ஆந்திராவில் வெடி விபத்து:15 பேர் பலி- 50க்கும் அதிகமானோர் படுகாயம்!

ஐதராபாத்தில் 5 இடங்களில் தொடர்ச்சியாக குண்டு வெடித்ததில் 15 பேர்
உயிரிழந்தனர். தொடர் குண்டு வெடிப்பில் 50க்கும் மேற்பட்டோர் படுகாயம்
அடைந்தனர். தில்சுக் நகர் என்ற இடத்தில் 5 குண்டுகளும் வெடித்தது.

ஆந்திரா தலைநகர் ஐதராபாத்தில் உள்ள தில்சுக் நகரில் மக்கள் நடமாட்டம்
மிகுந்த பேருந்து நிலையத்தில் இன்று மாலை 7 மணியளவில் சக்திவாய்ந்த
குண்டுவெடித்தது. அதே நேரத்தில் கோனார்க் தியேட்டர் அருகிலும்
குண்டுவெடித்தது. மற்றொரு இடத்திலும் குண்டு வெடித்துள்ளது.

இதுபற்றி தகவல் அறிந்த போலீசாரும் தீயணைப்பு படையினரும் சம்பவ
இடத்திற்கு விரைந்து சென்று மீட்பு நடவடிக்கைகளில் ஈடுபட்டுள்ளனர்.
அப்பகுதியை போலீசார் சுற்றி வளைத்து மேலும் குண்டுகள் இருக்கின்றனவா என்று
சோதனை நடத்தி வருகின்றனர்.

இந்த குண்டுவெடிப்புகளில் 15 பேர் பலியானதாக முதற்கட்ட தகவல்கள்
தெரிவிக்கின்றன. சுமார் 50 பேர் காயம் அடைந்து மருத்துவமனைக்கு அனுப்பி
வைக்கப்பட்டனர். இச்சம்பவத்தால் ஐதராபாத் முழுவதும் பதட்டம் நிலவி
வருகிறது. போலீசார் உஷார்படுத்தப்பட்டுள்ளனர்.

குண்டு வெடிப்பு நடந்ததாக தகவல் அறிந்ததும் முதல்வர் கிரண்குமார் ரெட்டி உயர் அதிகாரிகளுடன் அவசர ஆலோசனை நடத்தி வருகிறார்.

ஐதராபாத்தில் தீவிரவாதிகள் தாக்குதல் நடத்தலாம் என்று புலனாய்வு
அமைப்புகள் அளித்த தகவலையடுத்து கடந்த இரண்டு தினங்களுக்கு முன்பே நகரில்
போலீசார் தீவிர கண்காணிப்பில் ஈடுபட்டது குறிப்பிடத்தக்கது.

Hyderabad serial blasts: at least 15 dead, 50 injured!
**********************************************************
At least 15 people have been killed and 50 injured in a series of blasts
in a busy commercial area of Hyderabad this evening.Sources in the Home
Ministry say the explosions appear to be a well-planned terror attack
designed to cause maximum damage.