முழுவதும் சூரியஒளி மின்சாரத்தில் தேனியில் செயல்படும் அலுவலகம்

தேனி : தேனியில் அலுவலகம் ஒன்று முழுக்கமுழுக்க சூரிய ஒளியில் இருந்து
பெறப்படும் மின்சாரம் மூலம் செயல்படுகிறது.தேனி என்.ஆர்.டி.நகரை சேர்ந்த
பேராசிரியர் பழனியப்பன். இவர் பவர் ஹவுஸ் தெருவில் "பிளாண்டர்ஸ் எனர்ஜி
நெட் ஒர்க்' என்ற அலுவலகத்தை நடத்தி வருகிறார். இந்த அலுவலகம் முழுக்க
சூரிய ஒளியில் இருந்து பெறப்படும் மின்சாரம் மூலம் செயல்படுகிறது. இதற்காக 2
கிலோ வாட் மின்சாரம் எடுக்கும் அளவுக்கு "சோலார் பேனல்' அமைத்து உள்ளார்.
இதன் மூலம் 10 டியூப் லைட், ஆறு பேன், எட்டு கம்ப்யூட்டர், இரண்டு
லேப்டாப், மூன்று பிரிண்டர் போன்றவை இயங்குகிறது. நேற்று இந்த சூரிய கலன்
இயக்கத்தை எஸ்.பி., பிரவீண்குமார் அபினபு தொடங்கி வைத்தார்.

பேராசிரியர் பழனியப்பன் கூறுகையில், ""ஒருமுறை சூரியஒளியில் மின்சாரம்
பெறும் "சோலார் பேனல்' அமைத்து விட்டால் 25 ஆண்டுகளுக்கு தடையின்றி
மின்சாரம் கிடைக்கும். தினமும் 3 யூனிட் மின்சாரம் செலவிடும் வீடுகளுக்கு
500 வாட் திறன் கொண்ட ஒரு யூனிட் சோலார் பேனல் போதும். ஐந்து கிலோ வாட்
அமைத்துக் கொண்டால், ஏ.சி., மிக்ஸி, கிரைண்டர் என அனைத்தையும் இயக்க
முடியும்.

பகல் நேரங்களில் சூரியஒளி மின்சாரத்தை நேரடியாக பயன்படுத்திக் கொண்டு
இரவில் பேட்டரியில் சேமித்து பயன்படுத்திக் கொள்ளலாம். ஒரு கிலோவாட்
"சோலார் பேனல்' அமைக்க அரசு மத்திய அரசு 81 ஆயிரம் ரூபாய் மானியம்
வழங்குகிறது. மாநில அரசும் மானியம் வழங்க உள்ளதாக அறிவித்துள்ளது. மைனஸ் 35
டிகிரி வெப்ப நிலையிலும் மின்சாரம் பெற முடியும். மழை விழுந்தாலும்
பாதிப்பு இல்லை. கூடுதல் விவரங்களுக்கு 04546-255272 என்ற எண்ணில் தொடர்பு
கொள்ளலாம்,'என்றார்.

இது போல் அனைவரும் பயன் படுத்தினால் உலகத்திற்கு நல்லது