பயங்கரவாத பயிற்சி பெற்றவர்களுக்கு காஷ்மீரில் அரசு, நீதித்துறை பணிகள்: திடுக் தகவல் அம்பலம்

ஸ்ரீநகர் : ஜம்மு-காஷ்மீர் மாநிலத்தில் பெரும்பாலும் முன்னாள் ராணுவ
வீரர்களே அரசு உயர் பதவிகளில் பல ஆண்டுகளாக இருந்து வருகின்றனர்.
காஷ்மீரின் நிர்வாகத்துறை அல்லது போலீஸ் துறை சார்ந்த தேர்வுகள் மூலமாகவும்
நீதித்துறை தேர்வுகள் மூலம் மாநிலத்தின் பொதுப்பணித்துறை ஆணையத்தால்
இவர்கள் நியமிக்கப்படுகின்றனர். மத்திய புலனாய்வு பிரிவின் விசாரணை மூலம்
பயங்கரவாதிகளும் தேர்வு செய்யப்பட்டிருப்பது அம்பலமானதால் பிப்ரவரி மாதம்
முதல் நீதித்துறை தேர்வுகள் நிறுத்தப்பட்டன. இருப்பினும் அந்த தேர்விற்காக
விண்ணப்பித்தவர்கள், ஏற்கனவே நீதித்துறை தேர்வுகள் மூலம் பணி நியமனம் பெற்ற
அதிகாரிகளைப் போன்று தங்களுக்கும் மருத்துவ சிகிச்சை உள்ளிட்ட சலுகைகள்
வழங்க கோரிக்கை விடுத்துள்ளனர்.


ஆக்கிரமிப்பு நிரூபணம் :


அரசு
உயர்பதவிகளில் முன்னாள் ராணுவத்தினர் பலர் பொறுப்பு வகிப்பதை ராணுவ
அதிகாரிகள் சிலரே ஒப்புக் கொண்டுள்ளனர். 1996ம் ஆண்டு பயங்கரவாத பயிற்சி
பெற்று பின் ராணுவத்தில் சேர்ந்து வெடிகுண்டு விபத்து ஒன்றில் கைகள்
பாதிக்கப்பட்ட ஒருவர் தற்போது வடக்கு காஷ்மீர் பகுதியில் சிவில் சர்வீஸ்
அதிகாரியாக பணியாற்றி வருவதாக அரசு பணியாற்றும் முன்னாள் ராணுவ வீரர்
ஒருவர் தெரிவித்துள்ளார். இதே போன்று 1999ம் ஆண்டு குழுவில் பணியாற்றியவர்
தற்போது மத்திய காஷ்மீரில் போலீஸ் உயர் அதிகாரியாக பணியாற்றி வருகிறார்.
இதே போன்று நீதித்துறை சார்ந்த பல உயர் பதவிகளில் முன்னாள் ராணுவ வீரர்கள்
பொறுப்பில் உள்ளனர்.


ராணுவ வீரர்களின் அட்டூழியங்கள்:


நீதித்துறை சார்ந்த பணிகளில் பணியாற்றும் முன்னாள் ராணுவ வீரர்கள் சிலர்,
ஸ்ரீநகர் மாநகராட்சியில் பணியாற்றும் பொறியாளர்களை மிரட்டி அவர்களிடம்
இருந்து பணம் பறிப்பதுடன் ஏராளமான தொந்தரவுகளையும் கொடுத்து வருவதாகவும்,
இந்த அதிகாரிகளால் ஏராமானோர் சிறைகளிலும் அடைக்கப்பட்டுள்ளதாகவும் தெரிய
வந்துள்ளது. அதுமட்டுமின்றி பயங்கரவாதிகளுடன் தொடர்பு இருப்பதாக குற்றம்
சாட்டப்பட்ட காஷ்மீர் முன்னாள் முதல்வரும் மத்திய அமைச்சருமான குலாம் நபி
ஆசாத்தின் உறவினர் ஒருவர் தற்போது ஸ்ரீநகர் மாநகராட்சியில் முக்கிய
பொறுப்பில் சுதந்திரமாக பணியாற்றி வருகிறார். இவர்கள் அனைவரும் மத்திய
புலனாய்வு பிரிவின் விசாரணைக்கு முன் பணியில் அமர்த்தப்பட்டவர்கள் ஆவர்.
பயங்கரவாத பயிற்சி பெற்று அதிகாரியாக பணியாற்றும் ஒருவர், 1999ம் ஆண்டு
நடைபெற்ற காஷ்மீர் பொதுப்பணித்துறை தேர்வு எழுதுவதற்கு முன் எல்லை தாண்டி
பாகிஸ்தானிற்கு செல்ல முயன்றதாக கைது செய்யப்பட்டவர் என்பது
குறிப்பிடத்தக்கது.

நீதிபதிகளாக பயங்கரவாதிகள்:


அரசு பணிகளில் மட்டுமின்றி நீதித்துறையின் உயர் பதவிகளிலும் பயங்கரவாத
அமைப்புக்களில் இருந்தவர்கள் பணி நியமனம் பெற்றுள்ள தகவல் அதிர்ச்சி அடைய
வைக்கிறது. அல் ஜெகத் பயங்கரவாத அமைப்பின் முன்னாள் துணை தலைவராக இருந்த
ஒருவர் இந்த ஆண்டு மாவட்ட மற்றும் அமர்வியல் நீதிபதிக்கான தேர்வு எழுதி,
தற்போது நீதிபதியாகவும் பணியாற்றி வருகிறார் என்பது அதிர்ச்சியையும்,
வேதனையையும் ஏற்படுத்தும் தகவலாக உள்ளது. இவரின் நியமனத்திற்கு தேர்வு
எழுதிய மற்றவர்கள் எதிர்ப்பு தெரிவித்துள்ளனர். மேலும் இவரது நியமனத்திற்கு
எதிராக சுப்ரீம் கோர்ட் நீதிபதிகள் பிரிவு சார்பில் இடைக்கால தடை
வழங்கப்பட்டுள்ளது.

விசாரணையின்றி நியமனம்:


இதுபோன்று
பல்வேறு குற்றங்களுக்கு ஆளான அதிகாரிகள் பலர் அடுத்த ஆண்டு பிப்ரவரி மாதம்
ஓய்வு பெற உள்ளது குறிப்பிடத்தக்கது. இதுபோன்று உயர் பதவிகளுக்கு
நியமிக்கப்படுவோர் அவர்களின் ஒழுக்கம், நடத்தை ஆகியன முறையாக
விசாரிக்கப்படாமல் பணியில் நியமிக்கப்பட்டுள்ளது அம்பலத்திற்கு வந்துள்ளது.
இந்த அதிகாரிகளின் சான்றிதழ் சரிபார்ப்பும் பல்வேறு சந்தேகங்களை எழுப்பி
உள்ளது. உயர் அதிகாரிகள் பலரின் நியமனமும் சந்தேகத்தை ஏற்படுத்தி வருவதாக
தெரிவிக்கப்பட்டுள்ளது.