மதிப்பெண்கள் கொண்டது, கட்டுரைத் தாள் 250 மதிப்பெண்கள் கொண்டது, நான்கு
பொது அறிவுத்தாள்கள் ஒவ்வொன்றும் 300 மதிப்பெண்கள் கொண்டது, விருப்பப்
பாடம் இரண்டு தாள்களைக் கொண்டது, ஒவ்வொரு தாளும் தலா 250 மதிப்பெண்கள்
கொண்டது. ஆக, முதன்மைத் தேர்வு மொத்தமாக 1750 மதிப்பெண்கள் கொண்டது.

தேர்வருடைய ஆளுமைத் தன்மையைச் சோதிக்கும் நேர்முகத் தேர்வு 275
மதிப்பெண்களைக் கொண்டது. முதன்மைத் தேர்வு மற்றும் நேர்முகத் தேர்வு
இரண்டிலும் மொத்தம் 2025 மதிப்பெண்களில் தேர்வர் பெறும் மதிப்பெண்ணைக்
கொண்டே பணிகள் அளிக்கப்படுகிறது.

இத்தேர்வின் மூன்று படிநிலைகளில் மாணவர்கள்
தேர்வு செய்யப்படுகிறார்கள் என்பதைவிட, மாணவர்கள் ஒவ்வொரு படிநிலையிலும்
வடிகட்டப்படுகிறார்கள். பணியிடங்களின் எண்ணிக்கையை விட பத்திலிருந்து 12
மடங்கு எண்ணிக்கையிலானவர்கள் முதன்மைத் தேர்வுக்குத் செல்வார்கள்.
அதிலிருந்து இரு மடங்கு தேர்வர்கள் நேர்முகத் தேர்வுக்கு
அழைக்கப்படுவார்கள். ஒவ்வொரு ஆண்டும் தேர்வர்களிம் எண்ணிக்கை மாறுபடுமே
ஒழிய இந்த விகிதத்தில் பெருமளவு மாற்றம் இருக்காது.

குடிமைப் பணித் தேர்வுகளுக்கு டெல்லிக்குச் சென்று பயிற்சி மேற்கொண்டால்
மட்டுமே தேர்வடைய முடியும் என்ற மாயைகள் உடைந்து சென்னையில் இருந்த படியே
படிக்க முடியும் என்பதும், தேர்வடைய முடியும் என்பதும் கடந்த சில ஆண்டுகளாக
நிரூபணம் ஆகிவருகிறது. அதிக அளவிலான பயிற்சி மையங்களும், சிறந்த நூலக
வசதிகளும் மாணவர்களுக்கு பெரிய வாய்ப்பினை உண்டாக்கித் தந்திருக்கிறது.
சென்னை மட்டுமல்லாது எல்லா மாவட்ட மைய நூலகங்களிலும் போட்டித்
தேர்வுகளுக்கான புத்தகங்கள் அடங்கிய தனிப்பிரிவும் இயங்கி வருகிறது. தேவை
விடாமுயற்சியும் மன உறுதியும் மட்டுமே.

இரண்டு ஆண்டுகளுக்கு முன்பு முதல்நிலைத் தேர்வில் விருப்பப் பாடத்தை நீக்கி
திறனறித் தேர்வைக் கொண்டு வந்ததைப் போல, முதன்மைத் தேர்வில் சில
மாற்றங்களைக் கொன்டு வர UPSC முடிவு செய்தது. இரண்டு விருப்பப் பாடங்களை
ஒன்றாகக் குறைத்து, அந்த மதிப்பெண்களை ஈடு செய்யும் பொருட்டு பொது அறிவுத்
தாள்களின் எண்ணிக்கையை நான்காக கூட்டுவதாகவும், மொழிப்பாடங்களில்
பட்டப்படிப்பு படித்தவர்கள் மட்டுமே இலக்கியப் பாடங்களை விருப்பப் பாடமாக
எடுக்க முடியும் போன்ற விருப்ப மொழி சார்ந்த தேர்வுகளில்(Choices) சில
மாற்றங்களை முன்வைத்தார்கள்.

இந்த மாற்றங்கள் இந்தி பேசாத மாநிலங்களைச் சேர்ந்த தேர்வர்களுக்கு பெரும்
பாதிப்பை ஏற்படுத்துவதோடு, ஆங்கிலம் அல்லது இந்திக்கு கூடுதல்
முக்கியத்துவம் அளிக்கப்படுவதற்கும் பெரும் எதிர்ப்புகள் எழுந்ததாலும் இந்த
ஆண்டு பழைய முறைப்படியே தேர்வுகள் நடைபெறுகின்றன. இனிவரும் காலங்களில் இது
போன்ற மாற்றங்களையே தேர்வுகளில் எதிர்பார்க்கலாம், அல்லது என்ன முடிவை
UPSC எடுக்கும் என்பதை எதிர்பார்க்க முடியாது. ஏனெனில், பல சமயங்களில்,
UPSC என்பது Un Predictable Service Commission ஆகவே செயல்பட்டு
வந்திருக்கிறது.

குடிமைப் பணித் தேர்வுகள் தொடர்புடைய பயனுள்ள இணைப்புகள்:

[You must be registered and logged in to see this link.]

- சுப. தமிழினியன்