ஓட்டுக்கு துப்பாக்கி ‌லைசென்ஸ்: உ.பி. அமைச்சர் வாக்குறுதி

அலகாபாத்: எனக்கு வாக்களித்து வெற்றி பெற செய்தால், அனைவருக்கும்
துப்பாக்கி லைசென்ஸ் வழங்குவேன் என உத்திரபிரதேச மாநில அமைச்சர் ஒருவர்
‌தேர்தலில் பிரசாரத்தின் போது வாக்குறுதி அளித்து பேசி வருகிறார்.
உபி.யில்
முதல்வர் மாயாவதி அரசில் ‌லோக்ஆயுக்தா விவகாரத்தினால் ஊழல் அமைச்சர்கள்
அடுத்தடுத்து நீக்கம் செய்யப்பட்டு வரும் நிலையில், அவரது அமைச்சரவையில்
சமூக நலத்துறை அமைச்சராக இருப்பவர் இந்திரஜித் சரோஜ். இவர் தான் தற்போது
மாநிலம் முழுவதும் தனது பகுஜன் சமாஜ் கட்சி சார்பில் மேடைக்கு மேடை ஏறி
பொதுக்கூட்டத்தில் தேர்தல் வாக்குறுதியாக இப்படி ஒரு வாக்குறுதியை
வெளியிட்டு பரபரப்பினை ஏற்படுத்தி வருகிறார்.
உ.பி.யில் விரைவில்
சட்டமன்ற தேர்தல் ஏழு கட்டங்களாக நடக்கவுள்ளது. அம்மாநில முதல்வரான
மாயாவதி, சிறுபான்மையினர், தலித் என பல்வேறு அமைப்புகளுக்கு சலுகைகள்
வழங்கி மீண்டும் ஆட்சியை தக்க வைக்க பல்வேறு யூகங்களை வகுத்து வருகிறார்.
இதன் உச்சமாக, உபி.யை நான்காக பிரித்து சட்டமன்றத்தில் தீர்மானம்
நிறைவேற்றி அதனை, எதிர்க்கட்சியினர் எதிர்க்கவும் முடியாமல் ஆதரிக்கவும்
முடியாமல் திணறடித்துள்ளார்.

இந்நிலையில், அவரது அமைச்சரவையில்
சமூகநலத்துறை அமைச்சராக இருக்கும் இந்திரஜித் சரோஜ் என்பவர் கட்சியின்
செல்வாக்குமிக்கவர் எனவும், மாயாவதிக்கு அடுத்து நம்பர் 4 என
அழைக்கப்படுகிறார்..தேர்தலையொட்டி மாநிலத்தின் நடக்கும் ஒவ்வொரு கட்சி
‌பொதுக்கூட்டத்திலும்,தேர்தல் வாக்குறுதியாக, துப்பாக்கி ‌லைசென்ஸ்
வழங்குவேன் கூறிவருகிறார். இது குறித்து அவர் கூறுகையில், கடந்த 5
ஆண்டுகளி்ல் நான் அமைச்சராக இருந்து பலருக்கும் துப்பாக்கி லைசென்ஸ்
பெற்று தந்துள்ளேன். கடந்த ஒரு வருடத்தில் ஆயிரம் பேர் துப்பாக்கி லைசென்ஸ்
பெற்றனர். 5000 பேர் லைசென்ஸ் கேட்டு விண்ணப்பித்துள்ளனர். எனவே
இத்தேர்தலில் பகுஜன்சமாஜ் வெற்றி பெற்று ஆட்சி அமைத்தால், அனைவருக்கும்
துப்பாக்கி லைசென்ஸ் உறுதி. இது எனது தேர்தல் வாக்குறுதியாக
வாக்காளர்களுக்கு அளிக்கிறேன் . இவ்வாறு கூறினார்.


இந்நிலையில்
உ.பி.யில் மாநில குற்றஆவணத்தில் , கடந்த ஒரு வருடத்தில் 45 கொலை
சம்பவங்கள், 110 ‌கூட்டு கொள்ளை சம்பவங்கள், 30 கற்பழிப்புகள், 6 கடத்தல்
சம்பவங்கள் நடந்துள்ளதாக புள்ளிவிபரம் ஒன்று தெரிவிக்கிறது. மேலும்
துப்பாக்கி லைசென்ஸ் பெறும் நபர் மாதம் ரூ. 10 ஆயிரத்திலிருந்து 25 ஆயிரம்
வரை வருமானம் பெறுபவராக இருக்க வேண்டும் என்பது விதி, அப்படியிருக்கையில்,
ஒரு சாதாரண விவசாயியிடம் இவர் எப்படி இந்த வாக்குறுதி கொடுத்து
ஓட்டுக்கேட்பார் ‌என அம்மாநில அரசியல் நிலவரம் அறி்ந்தவர்கள்
கேள்வியெழுப்புகின்னறனர்.
அமைச்சரின் இந்த அறிவிப்பு, தவறான வாக்குறுதி
எனவும், தேர்தல் நன்னடத்தை மீறிய செயல் எனவும் தெரியவந்தால், இவருக்கு
நோட்டீஸ் அனுப்பி விளக்கம் கேட்கப்படும் என மாவட்ட மாஜிஸ்திரேட் கெளஸ்ஸாமி
அதுல்குமார் கூறினார்.
அமைச்சர் இந்திரஜித் சரோஜ், முதல்வர் மாயாவதியின்
தலைமையிலான பகுஜன்சமாஜ் கட்சியில் ‌நம்பர் 4 ஆவார். கடந்த 1993-ம் ஆண்டு
அரசிலில் நுழைந்த இவர் 1996-ம் ஆண்டு நடந்த சட்டமன்ற தேர்தலில்
மஞ்சகான்பூர் தொகுதியிலிருந்து ‌எம்.எல்.ஏ.வாக தேர்வு பெற்றார். கடந்த
1993-ல் தனது கட்சியைச் சேர்ந்த ராம்லால் ரோஹி என்பவரை கொலை செய்ததாக
வழக்கு உள்ளது.