ரொக்கபரிசு முதல்வர் வழங்கினார்

தமிழக முதலமைச்சர் ஜெயலலிதா தலைமைச் செயலகத்தில், கால்கள் பாதிக்கப்பட்ட மாற்றுத் திறனாளி மாணவ, மாணவிகள் மற்றும் சுயதொழில் புரிவோர்களுக்கு விலையில்லா இணைப்புச் சக்கரங்கள் பொருத்தப்பட்ட பெட்ரோல் ஸ்கூட்டர்கள் வழங்கினார்.
.
மேலும், அரசு மற்றும் அரசு உதவி பெறும் சிறப்புப் பள்ளிகளில் தமிழை பயிற்றுமொழியாக கொண்டு 20112012ஆம் கல்வியாண்டில் 10 மற்றும் 12ஆம் வகுப்பு அரசு பொதுத் தேர்வுகளில் மாநில அளவில் முதல் மூன்று இடங்களைப் பெற்ற மாணவ, மாணவிகளுக்கு ரொக்கப்பரிசுகள் வழங்கி அவர்களைப் பாராட்டினார்.இது தொடர்பாக தமிழக அரசு வெளியிட்டுள்ள செய்திக் குறிப்பில் கூறியுள்ளதாவது:

தமிழக முதலமைச்சர் ஜெயலலிதா மாற்றுத் திறனாளிகள் நலத்துறை மூலம் செயல்படுத்தப்படும் திட்டங்களை ஆய்வு செய்த போது கால்கள் பாதிக்கப்பட்ட மாற்றுத் திறனாளி மாணவ, மாணவிகள் மற்றும் சுயதொழில்புரிவோர், வீட்டிலிருந்து எளிதில் கல்வி நிலையங்களுக்கும், பணிபுரியும் இடங்களுக்கும் சென்று வர அவர்களுக்கு ஏற்கனவே வழங்கப்பட்டு வந்த பேட்டரியால் இயங்கும் இணைப்புச் சக்கரங்கள் பொருத்தப்பட்ட மூன்று சக்கர மோட்டார் வாகனங்களுக்கு மாற்றாக பெட்ரோலில் இயங்கும் இணைப்புச் சக்கரங்கள் பொருத்தப்பட்ட விலையில்லா மோட்டார் வண்டிகள் வழங்க உத்தரவிட்டிருந்தார்.

இதற்கென 2 கோடி ரூபாய் நிதி ஒதுக்கீடு செய்து ஆணை யிட்டார்கள். அதன்படி, கால்கள் பாதிக்கப்பட்ட மாற்றுத் திறனாளி மாணவ, மாணவிகள் மற்றும் சுயதொழில் புரியும் 61 மாற்றுத் திறனாளிகளுக்கு பெட்ரோலில் இயங்கும் இணைப்புச் சக்கரங்கள் பொருத்தப்பட்ட ஸ்கூட்டர்களை தமிழக முதல்வர் ஜெயலலிதா தலைமைச் செயலகத்தில் வழங்கினார்.

2011 2012 ஆம் கல்வியாண்டில் தமிழை மொழிப்பாடமாகக் கொண்டு பயின்று அரசு பொதுத் தேர்வுகளில் மாநில அளவில் முதல் மூன்று இடங்களைப் பெற்ற மாற்று திறனாளி மாணவ, மாணவிகளுக்கு பரிசுத் தொகைகளை தமிழக முதலமைச்சர் ஜெயலலிதா வழங்கினார்.

காது கேளாத மாற்றுத் திறனாளி மாணவ, மாணவியரில் 12ஆம் வகுப்பு அரசு பொதுத் தேர்வுகளில் மாநில அளவில் முதல் இடம் பெற்ற மாணவன் னு. ரஞ்சித்திற்கு 50 ஆயிரம் ரூபாய் ரொக்கப் பரிசும், இரண்டாம் இடம் பெற்ற மாணவன் சு. கௌதமிற்கு 30 ஆயிரம் ரூபாய் ரொக்கப் பரிசும், மூன்றாம் இடம் பெற்ற மாணவி மு. நந்தினிக்கு 20 ஆயிரம் ரூபாய் ரொக்கப் பரிசும் மற்றும் பார்வையற்ற மாற்றுத் திறனாளி மாணவ, மாணவியரில் 12ஆம் வகுப்பு அரசு பொது தேர்வுகளில் மாநில அளவில் முதல் இடம் பெற்ற மாணவி மு. ஸ்ருதிக்கு 50 ஆயிரம் ரூபாய் ரொக்கப் பரிசும், இரண்டாம் இடம் பெற்ற மாணவன் டு. ராம்பிரசாதிற்கு 30 ஆயிரம் ரூபாய் ரொக்கப் பரிசும், மூன்றாம் இடம் பெற்ற மாணவன் ஏ. முத்து சரவணனுக்கு 20 ஆயிரம் ரூபாய் ரொக்கப் பரிசு ஆகியவற்றை தமிழக முதல்வர் ஜெயலலிதா தலைமைச் செயலகத்தில் வழங்கினார்.

தொடரட்டும்