உருத்திரகுமாரனின் சகாவிற்கு மகிந்தவின் அரசாங்கத்தில் ஆலோசகர் பதவி!

உருத்திரகுமாரனின் சகாவிற்கு மகிந்தவின் அரசாங்கத்தில் ஆலோசகர் பதவி!


கே.பியால் உருவாக்கப்பட்ட நாடுகடந்த அரசாங்கத்திற்கு தலைமை தாங்கும் விசுவநாதன் உருத்திரகுமாரனின் சகாவான நாகலிங்கம் எதிர்வீரசிங்கத்திற்கு மகிந்த ராஜபக்சவின் அரசாங்கத்தில் ஆலோசகர் பதவி வழங்கப்பட்டுள்ளது.




1952ஆம், 1956ஆம் ஆண்டுகளில் இடம்பெற்ற ஒலிம்பிக் போட்டிகளிலும் 1959ஆம் ஆண்டு நடைபெற்ற ஆசிய விளையாட்டுப் போட்டிகளிலும் இலங்கை அணியின் தடகள வீரராகக் கலந்து கொண்ட எதிர்வீரசிங்கம் பின்னர் அமெரிக்காவிற்கு புலம்பெயர்ந்து அங்கு தமிழீழ விடுதலைப் புலிகளின் ஆதரவாளராக தமிழ் மக்களிடையே வெளிப்பாட்டார்.

கே.பியின் தலைமையில் அனைத்துலக செயலகம் இயங்கிய 1990களில் இவரையும், உருத்திரகுமாரனையும் தமிழீழ விடுதலைப் புலிகளுடனான பின்கதவுத் தொடர்பாளர்களாக அமெரிக்க வெளியுறவுத்துறை அமைச்சு பயன்படுத்தி வந்தது.

15.10.1998 அன்று இலண்டனில் உள்ள அனைத்துலக கற்கை மையம் ஒன்றில் நடைபெற்ற கருத்தரங்கு ஒன்றில் மாமனிதர் குமார் பொன்னம்பலம் அவர்களுடன் இவரும், இவரது சகா உருத்திரகுமாரனும் உரையாற்றியிருந்தனர்.


2002ஆம் ஆண்டு போர்நிறுத்த உடன்படிக்கை கைச்சாத்திடப்பட்ட பின்னர் தனது புதல்வர் அர்ஜுனுடன் வன்னிக்கு சென்ற இவர், தமிழீழ அரசியல்துறையுடன் நெருங்கிய உறவை வளர்த்துக் கொண்டதோடு, தனது மகனை தமிழர் புனர்வாழ்வுக் கழகத்தில் இணைத்துக் கொண்டார்.






சிங்களப் பெண் ஒருவரை மணம்முடித்த இவரது மகன் அர்ஜுன் ஓரிரு மாதங்களில் தமிழர் புனர்வாழ்வுக் கழகத்தின் முக்கிய பிரமுகராக உயர்ந்ததோடு, கொழும்பில் இயங்கிய தமிழர் புனர்வாழ்வுக் கழகத்தின் திட்ட இணைப்பாளராகவும், முகாமையாளராகவும் பதவி வகித்தார்.

regi.jpg

சந்திரிகா குமாரதுங்கவின் ஆலோசகர் ஹரீம் பீரிசுடன் நெருங்கிய தொடர்பைப் பேணி வந்த இவர், 2005ஆம் ஆண்டு கடற்கோளுக்குப் பின்னர் முன்னாள் அமெரிக்க அதிபர் பில் கிளின்ரன் கொழும்பு சென்ற பொழுது அவரை தமிழர் புனர்வாழ்வுக் கழகத்தின் நிறைவேற்றுப் பணிப்பாளராக விளங்கியவரும், தற்பொழுது கே.பி கும்பலின் தலைமைச் செயலகத்தின் அரசியல் பொறுப்பாளராக விளங்குபவருமான கே.பி.ரெஜி சந்தித்த நிகழ்வில் கலந்து கொண்டார்.

arjun.jpg

அத்தோடு தமிழர் புனர்வாழ்வுக் கழகத்திற்கு சந்திரிகா குமாரதுங்க வழங்கிய விருது ஒன்றையும் இவரே பெற்றுக் கொண்டார்.





Arjun%20Ethirveerasingham1.jpg


தமிழர் புனர்வாழ்வுக் கழகத்தின் பல கோடி ரூபா பெறுமதியான சொத்துக்களை 2006ஆம் ஆண்டு சிங்கள அரசு முடக்கிய பொழுது இவரது பொறுப்பிலேயே தமிழர் புனர்வாழ்வுக் கழகத்தின் வங்கிக் கணக்கு இருந்தது.

இதன் பின்னர் இலண்டனை வந்தடைந்த இவர் வெம்பிளி பகுதியில் இயங்கிய கே.பி.ரெஜியின் அலுவலகத்தில் ஊடகத் தொடர்பாளராக பணியாற்றினார்.

arjun3.jpg

தலைமைச் செயலகம், நாடுகடந்த அரசாங்கம் போன்ற அமைப்புக்களை கே.பியுடன் இணைந்து ரெஜி உருவாக்கிய பொழுது அதற்கு இவர் உறுதுணையாக விளங்கினார்.


இது இவ்விதமிருக்க இவரது தந்தை எதிர்வீரசிங்கம் 2010ஆம் ஆண்டு உருவாக்கப்பட்ட உலகத் தமிழர் பேரவையின் தலைவராக சிறிது காலம் பதவி வகித்தார்.

இதன் பின்னர் உலகத் தமிழர் பேரவையிலிருந்து விலகிய இவர், கொழும்பு சென்று மகிந்த ராஜபக்சவை சந்தித்து கலந்துரையாடியிருந்தார்.




Ethirveerasingham2.jpg

கே.பியை போன்று கடந்த சில மாதங்களாக கிளிநொச்சியில் வசித்து வந்த இவரை தற்பொழுது வடக்கு மாகாண சபையின் ஆலோசகராக மகிந்த ராஜபக்ச நியமித்திருப்பது உறுதி செய்யப்பட்டுள்ளது.

இவ்வாரம் யாழ்ப்பாணத்தில் நடைபெற்ற வடக்கு மாகாண சபையின் சந்திப்பு ஒன்றில் இவர் கலந்து கொண்டதை வெளிக்கொணரும் நிழற்படம் சிறீலங்கா அரசாங்கத்தால் வெளியிடப்பட்டுள்ளது.

நீண்ட காலமாக தமிழீழ விடுதலைப் புலிகளின் ஆதரவாளர் போன்று காண்பித்து வன்னியில் உயர்மட்டத் தொடர்புகளைப் பேணிய இவர், நீண்ட காலமாக சிங்கள அரசின் கைக்கூலியாக இயங்கியதையே இவரது செய்கை உணர்த்தி நிற்பதை சங்கதி-24 இணையம் சுட்டிக் காட்டுகின்றது.