வீடுகளில் பெண்களுக்கு கொடுமை : தலைநகர் டெல்லிக்கே முதலிடம்!

வெளியில் மட்டுமல்ல, வீடுகளிலும் தலைநகர் டெல்லியில்தான் பெண்களுக்கு
அதிகக் கொடுமை நடப்பதாக மத்திய உள்துறை அமைச்சகத் தகவல் குறிப்பு
தெரிவிக்கிறது.


மத்திய உள்துறை அமைச்சகக் குறிப்பில் வெளியிட்டுள்ள தகவலின் படி,
நாட்டின் முக்கிய நகரங்களில் பெண்களுக்கு வீடுகளில் பாதுகாப்பு இல்லை
என்பதில் டெல்லியே முதலிடம் வகிக்கிறது. கடந்த 2009 ஆம் ஆண்டு முதல் 2011
ஆம் ஆண்டு வரை, தலைநகர் டெல்லியில் வீடுகளில் பெண்களுக்கு எதிரான
குற்றங்களின் எண்ணிக்கை அதிகரித்துள்ளது.

கடந்த 2009 ஆம் ஆண்டு
பதிவான வழக்குகளின் எண்ணிக்கை ஆயிரத்து 177 என்கிற நிலையில், 2010 ஆம்
ஆண்டில் ஆயிரத்து 123 வழக்குகளாக அதிகரித்துள்ளன. மேலும் 2011 ஆம் ஆண்டில்
ஆயிரத்து 500 வழக்குகள் பதிவாகி உள்ளன.

இது போல 2010 ஆம் ஆண்டு
பதிவான வழக்குகளின் எண்ணிக்கையில் ஹைதராபாத், மும்பை, கொல்கத்தா, பெங்களூரு
ஆகிய நகரங்களில், ஹைதராபாத்தில் மட்டுமே வழக்குகளின் எண்ணிக்கை ஆயிரத்து
200 க்கு மேல் சென்றுள்ளது. மற்ற நகரங்களில் 350 க்குள் என்றாலும்
சென்னையில் மட்டுமே மிகக் குறைந்த எண்ணிக்கையில் வீடுகளில் உறவினர்கள்
மற்றும் கணவன் குடும்பத்தாரின் கொடுமைகள் பற்றிய வழக்கின் எண்ணிக்கை மிகக்
குறைவாக உள்ளது.

கடந்த ஆண்டு சென்னையில் மட்டுமே பதிவான வழக்குகளின்
எண்ணிக்கை 229 மட்டுமே என்கிற தகவல் தமிழகத்துக்கு கொஞ்சம் ஆறுதல்
அளிப்பதாகவே இருக்கிறது. மேற்கண்ட புள்ளி விவரங்களே மத்திய உள்துறை அமைச்சக
தகவல் குறிப்பில் தெரிவிக்கப் பட்டுள்ளது.