இத்தாலி நகரசபையில் தமிழீழத் தேசியக் கொடி! ஏகமனதாக ஏற்றுக் கொள்ளப்பட்டது!!

ஈழத் தமிழ் மக்களின் சுயநிர்ணய உரிமையையும், தமிழீழத் தேசியக்
கொடியையும் ஏகமனதாக ஏற்றுக் கொண்டு இத்தாலி நகரசபையில் தீர்மானம்
எடுக்கப்பட்டுள்ளது.

அத்துடன் இத்தாலி ஈழத்தமிழர் மக்களவை, தமிழீழத் தேசியக் கொடியை
அங்கீகரித்து நகரசபையில் வைத்திருக்க வேண்டும் என்று மேஜரை கேட்ட போது
அதனையும் அனைத்துக் கட்சியினரும் ஏக மனதாக ஏற்றுக் கொண்டனர்.

26-03-2012 அன்று இத்தாலி தமிழ் தேசிய அமைப்புக்களினுடைய
பிரதிநிகளுக்கும் வியல்லா மாநகரத்தில் உள்ள திறிவேரோ நகரசபை அனைத்துக்கட்சி
பிரதிநிதிகளுக்கும் இடையில் நடந்த கலந்துரையாடலில் இத்தாலி ஈழத்தமிழர்
மக்களவை, தமிழ் இளையோர் அமைப்பினரினால் தயாரிக்கப்பட்ட தமிழ் இனப்படுகொலையை
வெளிப்படுத்தும் காணொளி காண்பிக்கப்பட்டு தாயக மக்களுடைய இன்றைய நிலை
தொடர்பாகவும் எமது இனத்துக்கு சிங்கள அரசுகளால் நடாத்தப்படும் கொடுமைகள்
நிறுத்தப்பட்டு சர்வதேசத்தால் இதற்கு நீதி வழங்கி சுயநிர்ணய உரிமையுடன்
கூடிய நிரந்தர அரசியல் தீர்வு வேண்டும் என்றும் கேட்டிருந்தோம்.

அதன் போது உரையாற்றிய மேஜர் திரு.மஸ்சிமோ வியசேத்தி அவர்கள்,

நீண்டகாலமாக திரிவேரோ நகரத்தில் மிகவும் ஒழுக்கமாக சமூகமாக வாழும்
உங்களுக்கு இனப்பிரச்சனை உண்டு என்பது தெரியும் ஆனால் இவ்வாறான கொடுமை
நடந்ததென்பது இன்றுதான் அறிய முடிந்ததை என்ணி கவலையடைகிறேன் என்று கூறி
இனியும் இவ்வாறான கொடுமைகள் தொடர்வதை அனுமதிக்க முடியாது என்றும்
தங்களினுடைய அரசியல் பலம் சிறியது என்றாலும் அதனூடாக செய்யக்கூடிய
முயற்சிகளை செய்வதாக கூறினார். அதற்கு அனைத்து கட்சிகளும் ஏகமனதாக
ஏற்றுக்கொண்டன.

தொடர்ந்து உரையாற்றிய லேகா நோட் கட்சியைச்சேர்ந்த திரு சில்வானோ
அவர்கள், திறிவேரோ நகரசபை உரிமைகள் மறுக்கப்பட்ட இனங்களிற்கு ஆதரவாக
இருப்பதாகவும் அவர்களுடைய தேசியக்கொடிகளை நகரசபை ஏற்றுக்கொண்டிருப்பதாகவும்
(உதாரணம் தீபெத்) அந்த வகையில் தமிழீழத் தேசியக் கொடியையும் அங்கீகரித்து
நகரசபையில் வைத்திருக்க வேண்டும் என்று மேஜரை கேட்ட போது அதனையும்
அனைத்துக் கட்சியினரும் ஏக மனதாக ஏற்றுக் கொண்டனர்.

20-05-2012 அன்று திறிவேரோவில் நடந்த முள்ளிவாய்கால் நிகழ்வில் கலந்து
கொண்ட துணை மேஜர் திரு மாரியோ அவர்களும் லேகா நோட் கட்சியை சேர்ந்த திரு
சில்வானோ அவர்களும் எமது தமிழீழ தேசியக் கொடியினை உத்தியோக பூர்வமாக
பியமொந்தே மக்களவை பிரதிநிதி அவர்களிடம் பெற்றுக் கொண்ட நிகழ்வானது
பல்லாயிரக்கணக்கான எமது மாவீரச்செல்வங்களின் அளப்பரிய தியாகத்தினாலும்
சொல்ல முடியாத துன்பங்களை சுமந்து எமது விடுதலைக்காக தங்களை இழந்து
பணிசெய்த மக்களுடைய அர்ப்பணிப்புக்கு கிடைத்த வெற்றியாகும். தமிழர்களின்
வீரத்தை மீண்டும் உலகறியச்செய்த எங்கள் தேசியத் தலைவர் எம்மினத்துக்கு
கிடைத்த பெருங்கொடையாகும்;. தமிழ் மக்கள் வாழும் ஒவ்வொரு பிரதேசமும்
ஒவ்வொரு நாடும் எமது தேசியக்கொடியை உலகெல்லாம் பறக்கச் செய்வதும் எமது
வரலாற்றுக் கடமைகளில் ஒன்றாகும். இந்நிகழ்வில் கலந்து கொண்ட மக்கள் மிகவும்
உணர்வு பூர்வமாக கரகோசமிட்டு மகிழ்தனர்.