தமிழக மாணவர்களின் போராட்டத்தைக் கண்டு எமது மக்கள் பாடம் பற்றுக் கொள்ள வேண்டும் - எஸ்.ஜெயானந்தமூர்த்தி

by **அருள்** Fri Mar 15, 2013 5:09 pm

எமது இனத்தின் விடுதலைக்காக தமிழக மாணவர்கள் மேற்கொண்டு வரும் எழுச்சி
போராட்டங்களைக் கண்டு புலம் பெயர் மக்கள் குறிப்பாக இளையோர் பாடம் கற்றுக்
கொள்ள வேண்டும். என தெரிவித்துள்ள தமிழ் தேசியக் கூட்டமைப்பின் முன்னாள்
மட்டக்களப்பு மாவட்ட நாடாளுமன்ற உறுப்பினர் எஸ்.ஜெயானந்தமூர்த்தி தமிழக
மாணவர்களின் போராட்டத்திற்கு எமது ஆதரவைத்
தெரிவிப்பதாகவும் அவர்களுடன் கைகோர்த்துக் கொள்வதாகவும் தெரிவித்துள்ளார்.
தமிழக மாணவர்களின் போரட்டம் தொடர்பாக இணையத்தளமொன்றுக்கு வழங்கிய
செவ்வியிலேயே அவர் மேற்கண்டவாறு தெரிவித்துள்ளார்.

அவர் மேலும் தெரிவிக்கையில்: ‘மாணவர் சக்தியே ஒரு
நாட்டின் முதுகெலும்பாகும். அவர்கள் வீறுகொண்டு எழும்போது அந்நாடே
தாங்காது. அதுவே இன்று தமிழகத்தில் எழுந்துள்ளது. அறவழிப்போராட்டத்தில்
இன்று அவர்கள் நம்பிக்கை கொண்டு உண்ணாவிரதத்தைத் தமது ஆயுதமாகக் கையில்
எடுத்துள்ளனர். லயோலாக் கல்லூரி மாணவர்கள் ஆரம்பித்த இப்போராட்டம் இன்று
தமிழகம் எங்குமே பெரும் தாக்கத்தை ஏற்படுத்தியுள்ளது. அவர்களின் போராட்டம்
பாரத தேசத்தை இன்று ஆட்டம் காண வைத்துள்ளது. அவர்களின் கோரிக்கைகள் மிகவும்
வலுவானது இந்திய தேசம் தலையிட்டு தமிழர்களுக்கு தனிநாட்டை அமைக்க
வேண்டும், இனப்படுகொலைக்கு நீதி கிடைக்க வேண்டும், படுகொலையைச் செய்த
இலங்கை அதிபர் மற்றும் படை அதிகாரிகளுக்கு தண்டணை வழங்க வேண்டும் என்பன
முக்கியமானவை. இவ்வாறான கோரிக்கைகளை அம்மாணவர்கள் முன்வைத்து போராடி
வருகின்றனர்.

ஆனால் எமது புலம் பெயர் மக்கள் இன்று மௌனமாகவே காலத்தைக் கழித்து
வருகின்றனர். அதிலும் இளையோரின் செயற்பாடுகள் வெறும் பூச்சியமாகவே
இருக்கின்றது. இவர்கள் தமிழக மாணவர்களின் எழுச்சியைக் கண்டாவது பாடம்
கற்றுக் கொள்ள வேண்டும். புலம் பெயர் நாடுகளில் தமிழக மாணவர்களின்
போராட்டத்துக்கு இணைவாக தாமும் வீதிகளில் இறங்கிப் போராட வேண்டிய காலம்
இதுவாகும். எமது தேசியத் தலைவர் 2008 ஆம் ஆண்டு மாவீரர் தின உரையில் புலம்
பெயர் மக்களையும் குறிப்பாக இளையோரையும் நோக்கி குறிப்பிட்ட வாசகங்களை
இவர்கள் மறந்துவிடக் கூடாது. அவர் மிக தீர்க்க தரிசனத்துடனேயே போராட்டத்தை
புலம் பெயர் தளத்திற்கு மாற்றினார் என்பதையும் எமது மக்கள் நன்கு புரிந்து
கொள்ள வேண்டும்.

ஆனால் இன்று புலம் பெயர் தேசத்தில் மக்கள் எழுச்சியையோ போராட்டங்களையோ
காணவில்லை. இவ்வாறான போராட்டங்களை ஏற்பாடு செய்பவர்களும் இன்று அமைதியாகவே
உள்ளனர். அல்லது ஒன்று கூடல்களை நடத்தினாலும் அதில் மக்கள் எழுச்சியை
ஏற்படுத்தும் செயற்பாடுகளைக் காணவில்லை. புலம் பெயர் நாடுகளில் உள்ள சில
அமைப்புகள் கூட்டங்கள் மாநாடுகளை நடத்துவதாகக் கூறிக் கொண்டு தமது
அரசியலைச் செய்ய முற்படுகின்றனர். அதில் தமிமீழம் பற்றியோ அல்லது எமது
மக்கள் மீது நடத்தப்பட்ட இனப்படுகொலை பற்றியோ பேசுவதில்லை. போர்குற்றம்
என்பதை மாத்திரம் நாசுக்காக கூறிவிட்டு நழுவி விடுகின்றனர். சிலர் புலம்
பெயர் நாடுகளில் ஒரு மாற்றுத் தலைமையை உருவாக்க முயற்சிக்கின்றனர்.
சோனியாவின் கண்களில் புதிதாக ஒளிவட்டத்தைக் காணுகின்றனர். தென்னாபிரிக்கா,
அமெரிக்கா, இந்தியா போன்ற நாடுகளுடன் உறவு கொண்டாடி எமது
விடுதலைப்போராட்டத்தின் வீரியத்தைக் குறைக்க முற்படுகின்றனர்.
விடுதலைப்புலிகளை பயங்கரவாத அமைப்பாக இலங்கை நாடாளுமன்றத்தில் குற்றம்
சுமத்திய தமிழ் தேசியக் கூட்டமைப்பைரூ nடிளி;புலம் பெயர் நாடுகளுக்கு
அழைத்து கூட்டங்கள் நடத்தி அவர்களின் கூற்றுக்கு அங்கீகாரம்
வழங்குகின்றனர். இவ்வாறான நடவடிக்கைகள் எமது மக்கள் மத்தியில் பெரும்
விசனத்தை ஏற்படுத்தி உள்ளது.

இவர்களின் இச் செயற்பாடுகள் எமது இனத்திற்கு என்றுமே விடுதலையைப் பெற்றுத்
தரப்போவதில்லை. மாறாக இவர்கள் எமது இனத்தை மீண்டும் படுபாதாளத்திற்கே
கொண்டு செல்லுவார்கள் என்பதே யதார்த்தம். எனவே நாம் இன்றைய உலகச் சூழலைக்
கவனத்தில் கொண்டு எமது இனத்தின் மீது இனப்படுகொலை இடம் பெற்றது என்பதை
சர்வதேசத்திற்கு உணர்த்தி உலக நாடேங்கும் போராட்டங்களை நடத்த வேண்டும்.
அதன் மூலம் சர்வதேசத்தை அசைய விடாது எமது கோரிக்கையை வென்றெடுக்க முடியம்;.

அமெரிக்கா தீர்வைக் கொண்டு வரும் எமக்கு விடுதலை கிடைத்து விடும் நாம்
அமைதியாக இருந்தால் போதும் என்று நினைத்தால் அல்லது இவ்வாறு யாரும்
கூறினால் இதைவிட முட்டாள்தனம் எதுவும் இல்லை. எனவே இவ்வாறான சிந்தனைகளை
மறந்து இன்று இலங்கை தொடர்பாக உலகத்தில் ஏற்பட்டிருக்கும் தாக்கத்தை நாம்
பயன்படுத்திக் கொள்ள வேண்டும். இதற்கு நாம் எமது உரிமைக்காக போராடுவதை விட
வேறு வழியில்லை. இதற்கு தமிழக மாணவர்களின் போராட்டமும் நல்ல உறுதுணையாக
அமைந்துள்ளது.

சில புலம் பெயர் அமைப்புகள், தனிநபர்கள் மற்றும் கூட்டமைப்பு உறுப்பினர்கள்
மக்களுக்கு தவறான கருத்துக்களைக் கூறி வருகின்றனர். நாம் இராஐதந்திர
வழிகளில்தான் போக வேண்டும். சற்று விட்டுக் கொடுத்து, பணிந்து, வளைந்து
போகவேண்டும். இதுதான் வெளிநாட்டவர்களுக்குப் பிடிக்கும். உணர்ச்சி வசப்படக்
கூடாது என்றெல்லாம். பழைய பல்லவியைக் கூறி மக்களை எழுச்சி கொள்ளாமல் வைக்க
முயலுகின்றனர். இதை மக்கள் நன்றாக உணர்ந்து கொள்ள வேண்டும்.

எனவே நாம் பொறுத்தது போதும். இனியும் பொறுமை எமக்கு விடுதலையைப் பெற்றுத்
தரப்போவதில்லை. எனவே எமது மக்கள் ஒன்றுபட்டு உணர்வுடன் எழுந்து போராடுவதன்
மூலமே எமது விடுதலையைப் பெறமுடியும்’ என ஜெயானந்தமூர்த்தி
தெரிவித்துள்ளார்.

by **Tamil** Fri Mar 15, 2013 9:54 pm

தமிழக மாணவர்களின் போராட்டத்தைக் கண்டு எமது மக்கள் பாடம் பற்றுக் கொள்ள வேண்டும் - எஸ்.ஜெயானந்தமூர்த்தி

தமிழக மாணவர்களின் போராட்டத்தைக் கண்டு எமது மக்கள் பாடம் பற்றுக் கொள்ள வேண்டும் - எஸ்.ஜெயானந்தமூர்த்தி

Re: தமிழக மாணவர்களின் போராட்டத்தைக் கண்டு எமது மக்கள் பாடம் பற்றுக் கொள்ள வேண்டும் - எஸ்.ஜெயானந்தமூர்த்தி