சரப்ஜித் சிங் உடலில் இதயம், கிட்னி போன்றவை மிஸ்ஸிங் : -போஸ்ட்மார்ட்டம் ரிப்போர்ட் ‘பகீர்’

பாகிஸ்தானில் கொல்லப்பட்ட சரப்ஜித் சிங் உடலில் பல உறுப்புகள் இல்லை
என்ற அதிர்ச்சி தரும் உண்மையை இந்திய மருத்துவக்குழு தலைவர் குர்ஜித்மான்
கூறியுள்ளார். நேற்றிரவு இந்தியா வந்த சரப்ஜித்தின் உடல் அமிர்தசரஸ்
மருத்துவமனையில் பரிசோதனை செய்யப்பட்ட போது இந்த ‘பகீர்’ விவகாரம் தெரிய
வந்துள்ளது. .

இந்தியாவில் நடந்த 2வது பிரேத பரிசோதனை முடிவை மருத்துவர் குர்ஜித்மான்
வெளியிட்டார்.அப்போது சரப்ஜித் உடலில் இருந்து இதயம், சிறுநீரகம், வயிற்று
உள் உறுப்புகள் அகற்றப்பட்டு இருந்ததாக கூறியுள்ளார். ஒருவரது உடலில்
விஷம் இருந்ததா அல்லது நோய் தாக்குதல் இருந்ததா என்பதை தெரிந்துகொள்ள இந்த
உடலுறுப்புகள் மிகவும் அவசியமானது என்றும் அவர் கூறினார்.

சரப்ஜித் சிங்கின் உடலின் முதல் பிரேத பரிசோதனை, பாகிஸ்தானில்
நடைபெற்றதாகவும், அது தொடர்பாக ஒருபக்க அறிக்கை மட்டுமே
அளிக்கப்பட்டிருந்ததாகவும் கூறிய மான், சரப்ஜித் சிங்கின் கபால எலும்பில்
முறிவுகளும், காயமும் இருந்ததாகவும், அதுதான் அவரது மரணத்திற்கு முக்கிய
காரணமாக அமைந்ததாக தெரிவிக்கப்பட்டிருந்ததாகவும், தங்களது கருத்தும்
அதுதான் என்றும் தெரிவித்தார்.

இதனையடுத்து சிறையில் நடந்த கைகலப்பில் சரப்ஜித் காயம் என்ற
பாகிஸ்தானின் பேச்சு பொய் என்பது உறுதியாகியுள்ளது. சரப்ஜித் தலையில்
தாக்கப்பட்டதால் கபால எலும்பு முறிந்துள்ளது மருத்துவ குழுவின் ஆய்வில்
கண்டறியப்பட்டுள்ளது.

மேலும் அவரின் தாடை எலும்பும், இடுப்பு எலும்புகளும்
முறிக்கப்பட்டுள்ளதாகவும், காதுகள் சிதைக்கப்பட்டிருப்பதாகவும் மருத்துவர்
கூறியுள்ளார். சரப்ஜித்தை கொலை செய்ய வேண்டும் என்ற நோக்கிலேயே தாக்குதல்
நடைபெற்றுள்ளது ஆய்வில் அம்பலமாகியுள்ளது. லாகூர் சிறையில் சரப்ஜித்தை பலர்
சேர்ந்து தாக்கியுள்ளது சோதனையில் தெரிய வந்துள்ளது.

Sarabjit Singh’s heart, kidneys, stomach missing, finds autopsy panel in India
*************************************************************************************
The heart, kidneys and stomach are missing from Sarabjit Singh’s body,
doctors who conducted the autopsy at Patti hospital said late on
Thursday night.The absence of the vital organs made the post-mortem
examination to determine the cause of Sarabjit’s death inconclusive, the
doctors said.