ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் :

by **Tamil** Wed Jan 06, 2010 7:34 am

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் : சுவைக்குப் பின் மறைந்துள்ள 'பகீர்'

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் : Tblfpnnews_76253473759

"யானை
இருந்தாலும் ஆயிரம் பொன்; இறந்தாலும் ஆயிரம் பொன்' என்று பழமொழி உண்டு.
அதே பழமொழி, இப்போது மாடுகளுக்கும் பொருந்துகிறது. இதுவரை பால், இறைச்சி,
தோல், சாணம் ஆகியவற்றுக்கு மாடுகள் பயன்படுத்தப்பட்டு வந்த நிலையில்,
தற்போது புதிதாக அதன் எலும்பு பவுடர்கள், குழந்தைகள் விரும்பி சாப்பிடும்
ஜெல்லி, சாக்லேட்கள், ஐஸ்கிரீம் போன்ற பொருட்களில் கணிசமாக
சேர்க்கப்படுகிறது.

படித்ததும்,
"உவ்வே' என்கிறீர்களா? பல கோடிகள் புரளும் இந்த வர்த்தகத்திற்கு பின்
மறைந்துள்ள "பகீர்' தகவல்கள் வருமாறு: மாட்டின் உடலில் 220 எலும்புகள்
உள்ளன. மாட்டிறைச்சி கூடங்களில் மாடுகள் அறுக்கும்போது, சிறிய அளவில் உள்ள
எலும்புகள் இறைச்சியுடன் சேர்த்து விற்கப்படுகிறது. கடிக்க மற்றும்
துண்டிக்க முடியாத எலும்புகளை, இறைச்சி வியாபாரிகள் சேகரிக்கின்றனர்.
அவற்றை, எலும்பு பவுடர் தயாரிப்பாளர்கள் நேரடியாக கொள்முதல் செய்கின்றனர்.
ஒரு கிலோ எலும்பு, எட்டு ரூபாய் முதல் ஒன்பது ரூபாய் வரை விற்கப்படுகிறது.
எலும்பு பொருட்களை காய வைத்து, பதப்படுத்தி அரைத்து விற்பனை செய்யும்
தனியார் நிறுவனங்கள், சென்னை, விழுப்புரம், தென்காசி உள்ளிட்ட 20க்கும்
மேற்பட்ட இடங்களில் சப்தம் இன்றி இயங்கி வருகின்றன. மதுரை, நெல்லை, கோவை
உள்ளிட்ட மாவட்டங்களில் இருந்து, ஒரு மாதத்திற்கு 100 டன் வரை எலும்புகள்
கிடைக்கிறது.

மூட்டைகளில் வரும்
எலும்புகளில் இருந்து, ஜவ்வு, கொம்பு, கால் குளம்பு ஆகியவற்றை தனித்தனியே
பிரிக்கின்றனர். பின், ஈரப்பசை கொண்ட அவற்றை நன்றாக காய வைத்து அரைத்து
பவுடர் ஆக்கி மூட் டைகளில் அடைக்கின்றனர். ஒரு கிலோ 13 முதல் 15 ரூபாய்
வரை விற்கின்றனர். அதை தமிழகம், கேரளா, ஆந்திராவில் உள்ள தனியார்
நிறுவனத்தினர் மொத்த விலையில் வாங்கிச் செல் கின்றனர். எலும்பு பவுடரை,
பல்வேறு வேதியியல் முறைகளுக்கு உட்படுத்தி, சாப்பிடும் ஜெலட்டின், பார்மா
ஜெலட்டின், போட்டோ ஜெலட்டின் ஆகியவற்றை தயாரிக்கின்றனர். அவை உள்நாட்டு
பயன்பாட்டிற்கு மட்டுமின்றி, அமெரிக்கா, ஜெர்மனி, ஜப்பான், இத்தாலி
உள்ளிட்ட பல் வேறு வெளிநாடுகளுக்கும் ஏற்றுமதி செய்யப்படுகிறது.

சாப்பிடும் ஜெலட்டின்:
இதில் புரோட்டின் மற்றும் கால்சியம் சத்துக்கள் 50 முதல் 60 சதவீத
அளவிற்கும் அதிகமாக உள்ளதாக கூறப்படுகிறது. இவை குழந்தைகள் மட்டுமின்றி,
பெரியவர்களும் விரும்பி சாப்பிடும் ஜெல்லி உணவுகள், சாக்லேட்கள்,
ஐஸ்கிரீம், கேக் கிரீம் ஆகியவை தயாரிக்க பயன்படுத்தப்படுகிறது. மேலும்,
புரோட்டின் மற்றும் கால்சியம் சத்துக்கள் உள்ள குளிர்பானங்கள்,
புத்துணர்ச்சி தரும் பான பவுடர்களில் அவை சேர்க்கப்படுகிறது.

பார்மா மற்றும் போட்டோ ஜெலட்டின்:
டியூப் மாத்திரைகளின் மூடி தயாரிப்பதற்கு இவை அதிகம்
பயன்படுத்தப்படுகிறது. இது மட்டுமின்றி, புரோட்டின் மற்றும் கால்சியம்
சத்துக்களுக்காக, மாத்திரைகள் மற்றும் "சிரப்'களிலும் சேர்க்கப்பட்டு
வருகிறது. போட்டோ ஜெலட்டின்கள், பட பிலிம்கள், எக்ஸ்ரே பிலிம்கள்
தயாரிப்பதற்கு பயன்படுத்தப்படுகிறது.

எலும்பு பவுடர் உரம்:
வெளிநாடுகளில், எலும்பு பவுடர் விவசாய நிலங்களில் உரமாக
பயன்படுத்தப்படுகிறது. இதற்காக, டன் கணக்கில் எலும்பு பவுடர் ஏற்றுமதி
செய்யப்படுகிறது. எலும்பு பவுடர்கள் மிகச்சிறந்த உரமாக இருப்பதால்,
அதிகளவில் மகசூல் கிடைப்பதை அனுபவ பூர்வமாக அந்நாடுகளின் விவசாயிகள்
உணர்ந்துள்ளனர். மாட்டு கொம்பு மற்றும் கால் குளம்பு பவுடர்கள்,
ஜெர்மனிக்கு அதிகளவில் உரத்திற்காக அனுப்பப்படுகிறது. தற்போது கேரளா
மற்றும் கர்நாடகாவில், மாட்டு எலும்பு பவுடர்களை உரமாக பயன்படுத்துவது
அதிகரித்துள்ளது. மாட்டு ஜவ்வு பவுடர்கள், கோழி தீவனமாக
பயன்படுத்தப்படுகிறது. கோழிக் குஞ்சுகள் அவற்றை சாப்பிடுவதால் அதிக
ஊட்டச்சத்துகள் பெற்று, மூன்று மாதங்களில் அவை இறைச்சிக்கு தயாராகி
விடுகின்றன. இப்படி, மாட்டு எலும்புகள், உணவு, மருத்துவம், உரம்
ஆகியவற்றில் மறைமுகமாக பயன்படுத்தப்பட்டு வருகிறது. அவற்றை பல்வேறு
பொருட்களில் பயன்படுத்துவது வெளிப்படையாக தெரிந்தால், விற்பனை பாதிக்கும்
என்பதால், அவற்றை தயாரிப்பாளர்கள் மறைக்கின்றனர்.

by **Tamil** Wed Jan 06, 2010 7:36 am

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் : Tblfpnnews_37122309208

சென்னை
: "பல்வேறு பிரிவுகளைச் சேர்ந்த அரசு அலுவலர்கள் மற்றும்
ஓய்வூதியதாரர்கள், குடும்ப ஓய்வூதியதாரர்களுக்கு 272 கோடி ரூபாய் அளவிற்கு
பொங்கல் போனஸ் வழங்கப்படும்' என்று, தமிழக அரசு அறிவித்துள்ளது.இது
குறித்து, தமிழக அரசு வெளியிட்ட அறிவிப்பு: "சி' மற்றும் "டி' பிரிவு
அலுவலர்களுக்கு சென்ற ஆண்டை விட 500 ரூபாய் உயர்த்தி 3,000 ரூபாய் உச்ச
வரம்பிற்கு உட்பட்டு போனஸ் வழங்கவும், "ஏ' மற்றும் "பி' பிரிவு அலுவலர்கள்
அனைவருக்கும் சிறப்பு போனசாக 1,000 ரூபாய் வழங்கவும், ஓய்வூதியம், குடும்ப
ஓய்வூதியம் பெறுபவர்களுக்கு பொங்கல் பரிசாக 500 ரூபாய் வழங்கவும்,
முதல்வர் கருணாநிதி உத்தரவிட்டுள்ளார்.

தொகுப்பூதிய
பணியாளர்கள், சத்துணவு திட்டப் பணியாளர்கள், அங்கன்வாடிப் பணியாளர்கள்,
கிராம உதவியாளர்கள், ஊராட்சி உதவியாளர்கள், ஒப்பந்தப் பணியாளர்கள்,
ஒப்பந்த அடிப்படையிலான தற்காலிக பணியாளர்கள், தினக்கூலியாக பணியாற்றி பணி
நிரந்தரம் செய்யப் பட்ட பணியாளர்கள், குறு அங்கன்வாடி பணியாளர்கள்
ஆகியோருக்கு, சிறப்பு மிகை ஊதியமாக 1,000 ரூபாய் வழங்கப்படும். உள்ளாட்சி
நிறுவனங்கள், அரசு உதவிபெறும் கல்வி நிறுவனங்களில் பணிபுரியும்
அலுவலர்கள், ஆசிரியர்களுக்கும் போனஸ் வழங்கப்படும். இதனால், அரசுக்கு 272
கோடி ரூபாய் செலவாகும். இவ்வாறு தமிழக அரசு தெரிவித்துள்ளது.

by **Tamil** Wed Jan 06, 2010 7:40 am

06-01-2010 IST

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் : Danish-Kaneria

சிட்னி:
சிட்னி டெஸ்ட் போட்டியில் உமர் குல், டேனிஷ் கனேரியா அசத்தலாக பந்துவீச,
பாகிஸ்தான் அணி ஆதிக்கம் செலுத்துகிறது. இரண்டாவது இன்னிங்சில் 8
விக்கெட்டுக்கு 286 ரன்கள் எடுத்துள்ள ஆஸ்திரேலிய அணி தோல்வியை தவிர்ப்பது
மிகவும் கடினம்.
ஆஸ்திரேலியா சென்றுள்ள பாகிஸ்தான் அணி 3 டெஸ்ட்
போட்டிகள் கொண்ட தொடரில் பங்கேற்கிறது. முதல் டெஸ்டில் ஆஸ்திரேலியா
வென்றது. இரண்டாவது டெஸ்ட் போட்டி சிட்னியில் நடக்கிறது. முதல்
இன்னிங்சில் ஆஸ்திரேலியா 127 ரன்களுக்கு சுருண்டது. இரண்டாவது நாள் ஆட்ட
நேர முடிவில் பாகிஸ்தான் அணி 9 விக்கெட்டுக்கு 331 ரன்கள் எடுத்திருந்தது.
நேற்று
மூன்றாவது நாள் ஆட்டம் நடந்தது. போலிங்கர் வீசிய முதல் ஓவரிலேயே
கனேரியா(4) அவுட்டாக, பாகிஸ்தான் அணி முதல் இன்னிங்சில் 333 ரன்களுக்கு
ஆல் அவுட்டானது. இதன் மூலம் 206 ரன்கள் முன்னிலை பெற்றது.
பாண்டிங் ஏமாற்றம்:
பின்னர்
இரண்டாவது இன்னிங்சை ஆடிய ஆஸ்திரேலிய அணிக்கு வாட்சன், பிலிப் ஹியுஸ்
இணைந்து நல்ல துவக்கம் தந்தனர். முதல் விக்கெட்டுக்கு 105 ரன்கள் சேர்த்த
நிலையில், கனேரியா சுழலில் ஹியுஸ்(37) வெளியேறினார். உமர் குல் வேகத்தில்
கேப்டன் பாண்டிங்(11) வீழ்ந்தார். பல முறை கண்டம் தப்பிய வாட்சன் மீண்டும்
ஒரு முறை சதம் அடிக்க தவறினார். இவர் 97 ரன்களுக்கு குல் பந்தில்
அவுட்டானார். மைக்கேல் கிளார்க்(21) சொதப்பினார். இதற்கு பின் கலக்கினார்
கனேரியா. இவரது சுழலில் நார்த்(2), ஹாடின்(15), ஜான்சன்(3) வெளியேறினர்.
ஆட்ட நேர முடிவில் ஆஸ்திரேலிய அணி 8 விக்கெட்டுக்கு 286 ரன்கள்
எடுத்திருந்தது. விக்கெட் கீப்பர் கம்ரான் அக்மல் கைநழுவியதால், மூன்று
முறை தப்பிய மைக்கேல் ஹசி(73) மற்றும் சிடில்(10) அவுட்டாகாமல் இருந்தனர்.
பாகிஸ்தான் சார்பில் கனேரியா 4, உமர் குல் 3 விக்கெட் வீழ்த்தினர்.
வெற்றி வாய்ப்பு:
தற்போது
ஆஸ்திரேலியா 80 ரன்கள் மட்டுமே முன்னிலை பெற்றுள்ளது. எஞ்சிய
விக்கெட்டுகளை பாகிஸ்தான் விரைவில் கைப்பற்றும்பட்சத்தில், 1995க்கு பிறகு
ஆஸ்திரேலியாவை வீழ்த்தி சாதிக்கலாம். தவிர, இத்தொடரில் 1-1 என சமநிலை
எட்டலாம்.

by Sponsored content

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் :

ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் :

தமிழக அரசு ஊழியர்களுக்கு போனஸ் ரூ.272 கோடி : பொங்கல் பரிசாக வழங்கி அரசு உத்தரவு

பாகிஸ்தான் பிடியில் ஆஸி., *குல், கனேரியா அசத்தல்

Re: ஐஸ்கிரீம், சாக்லேட், கிரீம் கேக்குகளில் மாட்டு எலும்பு பவுடர் :