தமிழ்ச்செல்வனுக்கு பதிலாக பிரபாகரன் என்று சொல்லிவிட்டாராம் எம்.பி அஸ்வர்:

by **logu** Wed Jun 22, 2011 8:15 pm

இறுதிக்கட்ட யுத்தத்தில் விடுதலைப்புலிகளின் தமிழ்ச்செல்வனுக்கு பதிலாக பிரபாகரன் என்று சொல்லிவிட்டாராம் எம்.பி அஸ்வர்: Tamil-thalivar

தலைவர்
பிரபாகரன் கொல்லப்பட்டாலும் அவரின் மனைவி, பிள்ளைகள் ஜனாதிபதியால்
பாதுக்காக்கப்பட்டு பராமரிக்கப்பட்டு வருவதாகவும் பிள்ளைகளுக்கு கல்வி
புகட்டப்படுவதாகவும் அரச தரப்பின் தேசியப்பட்டியல் பாராளுமன்ற உறுப்பினரான
ஏ.எச்.எம்.அஸ்வர் நேற்றைய தினம் பாராளுமன்றத்தில் தெரிவித்திருந்தமை
குறிப்பிடத்தக்கது. பெரும் பரபரப்பை ஏற்படுத்திய இச் செய்தியை பல ஊடகங்கள்
முதன்மைப்படுத்தி வெளியிட்டிருந்தது. தேசிய தலைவரின் பிள்ளைகளும், மனைவி
மதிவதனியும் இலங்கை இராணுவத்தின் பிடியில் உள்ளனரா என்ற பெரும்கேள்வி
தமிழ் மக்களிடையே நிலவியது !

தமிழ்ச்செல்வனுக்கு பதிலாக பிரபாகரன் என்று சொல்லிவிட்டாராம் எம்.பி அஸ்வர்: Aswar

தமிழ்ச்செல்வனுக்கு பதிலாக பிரபாகரன் என்று சொல்லிவிட்டாராம் எம்.பி அஸ்வர்: Aswar

ஆனால்
தான் பாராளுமன்றில் பேசும்போது உணர்ச்சிவசப்பட்டுவிட்டதாகவும், புலிகளின்
அரசியல் துறைத் தவலைவர் சு.ப.தமிழ்ச்செல்வனின் மனைவி என்பதற்கு பதிலாக
தேசிய தலைவரின் மனைவி என தான் மாறிக் கூறிவிட்டதாகவும் அவர் தற்போது
தெரிவித்துள்ளார். இன்றைய தினம் பாராளுமன்றில் தனது நேற்றைய பேச்சுத்
தொடர்பாக மன்னிப்புக் கோரியுள்ளார் எம்.பி அஸ்வர். இவரின் நேற்றைய உரையக்
கேட்ட தமிழர்கள் மட்டும் ஆடிப்போகவில்லை, மகிந்தவும் ஆடிப்போயுள்ளார்.
இவ்வாறு தேசிய தலைவரின் மனைவி பிள்ளைகள் இலங்கை அரசிடம் அகப்பட்டிருந்தால்
அவர்களை சர்வதேசத்துக்கு காட்டவேண்டும் என்ற அழுத்தங்களைப் பிரயோகிக்க பல
தரப்புகள் முற்படத் தொடங்கிவிடும் என்பது மகிந்தருக்கு மேலும் சங்கடங்களை
உருவாக்கியது.

தடுத்துவைத்திருப்போரைக் காட்டுங்கள் என்று
சர்வதேசம் கேட்டால், தம்மிடம் இல்லாதவர்களை எங்கே காட்டுவது எனக்
குழம்பியுள்ளார் மகிந்தர் ! இதனை அடுத்து நேற்று இரவு எம்.பி அஸ்வருடன்
தொடர்புகொண்ட மகிந்தரின் செயலாளர் இது குறித்து விளக்கம்கோரியுள்ளார்.
நிலையைப் புரிந்துகொண்ட அவர் உடனடியாக மறுப்புச் செய்தி ஒன்றை
வெளியிடுமாறு பணித்துள்ளார். இதனை அடுத்து அஸ்வர் இன்று பாராளுமன்றில்
மன்னிபுக்கோரியுள்ளதாக அதிர்வு இணையம் அறிகிறது.