இரவில் கணவன்-மனைவி உறவை ரசித்து பார்ப்பேன் : அதிரடி வாக்குமூலம்

by **piraba** Sat Aug 06, 2011 6:34 am

பொன்னேரி
அருகே உள்ள பரிக்குப்பட்டு கிராமத்தைச் சேர்ந்தவர் மோகன் (45) விவசாயி.
இவர் கடந்த 3-ந் தேதி வீட்டின் அருகே உள்ள மோட்டார் பம்புசெட் பகுதியில்
தலையில் பலத்த காயத்துடன் கழுத்தை மின் வயரால் இறுக்கிய நிலையில் கொலை
செய்யப்பட்டு கிடந்தார். இது குறித்து பொன்னேரி இன்ஸ்பெக்டர் வெங்கடேசன்
வழக்குப்பதிவு செய்து விசாரணை நடத்தி வந்தார்.

இந்த
நிலையில் பரிக்குப் பட்டு காலனியை சேர்ந்த சுதாகர் (32) என்பவர் கொலை
நடந்த நாளில் இருந்து தலைமறைவாக இருந்தது தெரிந்தது. இதனால் அவர் மீது
போலீசாருக்கு சந்தேகம் வலுத்தது. அவரை ஏரியில் பதுங்கி இருந்த போது
போலீசார் பிடித்தனர். விசாரணையில் சுதாகர் மோகனை கொலை செய்ததை
ஒப்புக்கொண்டார். அவர் போலீசில் பல திடுக்கிடும் தகவல்களை கூறியுள்ளார்.
அவன், ‘’பரிக்குப்பட்டு பகுதியில் உள்ள வீடுகளில் நான் திருடி வந்தேன்.
மின் மோட்டார் வயர்களையும் திருடி விற்பதை வழக்கமாக கொண்டிருந்தேன்.

பரிக்குப்பட்டு
பகுதியில் வீடுகள் நெருக்கமாக இருப்பதால் இரவு நேரங்களில் நைசாக வீட்டு
ஜன்னல்களை திறந்து கணவன்-மனைவி உல்லாசமாக இருப்பதை கண்டு ரசிப்பேன். பல
வீடுகளில் இதனை நான் பார்த்து உள்ளேன். பின்னர் அங்கிருந்து யாருக்கும்
தெரியாமல் சென்று விடுவேன். அதேபோல் கடந்த 3-ந் தேதி இரவு மோகன் வீட்டின்
அருகே உள்ள வீட்டில் கணவன்-மனைவி ஒன்றாக இருப்பதை பார்த்தேன். பின்னர்
நான் அருகே உள்ள மோட்டார் பம்புசெட்டில் மின்வயர்களை திருடிக்
கொண்டிருந்தேன். அப்போது மோகன் வீட்டின் கழிவறையில் விளக்கை போட்டார்.
இதனால் ஆள் வருவதாக நினைத்து அருகே உள்ள முட்புதரில் பதுங்கிக் கொண்டேன்.

இதனை
மோகன் பார்த்து விட்டார். அவர் பின்பக்கமாக வந்து எனது சட்டையை பிடித்து
திருடன்... திருடன் என்று சத்தம் போட்டார். இதனால் பயந்து போன நான் கையில்
இருந்த கட்டிங் பிளேயரால் மோகனின் தலையில் ஓங்கி அடித்தேன். அவர் மண்டை
உடைந்து ரத்த வெள்ளத்தில் கீழே விழுந்தார். கழுத்தில் மின் வயர்களை
சுற்றிவிட்டு சென்றேன். பின்னர் எதுவும் தெரியாதது போல் வீட்டுக்கு
வந்துவிட்டேன். சிறிது நேரம் கழித்து மீண்டும் அங்கு சென்றபோது மோகன்
இறந்து கிடந்தார். அவரது ஆனால் போலீசார் துப்பு துலக்கி என்னை கைது
செய்துவிட்டனர்’’ என்று வாக்கு மூலத்தில் கூறியுள்ளான்.