இது உண்மை, அது உண்மையல்ல.

இது உண்மை, அது உண்மையல்ல.

உள்ளதைச் சொல்வேன் சொன்னதை செய்வேன் வேறொன்றும் தெரியாது.
உள்ளத்தில் இருப்பதை வார்த்தையால் மறைக்கும் கபடம் தெரியாது.

What is true for one person is probably not true for another person.

நாம் பலவற்றை படிப்போம்,பார்ப்போம்,கேட்போம். அவற்றில் பல உண்மை போல் தெரியும், ஆனால் உண்மையாக இருப்பதில்லை.ஒரு சாமியார் கோயில்களில் செய்யும் பல, உண்மை போல் தெரியும்,ஆனால் அவை உண்மையல்ல, ஏமாற்றுக்கள்.ஒரு மாஜிக் நிபுணர் வித்தை காட்டுவார்,உண்மை போல் தெரியும் ஆனால் உண்மையல்ல தந்திரம். ஏமாறுவோம்.ஜோதிடர் வாய்ஜாலம் செய்து நம்மை நம்ப வைப்பார்,ஆனால் அத்தனையும் உண்மையல்ல .
கங்க்ராசுலேஷன்ஸ்! 999,999 வது நபர் நீங்கள் என இணயத்தில் வரும்; அமெரிக்கன் க்ரீன் காட் உங்களுக்குத் தான் என்று சொல்லி அடுத்த பக்கத்துக்கு கூட்டி செல்வார்கள்,முகவரி தொலைபேசி இலக்கம் அனைத்தும் தருவார்கள்,ஆனால் இவை அனைத்தும் உண்மை போல் தெரியும்,ஆனால் உண்மையல்ல.

கி.பி.208 ல் இருந்து ஒக்டோபர் 2011 வரை, சிசிலி நாட்டில் ஒரு பெண் ஒரே இடத்தில் சட்டவிரோதமாக தன் வாகனத்தை நிறுத்தி வருகிறார், என்று அந்த நாட்டு போலீஸ்காரர் ஒருவர் வழக்கு பதிவு செய்தார்.அவருக்கு 32,000 யூரோ (44,500 டாலர்) தண்டப்பணமாக,(2000 ஆண்டுகளுக்கான) செலுத்த உத்தரவிடப்பட்டது.அது உண்மை,ஆனால் 208 ல் கார் வந்துவிட்டதா? 2008 என்பதை தவறுதலாக 208 என்று எழுதி விட்டார்.பின்னர் போலீஸ்காரர் தவறுக்காக மன்னிப்புக் கோரி 102 யூரோ மட்டுமே கட்ட உத்தரவிடப்பட்டது.2008 என்பது உண்மை,208 உண்மையல்ல.

இணையத்தளம் மூலம் நடந்து வரும் திருமணங்கள் பற்றி எத்தனை எடுத்து சொன்னாலும் எவரும் கண்டு கொள்வதில்லை இது உண்மை. இணையத்தள திருமண மோசடியில் ஈடுபட்ட ஒரு தம்பதியினர் சென்னையில் போலீசாரால் கைது செய்யப்பட்டுள்ளார்கள்.இதுவும் உண்மை தான்.
இணையத்தள ஏமாற்று பற்றிய எனது கட்டுரையில் வெளிநாட்டு மருந்து நிறுவனங்கள் ,ஏழை நாடுகளில் தங்கள் தயாரிப்புக்களை பரீட்சிக்கிறார்கள் என எழுதி இருந்தேன்.சில தினங்களுக்கு முன் இந்தியாவில் பரீட்சிக்கப்பட்டு பரிதாபமான முறையில் இறப்புக்கும்,பாதிப்பிற்கும் உள்ளானவர்கள் பற்றி செய்திகள்,பட்டியலிட்டு வந்துள்ளன. இந்த மருந்துக்கள் எல்லாம் இந்திய மருந்துக் கட்டுப்பாட்டு மையத்தின் அனுமதி பெற்றதாக கூறப்படுவது உண்மையா அல்லது லஞ்சமா?அப்பாவி ஏழைகளின் வாழ்வில் விளையாடும் இவர்களுக்கு, பண ஆசை பிடித்த மருத்துவர்களும் மருத்துவ நிலையங்களும் உடந்தையா? பணத்தை காட்டி ஏழைகளை வைத்து பரிசோதிக்கிறார்களே.இந்தியா,மலேசியா,ஆபிரிக்க நாடுகள் மட்டுமல்ல தமிழ்நாட்டிலும் இந்த மருந்துக் கம்பனிகள் பரீட்சை மருந்துக்களை, probe, பாவனைக்கு விட்டுள்ளனர்.AMA,WHO இந்தியாவிலும்,வேறு சில நாடுகளிலும் ஆயிரக்கணக்கில் இறந்துள்ளதையும் பாதிக்கப்பட்டதையும் வெளியிட்டுள்ளது.அமெரிக்கா போன்ற மற்றைய நாடுகளில் பரீட்சித்தோம் என்பது உண்மையல்ல,ஏழை நாடுகளில் மட்டுமே பரீட்சிக்கிறார்கள் என்பதே உண்மை. அரசு தடுக்கவோ அல்லது தடை செய்யவோ முன் வராதது ஏன்?ஏழைகளின் உயிர் எலியை விட மலிவானதா?

ஜப்பான் ,இத்தாலி,ஜேர்மனி போன்ற நாடுகள் அணு உலைகளை மூட ஆரம்பித்து விட்டன. ஆனால் ,உலகம் முழுவதாலும்,ரஷ்ய உலைகளே பாதுகாப்பற்றவை என ஏற்றுக் கொள்ளப்பட்ட போதிலும்,திருநெல்வேலிக்கு மட்டுமல்ல தமிழ்நாட்டிற்கும், ஈழத்தின் வட பகுதிக்கும் பாதிப்பை தரக்கூடிய, கூடங்குளம் உலை பாதுகாப்பானது என அச்சம் களைவதற்கு,பணம் கொடுக்கப்பட்ட வல்லுனர்கள் மத்திய அரசால் அனுப்பப் பட்டுள்ளனர்.பாதுகாப்பற்றவை என்பது உண்மை,மத்திய அரச வல்லுனர்கள் சொல்வது உண்மையல்ல.

தமிழக முதல்வர் ஜெயலலிதா, தேர்தல் முடிந்ததும் பலவற்றை சொன்னார்.அனைத்தும் உண்மை போல் தெரிந்தது.நம்பினோம்,சீமான் போன்றவர்கள் அவரின் குணம் தெரியாது பாராட்டுக் கூட்டங்கள் கூட நடத்தினார்கள்..ஆனால் அவை அனைத்தும் உண்மையல்ல. மிகக் குறுகிய காலத்தில் அவர் பெற்றுக் கொண்ட கரும்புள்ளிகள், சட்டசபை கட்டிட மாற்றம்,சமசீர்க்கல்வியில் தலையீடு, ராஜீவ் குற்றவாளிகள் விஷயத்தில் தமிழர்களை ஏமாற்றியது,அண்ணா நூலகத்தை மாற்ற முடிவு செய்தது,அரசியல் பழிவாங்கல், சொத்துசேர்ப்பு வழக்கில் வடிவேல் சொல்வது போல் சிறுபிள்ளைத்தனம்,இன்னும் எத்தனை வரப் போகிறதோ...?அவர் மாறவே இல்லை.மாறவும் மாட்டார்.அவரின் செயல்கள் உண்மை,சொன்னது சொல்வது உண்மையல்ல.
சீமானை அமெரிக்காவிற்குள் நுழைய விடாது தடுத்தது உண்மை,அமெரிக்காவின் போலித்தனம் உண்மை,தமிழர்கள் மீது அமெரிக்க காட்டும் கரிசனை உண்மையல்ல.

சிங்களம் எல்லாப் படுகொலைகளையும் செய்து விட்டு,விடுதலைப் புலிகள் மீது சுமத்தி பயங்கரவாதிகள் என்று உலகுக்கு காட்டியது.உலகம் நம்பி ஏமாந்தது.இரண்டு இலட்சம் மக்கள் படுகொலையில் முடிந்தது.ராஜபக்சே உருக்கமாக,தமிழ்மக்களின் நண்பராக தன்னைக் காட்டுகிறார்.அவர் நடிப்பை உலகமே ஏன் சில தமிழர்கள் கூட நம்புகிறார்கள். அவை உண்மையல்ல.பச்சையாக தெரியும் அக்கரை,ஏமாற்றும் கானல் நீர்.
ஏமாறுவது தமிழனின் எழுதப்பட்ட விதியா இல்லை எழுதப்படாத சதியா?

தர்மத்தின் வாழ்வதனை சூது கவ்வும்
தர்மம் மறுபடி வெல்லும் எனு மியற்கை
மருமத்தை நம்மாலே உலகம் கற்கும்........................பாரதியார்.

சரித்திரத்தில் நாம் கண்ட சில உண்மைகள்,ஆனால் அவை உண்மையல்ல.

இராமாயணம் மகாபாரதம் பற்றி சரித்திர ஆய்வாளர்கள் சொல்வது உண்மை.அந்த இதிகாசங்களில் இருப்பவை உண்மையல்ல.

மின்விளக்கை முதலில் கண்டு பிடித்தது யார் என்றால் உடனே தோமஸ் அல்வா எடிசன் என்று பதில் வரும்.ஆனால் முதலில் யார் கண்டு பிடித்தார்? 1880 ளில் எடிசன் கண்டு பிடிப்பதற்கு முன் பிரித்தானிய இராசயணவியலாளர் வாரேன் (Warren de la Rue ) 1840 ல் மின்விளக்கை கண்டு பிடித்து விட்டார்.பிளாட்டினம் கம்பி சுருளை காற்றில்லாத குழாயில் செலுத்தி பல்பை எரிய வைத்தார்.ஆனாலும் முதலில் கண்டு பிடிக்கப்பட்டவை அவ்வளவாக செயல்படவில்லை என்று கருதப்படுகிறது.இதைவிட லண்டனை சேர்ந்த ஹம்ரி டேவி (Sir Hamphry Davy)கார்பன் சுருள்களில் இருந்து தயாரித்தார்.இவையெல்லாம் பின்னர் மெருகேற்றப்பட்டது என்று சொல்லப்படுகிறது.

பிரான்ஸ் இராணி மேரி அந்தோனேட்டே (Marie Antoinette) மக்களுக்கு உணவில்லா(bread) விட்டால் கேக் சாப்பிடட்டும்(let them eat cake) என்று சொன்னதாக கேள்விப்பட்டிருப்போம்.ஆனால் பல வருடங்களுக்கு முன்னர் Confessions ல் Jean Jacques Rouseau,1766 ல் எழுதிய சிலவற்றை தங்களுக்கு ஏற்ப மாற்றி,அவர் எழுதிய போது மேரி யின் வயது 11 ஆகும், அரசியல் எதிரிகள் மக்களிடம் தவறாக பரப்பியதன் விளைவு, பின் அவரும் அவர் கணவனும் கொலை செய்யப்பட்டார்கள்.உண்மையில் அந்த இராணி, அவர் ஆட்சிக் காலத்தில் சொன்னது, தரம் குறைந்த மலிவான பிரெட்டை(bread) பேக்கரி உரிமையாளர்கள் செய்து விற்பனை செய்வதை சுட்டிக் காட்டி,தரமான உயர்த்த ரக பிரெட்டை செய்யலாம்,சாப்பிடலாம் என்பது தான்.
let them eat broiche(feiner bread)

ரோம் எரியும் போது, ஆறு நாட்களும் ஏழு இரவுகளும், நேரோ மன்னன் அதைக் கண்டு கொள்ளாது பிடில் வாசித்தான் என்று இப்போதும் பேசி வருகிறோம்.என்ன நடந்தது?இந்த பிடில் அப்போது கண்டு பிடிக்கப்படவே இல்லை. அப்போது பிரபலமாக இருந்த சரித்திர ஆசிரியர்,கொர்னேலியுஸ் தாசிருஸ் தனது குறிப்பில்,நீரோ தனது வழமையான இடத்தில்(Antium என்ற இடத்தில் உள்ள தனது வீட்டில்) இருந்தார் என்றும்,இயேசுவுக்கு தண்டனை வழங்கிய,பொந்தியுஸ் பிளாட்டே பற்றிய நீரோவின் கருத்தை ஏற்றுக் கொள்ளாத கிறிஸ்தவர்களும், அரசியல் எதிரிகளும் அனைத்தையும் மறைத்து நேரோவிற்கு எதிராக மக்களை திருப்பியதன் விளைவே இதுவாகும் என்று குறிப்பிட்டுள்ளார்.தீ பற்றி அறிந்ததும்,நீரோ உடனே ரோமிற்கு சென்று, தன் சொந்த செலவில் தீயை அணைக்க ஏற்பாடு செய்யததும், உணவு ஏற்பாடுகள்,வீடு இழந்தவர்களை தன் மாளிகையில் தங்க ஏற்பாடு செய்ததும்,பின்னர் வீடுகள் தெருக்கள்,புதிய நகரையும் அமைத்து,தனக்கென புதிய மாளிகையையும்,Domus Aurea, அமைத்தான் என்பதாகும். உதவி பெற்ற மக்களும் மறந்தார்களே!

அவுஸ்திரேலியாவை கண்டு பிடித்தது கப்டன் குக் என்கிறார்கள். ஆனால் அவருக்கு முன்னரே,ஒல்லாந்தை சேர்ந்த Abel Tasman,Dirk Hartog,Wiliam Dampier அங்கு சென்று விட்டனர். குக் அவுஸ்திரேலியாவின் வேறொரு பகுதிக்கு சென்றிருந்தார் என்பதே உண்மை.

அமெரிக்கா சுதந்திரம் அடைந்தது எப்போது,யார் முதல் ஜனாதிபதி?

உடனே வருவது 4 ஜூலை 1776 ஜார்ஜ் வாஷிங்டன் என்பது பதிலாக வரும். உண்மை என்ன?
அமெரிக்காவில், 04.07.1776 ல், 13 பிரிட்டிஷ் காலணிகள் ஒன்று சேர்ந்து, தன்னிச்சையாக சுதந்திரப் பிரகடனம் செய்தது.அந்த காலத்தை,1775 – 1783,American Revolutionary war என்று சொல்லப்பட்டது. ஆங்காங்கே நடைபெற்ற போர்,பிரிட்டனின் தடைகள் காரணமாக அந்த சுதந்திர பிரகடனம்,பிரிட்டனால் பின் தள்ளப்பட்டு , 1983 செப்டெம்பர் மாதம் 3 ல் பிரிட்டனின் மூன்றாவது ஜார்ஜ் ற்கும் அமெரிக்க தலைவர்களுக்கும் இடையில் சுதந்திரப் பிரகடனம் கைச்சாத்தானது. வாஷிங்டன் 30.04.1789 ல் ஜனாதிபதியாக பதவி ஏற்றார். அப்படியானால் 1776 முதல் 1789 வரை ஜனாதிபதியாக யார் இருந்தார்கள்?
அமெரிக்க continental congress ஆல், முதல் ஜனாதிபதியாக பைடோன் ரண்டோல்ப்,Peyton Randolph,தெரிவு செய்யப்பட்டார்.அதன் பின் 14 தலைவர்கள் மாறி ஜார்ஜ் வாஷிங்டன் சுயேச்சையாக போட்டியிட்டு வெற்றி பெற்று அமெரிக்காவின் 15 வது ஜனாதிபதியாக 1789 ல் தெரிவு செய்யப்பட்டார்.
இவை போல் பல நிகழ்சிகள்,சம்பவங்கள்,சரித்திரங்கள்........................
உண்மை போல் இருக்கும் உண்மைகளை(பொய்களை)பிரித்தறியா விட்டால்,அதற்குள் நாமும் ஒரு நாள் மூழ்கி விடுவோம். அதனால் தான் அடிக்க அடிக்க அம்மியும் நகரும் என்றார்களா?தொடர்ந்து சொல்லும் பொய்கள் ஒரு நாள் உண்மையாகி விடும்.

மீண்டும் அடுத்த வாரம்.................................சக்தி

நன்றிகள்