இந்திராகாந்தியின் வீட்டிலிருந்த அமெரிக்கா உளவாளி! – விக்கிலீக்ஸ் பகீர்!

எமர்ஜென்ஸி கொண்டு வந்த நேரத்தில் பிரதமராக இருந்த இந்திரா
நடவடிக்கைகள் குறித்து அவரது வீட்டில் இருந்தே உளவு தகவல் கிடைத்ததாக
அமெரிக்க தூதர் அந்நாட்டு வெளியுறவு துறை அமைச்சகத்திற்கு தகவல்
அனுப்பியுள்ளார் என்ற தகவலை விக்கிலீக்ஸ் வெளியிட்டுள்ளது.

எமர்ஜென்சி காலத்தின்போது, இந்திரா காந்தியின் அடுத்தக்கட்ட அரசியல்
நகர்வுகள் என்ன என்பதை அறிந்துகொள்ள அமெரிக்கா போராடி வந்தது.
இருந்தபோதிலும், 1975 முதல் 1977 ஆண்டு வரை, இந்திரா காந்தியின் வீட்டு
பணியாளர் மூலம் கிடைத்த உளவுத் தகவல், அமெரிக்காவுக்கு ஓரளவுக்கு உதவியதாக
அதில் கூறப்பட்டுள்ளது.

எமர்ஜென்சி காலத்தின்போது, டெல்லியில் உள்ள இந்தியாவுக்கான அமெரிக்கா
தூதரக அதிகாரி, தங்கள் நாட்டு வெளியுறவுத் துறை அமைச்சகத்திற்கு அனுப்பிய
கடிதங்களிலேயே இத்தகவல் இடம் பெற்றுள்ளது.

இவ்வாறு அனுப்பப்பட்ட கடிதங்களில், இந்திரா குறித்து குறிப்பிடப்பட்ட
தகவல்களிலெல்லாம், பிரதமர் வீட்டு வட்டாரங்கள் கூறியதாகவே ( “house hold”
source மற்றும் “sources close to the PM’s household” )
குறிப்பிடப்பட்டுள்ளது.1976 ஆம் ஆண்டின் மத்தியில் அனுப்பப்பட்ட அமெரிக்க
தூதரக அதிகாரியின் கடிதத்தில் மட்டும், இந்திரா காந்தி 1977 ல் நாடாளுமன்ற
தேர்தலை நடத்தலாம் என மிகத் துல்லியமாக கணிக்கப்பட்டுள்ளது.

இந்திரா காந்தி, 1975 ஆம் ஆண்டு ஜூன் 26 ஆம் தேதி எமர்ஜென்சியை
பிரகடனப்படுத்தியதற்கு மறுநாள், அமெரிக்க தூதரக அதிகாரி தங்கள் நாட்டு
வெளியுறவுத் துறை அமைச்சகத்திற்கு அனுப்பி வைத்த கடிதத்தில், இந்திராவின்
இந்த நடவடிக்கைக்கு அவரது மகன் சஞ்சய் காந்தி மற்றும் இந்திராவின் செயலர்
ஆர்.கே. தவான் ஆகியோர்தான் முக்கிய காரணமாக இருந்திருக்க வேண்டும் என்றும்,
இதனை இந்திரா வீட்டு பணியாளரும் உறுதிப்படுத்தியுள்ளார் என்றும்
குறிப்பிடப்பட்டுள்ளது.

சஞ்சய் மற்றும் தவான் ஆகிய இருவருமே சித்தாந்தவாதிகள் அல்ல.தங்களது
பொதுவான அணுகுமுறையிலேயே அதிகாரத் தொனியை வெளிப்படுத்துபவர்கள்.இந்திராவை
அதிகாரத்தில் வைத்திருக்க வேண்டும் என்பதிலேயே அவர்கள் தங்களது முழு
கவனத்தையும் செலுத்தினர் என்றும் அதில் கூறப்பட்டுள்ளது.

மேலும் எமர்ஜென்சி பிரகடனப்படுத்தப்படுவதற்கு முந்தைய தினம் காங்கிரஸ்
கட்சியை சேர்ந்த 4 முக்கிய எம்.பிக்களுடன் அமெரிக்க தூதரகம் பேசியதாகவும்,
அப்போது எமர்ஜென்சி எவ்வளவு நாட்கள் அமலில் இருக்கும் என்பதில் அவர்கள்
வெவ்வேறு கருத்துக்களை தெரிவித்ததாகவும், சிலர் இரண்டு-மூன்று மாதங்களுக்கு
மேல் எமர்ஜென்சி நீடிக்காது என்றும், மற்றவர்கள் அதிகபட்சம் 6 மாதங்கள்
நீடிக்கலாம் எனக் கூறியதாகவும் அதில் கூறப்பட்டுள்ளது.

இதுபோக சரண் சிங் கைது குறித்தும் பேசும் இந்த ஆவணங்கள், சரண் சிங்
மீண்டும் கைது செய்யப்பட வாய்ப்புள்ளதாகவும், சஞ்சய் சிங் இந்த பிரச்னையில்
என்ன நிலைகொண்டிருந்தார் என்பதை இந்திரா வீட்டு பணியாளர்
தெரிவித்ததாகவும் விக்கிலீக்ஸ் ஆவணங்கள் குறிப்பிடுகிறது.

மேலும் எமர்ஜென்சி அமலான 1975 ஆம் ஆண்டு காலக்கட்டத்தில் ஆட்சி
அதிகாரத்தில் சஞ்சய் காந்தி எவ்வாறு ஆதிக்கம் செலுத்தினார் என்பதை பற்றி
அமெரிக்க தூதரக அதிகாரி அனுப்பிய ஆவணங்களையும் வெளியிட்டுள்ளது
விக்கிலீக்ஸ். அதில் சஞ்சய் காந்தியின் தலைமையிலான இளைஞர் காங்கிரஸ் பிரிவை
சேர்ந்தவர்கள், கட்சியிலும், ஆட்சியிலும் மிகுந்த ஆதிக்கம் செலுத்தியதாக
குறிப்பிடப்பட்டுள்ளது.குறிப்பாக அரசின் உயர்மட்ட அதிகாரிகள் மற்றும்
உயர்மட்ட அமைச்சர்களிடம் தனது செல்வாக்கை செலுத்திய சஞ்சய் காந்தி, அரசின்
முக்கிய கொள்கை முடிவுகளை தீர்மானிப்பதில் முக்கிய பங்கு வகித்ததாக
குறிப்பிடப்பட்டுள்ளது.

WikiLeaks: American mole in Indira Gandhi’s household during Emergency?!
*******************************************************************************
Even though the US establishment struggled during the Emergency to read
Indira Gandhi’s political moves, it seemed to have had a source in the
Gandhi household between 1975 and 1977. According to the latest cables
released by Wikileaks, on a few instances the dispatches from the US
Embassy in New Delhi repeatedly refers to a “household” source and
“sources close to the PM’s household.”By the middle of 1976 the cables
had began to accurately predict that Gandhi would be calling national
elections in 1977. It is not clear how much of help they had received
from this Gandhi household source.