விஸ்வரூபம் பிரச்னை குறித்த பேச்சுவார்த்தை நாளை(யும்) தொடரும்!

விஸ்வரூபம் படம் பிரச்னைக்கு நாளை தீர்வு எட்டப்படும் என
கூறப்படுகிறது. விஸ்வரூபம் படம் தடையை விலக்குவது தொடர்பாக இன்று
முத்தரப்பு பேச்சுவார்த்தை நடைபெறுவதாக இருந்தது. ஆனால் இன்று இரு
தரப்பினரும் பேச்சுவார்த்தைக்கு வரவில்லை.

இதனால் பத்திரிகையாளர்கள் நீண்ட நேரம் காத்திருந்துவிட்டு திரும்பினர்.
முஸ்லிம் அமைப்பை சேர்ந்த ஹனீபா என்பவர் கூறுகையில், பேச்சுவார்த்தைக்கு
இதுவரை அழைப்பு வரவில்லை. நாளை பேச்சுவார்த்தை நடைபெற வாய்ப்பு உள்ளது என
கூறினார்.

முன்னதாக கமல் நடித்து இயக்கிய ‘விஸ்வரூபம்’ படத்துக்கு முஸ்லிம்
அமைப்பினர் எதிர்ப்பு தெரிவித்ததையடுத்து தமிழக அரசு, அந்த படத்துக்கு தடை
விதித்தது. இதை எதிர்த்து ஐகோர்ட்டில் கமல்ஹாசன் தாக்கல் செய்த வழக்கை
விசாரித்த நீதிபதி வெங்கட்ராமன், தடையை நீக்கி உத்தரவிட்டார். ஆனால், அரசு
அப்பீல் செய்ததால், படத்துக்கு மீண்டும் தடை விதிக்கப்பட்டது. இந்த
வழக்கில், வரும் 4ம் தேதி அரசு பதில் மனு தாக்கல் செய்ய
உத்தரவிடப்பட்டுள்ளது. இந்த நிலையில், நேற்று பேட்டி அளித்த ஜெயலலிதா,
‘முஸ்லிம் அமைப்பினருடன் கமல்ஹாசன் பேசி சமரச ஒப்பந்தம் செய்து கொண்டால்,
படத்தை ரிலீஸ் செய்வதற்கான நடவடிக்கைகளுக்கு அரசு ஒத்துழைக்கும்’ என்றார்.

இதையடுத்து, நேற்று மாலை முஸ்லிம் அமைப்புகளுடன் பேச்சு நடத்த கமல்
தரப்பில் சம்மதம் தெரிவிக்கப்பட்டது. ஆனால், அரசு தரப்பு, கமல்ஹாசன்,
முஸ்லிம் அமைப்பினர் என முத்தரப்பும் ஒரே நேரத்தில் பேச்சு நடத்த வேண்டும்
என்று முஸ்லிம் அமைப்புகள் சார்பில் ஒருமனதாக அறிவிக்கப்பட்டது.

இந்நிலையில், ராஜ்கமல் பிலிம்ஸ் நிர்வாகி சந்திரஹாசன், டைரக்டர் அமீர்,
முஸ்லிம் அமைப்புகள் சார்பில் இஸ்லாமிய இயக்கங்களின் கூட்டமைப்பு தலைவர்
ஹனீபா, சிக்கந்தர் ஆகியோர் இன்று பகல் 12 மணிக்கு தலைமைச் செயலகத்தில்
உள்துறை செயலாளர் ராஜகோபாலை சந்தித்து பேசினர். அப்போது முத்தரப்பு
பேச்சுவார்த்தையில் பங்கேற்க சம்மதம் தெரிவித்து கடிதம் கொடுத்தனர்.
அவர்களுடன் முத்தரப்பு பேச்சுவார்த்தை குறித்து உள்துறை செயலாளர் ஆலோசனை
நடத்தினார். பேச்சுவார்த்தையில் யார், யார் கலந்து கொள்வது, எங்கே
நடத்துவது என்பது குறித்து ஆலோசிக்கப்பட்டது. அப்போது மாநகர போலீஸ் கமிஷனர்
ஜார்ஜும் உடனிருந்தார். சுமார் ஒரு மணி நேரம் இந்த ஆலோசனை நடந்தது.

பின்னர் நிருபர்களிடம் ஹனீபா கூறியதாவது:‘விஸ்வரூபம்’ பட பிரச்னை தொடர்பாக
முதல்வரின் வேண்டுகோளை ஏற்று தமிழ்நாடு இஸ்லாமிய இயக்கங்கள் மற்றும்
அரசியல் கட்சிகளின் கூட்டமைப்பு சார்பில் பேச்சுவார்த்தைக்கு தயாராக
இருப்பதாக உள்துறை செயலாளரிடம் கடிதம் கொடுத்துள்ளோம். இன்று மாலை 6
மணிக்கு பேச்சுவார்த்தை நடக்க இருக்கும் கூட்டத்தில் எங்கள் தரப்பில் 15
பேர் பங்கேற்கிறோம். அரசு மற்றும் கமல் தரப்பிலும் பங்கேற்கின்றனர்.
இவ்வாறு அவர் கூறினார்.

ஆனால் முடிவில் கமல் நேரில் வந்து பேச்சு வார்த்தையில் கலந்து கொள்ளாதால் இன்று நடக்க இருந்த கூட்டம் தள்ளி போனதாக தெரிகிறது.

Vishwaroopam: Tripartite meet fails to take off
************************************************
The proposed formal tripartite meeting to break the deadlock over the
screening of Kamal Haasan’s ‘Vishwaroopam’ in Tamil Nadu failed to take
off today as Muslim outfits reportedly insisted on the presence of the
actor-filmmaker during the parleys.Some representatives of the outfits,
Chandra Haasan, brother of the actor, and Home Secretary R Rajagopal met
informally earlier in the day to prepare the ground for talks, a day
after Chief Minister Jayalalithaa offered that her government would
broker peace between Muslim groups and Kamal.But there was no sign of
any meeting in the evening nor any official word on it.