சட்டமன்ற முற்றுகைப் போராட்டம் தொடங்கியது: பல்லாயிரக்கணக்கான மக்கள் பங்கேற்பு! (படங்கள் இணைப்பு)

சட்டமன்ற முற்றுகைப் போராட்டம் தொடங்கியது!

கூடங்குளம் அணு உலை எதிர்ப்பு போராட்டக்காரர்கள் இன்று சட்டமன்றத்தை
முற்றுகையிட திட்டமிட்டிருந்தனர். அதன்படி, முற்றுகைப் போராட்டம் சற்று
முன்னர் தொடங்கியுள்ளது. அணு உலைக்கு எதிராக சென்னையில்
நடைபெற்றுக்கொண்டிருக்கும் சட்டமன்ற முற்றுகைப் போராட்டத்தில் 10000-க்கும்
மேற்பட்ட கட்சி உறுப்பினர்கள் மற்றும் அணு உலையை எதிர்க்கும்
ஆயிரக்கணக்கான மக்கள் போராடிக்கொண்டிருக்கின்றனர்.




ஏற்கனவே அங்கு பாதுகாப்பு பலப்படுத்தப்பட்டு காவல்துறையினர்
குவிக்கப்பட்டுள்ளனர். கட்சித் தலைவர்கள் தற்போது மக்களிடையே
உரையாற்றிக்கொண்டிருக்கின்றனர். போராட்டக்காரர்கள் பதாகையை ஏந்தியும்,
வேண்டுகோள்களை முன்னிறுத்தி ஆர்ப்பாட்டம் செய்து கொண்டும்
முற்றுகையிட்டுள்ளனர்.




மேலும் மக்கள் சென்னையின் பல்வேறு இடங்களில் இருந்து குவிந்தவண்ணம்
இருக்கின்றனர். கூடங்குளம் மற்றும் தமிழகத்தின் பல்வேறு இடங்களில்
இருந்தும் கலந்து கொண்டுள்ளதாக தெரிகிறது. பண்ருட்டி வேல்முருகன்,
திரு.திருமாவளவன், திரு.ஜவஹர்ருல்லா, திரு.மலை சத்தியா, மணியரசன்,
திரு.வைகோ, பழ நெடுமாறன் மற்றும் பல இயக்க தோழர்களும் கலந்துகொண்டுள்ளனர்.
மக்களுடன் மக்களாக பெரும் தலைவர்களும் களப்போராட்டத்தில்
ஈடுபட்டுள்ளதாக அங்கிருக்கும் நமது செய்தியாளர் கூறுகின்றார்.

.



இந்தியாவில் இது போன்ற போராட்டம் இதற்கு முன்னர் நடந்ததே இல்லை எனக் கூறும்
அளவிற்கு போராட்டம் தீவிரமடைந்துள்ளது. முற்றுகைப் போராட்டம் தொடர்பாக
மேலும் பல செய்திகள் வரவிருக்கின்றன. தொடர்ந்து இணைந்திருங்கள்.




போராட்டம் நடக்கும் இடத்தில் எடுக்கப்பட்ட படங்கள்: