MP3 பாடல்கள் வலைப்பூ நடத்திய கல்லூரி மாணவர் கைது – சைபர் கிரைம் சிக்கல்கள்

இணையத்தில்
நடக்கும் குற்றங்களையும் மோசடிகளையும் விசாரிக்கவும் தடுக்கவும்
செயல்பட்டு வருவது சைபர் கிரைம் காவல் துறை ஆகும். இணையத்தில் எதைச்
செய்தால் குற்றம்/ குற்றமல்ல என்பது சரியாக வரையறுக்கப்படாத இந்த
காலகட்டத்தில் Mp3 தளமொன்றை நடத்தி வந்த குஜராத் மாணவரை சைபர் கிரைம் கைது
செய்துள்ளது. இணையத்தில் பாடல்களைக் கேட்கவும் அவற்றைக் கணிணிக்குத்
தரவிறக்கவும் பல இணையதளங்களும் வலைப்பூக்களும் இருக்கின்றன. இவற்றில்
பெரும்பாலானவை சரியான அனுமதியும் உரிமையுமின்றியே பாடல்களை
வழங்கிவருகின்றன.

பலரும் இணைய விதிமுறைகளை
அறியாமலே இணையத்தில் ஆட்சென்ஸ் மற்றும் பிற விளம்பர நிறுவனங்களிடம்
இருந்து சம்பாதிக்க பாடல் வலைப்பூக்களை ஆரம்பித்து பாடல்களை வெளியிட்டு
வருகின்றனர். Indian Music Industry என்ற அமைப்பு சமீபத்தில் மும்பை சைபர்
கிரைம் காவல் துறையிடம் அளிக்கப்பட்ட புகாரின் பேரில் கல்பேஷ் படேல் என்ற
வாலிபரை கடந்த ஜூலை 2 ந்தேதி கைது செய்துள்ளது. இவர் குஜராத் மாநிலம்
ராஜ்கோட்டைச் சேர்ந்தவர். இன்ஜினியரிங் கல்லூரி மாணவரான இவர் தனது வலைப்பூ
மூலமாக உரிமையின்றி பாடல்களை வெளியிட்டு நேரடியாக தரவிறக்கும் வசதியைச்
செய்துள்ளார். இதனால் உரிமை பெற்ற மற்றவர்கள் இழப்புக்கு உள்ளாகிறார்கள்
என்பதே குற்றச்சாட்டு.

இவரை விசாரிக்கும் போது கடந்த வருடம் 2010
லிருந்து [You must be registered and logged in to see this link.] என்ற தளத்தையும் 2006 ம் வருடத்திலிருந்து
[You must be registered and logged in to see this link.] என்ற தளத்தையும் நடத்தி வந்துள்ளதாகத் தெரிவித்துள்ளார்.
இவரை வீட்டுக்கு அழைத்துச் சென்ற காவல் துறையினர் அவரது லேப்டாப் மற்றும்
ஹார்ட் டிஸ்க் ஒன்றையும் பறிமுதல் செய்திருக்கிறார்கள்.

பலரும்
இந்த மாதிரி உரிமையற்ற பாடல்களைத் தரவிறக்குவதால் வலைப்பூ நடத்துவோர்கள்
தேடுபொறிகளில் பிரபலமாவதும் இதனை ஊக்குவிப்பது போலவும் மாறிவிடுகிறது.
சிலர் பாடல்களைக் கொடுத்து விட்டு இது ஒரு சோதனைக்காக தான் தருகிறோம்.
ஆனால் இந்த மாதிரி திருட்டுத்தனமாக டவுன்லோடு செய்யாமல் காசு கொடுத்து
வாங்கிக் கேளுங்கள் என்று அறிவிப்பு வேறு போட்டிருப்பார்கள். இதுவும்
சட்டப்படி குற்றமே.
“We highly ENCOURAGE users to BUY the Original CDs or DVDs of the movie”

மேலும் இன்னொரு விசயமாக Disclaimer ஒன்றைப் போட்டிருப்பார்கள்.
இந்த
பாடல்களை நாங்கள் இணையத்தில் ஹோஸ்ட் செய்யவில்லை. பிற இணையதளங்களில்
கிடைத்த பாடல்களையும் சுட்டிகளையும் பகிர்ந்துள்ளோம். காப்பிரைட்
பிரச்சினை என்றால் சம்பந்தப்பட்ட கோப்புகளை நீக்கிவிடுவோம். இதுவும்
சட்டப்படி குற்றமே.
“This Website does not host any of the files mentioned on this blog or on its own servers”

சில
வருடத்திற்கு முன் பிரபலமான T-Series நிறுவனம் இதே போல பாடல்கள் வலைப்பூ
நடத்திய ஒருவருக்கு மிகப்பெரிய தொகை ஒன்றை அபராதமாக விதித்து நோட்டிஸ்
அனுப்பியிருந்தது. பாகிஸ்தானிலிருந்து பல வலைப்பூக்களும் தளங்களும் இந்தி
பாடல்கள் போன்றவற்றை சட்டப்பூர்வமின்றி வழங்கிவருகின்றன என்பது
குறிப்பிடத்தக்கது. இவற்றையெல்லாம் தடுப்பது சுலபமான காரியம்
இல்லாவிட்டாலும் நாம் எச்சரிக்கையாக இருப்பது நலம்.இதனால்
சட்டப்பூர்வமின்றி பாடல் தரவிறக்க வலைப்பூக்கள் நடத்தும் நண்பர்கள் இதனைக்
கவனித்து கைவிடுவது நல்லது. இந்த விசயத்தைப் பற்றிய உங்கள் கருத்துகளைப்
பதியவும்.

இதைப்பற்றிய இந்தியன் எக்ஸ்பிரஸ் செய்தி
[You must be registered and logged in to see this link.]