இந்திய சுதந்திர போராட்டத்தைவிட தமிழீழத்திற்கானது பெரிய போராட்டம் ஆகும். சுபாஷ் சந்திரபோஸ் தான் எனக்கு வழிகாட்டி என்று பிரபாகரன் கூறியிருக்கிறார்

இந்திய
சுதந்திர போராட்டத்தைவிட தமிழீழத்திற்கானது பெரிய போராட்டம் ஆகும். சுபாஷ்
சந்திரபோஸ் தான் எனக்கு வழிகாட்டி என்று பிரபாகரன் கூறியிருக்கிறார்.
இந்திய விடுதலைப்போராட்டத்தைவிட 100 மடங்கு பெரியது இலங்கை ஈழ விடுதலை
போராட்டம். இந்திய போரில் சுமார் 30,000 பேர் இறந்துஇருப்பார்கள். ஆனால் ஈழ
மண்ணில் நடந்த போரில் மூன்று லட்சத்திற்கு மேல் இறந்துள்ளனர். அப்போது
விமானத்தில் வந்து யாரும் குண்டுகள் போடவில்லை. இப்போது அப்படியில்லை,
அதிகமாக தமிழர்கள் வாழ்ந்த பூமியில் அதிகமான அளவில் குண்டு போட்டு
சாகடித்துள்ளனர். அந்த போரில் யாரும் விதவையாக்கப்படவில்லை. மாறாக
இலங்கையில் 89,000 பெண்கள் விதவையாக்கப்பட்டுள்ளனர். இதில் சுமார் 60,000
பெண்கள் குழந்தைகள் பெற்றுக்கொள்ள முடியாதவர்களாக்கப்பட்டுள்ளனர்.
அதே போல் காந்தியடிகளின் உண்ணாவிரத போராட்டத்தில் யாரும் இறக்கவில்லை.
ஆனால் இந்த இலங்கை விடுதலை போராட்டத்தில் திலீபன் போன்றவர்கள் அழிந்து
போயிருக்கிறார்கள். இது மிகவும் உயர்ந்த விடுதலைப் போராட்டமாகும்.
அங்குள்ளவர்கள் உறுதியாக இருக்கிறார்கள். நாங்கள் அவர்களை விட உறுதியாக
இருக்கிறோம். ஈழப்போர் என்பது பிரபாகரன் மூட்டிய நெருப்பு, இந்த போராட்டம்
தொடரும். வழக்கம்போல் உங்கள் தோள்கள், கைகள் தொடர்ந்து எங்களுக்கு
கைகொடுங்கள்.

விழுப்புரத்தில் சனிக்கிழமை நடைபெற்ற நிகழ்ச்சியில்
அய்யா பழ.நெடுமாறன் எழுதிய பிரபாகரன் தமிழர் எழுச்சியின் வடிவம்
புத்தகத்தினை வெளியிட்டு உணர்ச்சிக் கவிஞர் காசி ஆனந்தன் அவர்கள் ஆற்றிய
உரையிலிருந்து.

* மறுப்பு : அண்ணன் காசி ஆனந்தன் மீது நல்ல
நம்பிக்கை உண்டு. ஆனால் அண்ணன் அவர்கள் தவறான தகவல் தருவதை அனுமதிக்க
முடியாது. சில வருடங்களாக இந்திய விடுதலைப் போராட்டத்தின் வீரியத்தை
குறைத்து மதிப்பிடுகிறார். இதை நாம் எதிர்க்கிறோம். முதல் உலகப்போரில்
பிரிட்டன் கேட்டுக் கொண்டதற்கு இணங்க 50000 இந்தியர்கள், இதில்
பெரும்பாலும் தமிழர்கள் பிரிட்டனுக்கு ஆதரவாக பங்கேற்றனர். யுத்தம்
முடிந்து ஒருவர் கூட இல்லம் திரும்ப வில்லை. இரண்டாம் உலகப்போரில் அதுபோலவே
பிரிட்டன் கோரியது, சுதந்திரம் தந்து விடுகிறோம் என்று கெஞ்சியது.
காந்தியடிகள் சம்மதித்து 50000 இந்தியர்களை, (இதிலும் பெரும்பாலும்
தமிழர்கள் ) பிரிட்டனுக்கு ஆதரவாக யுத்தக் களத்திற்கு அனுப்பி வைத்தார்.
அரேபியா பாலைவனத்தில் பிரிட்டனுக்கு ஆதரவாக சென்ற இந்தியர்கள்,
ஜெர்மானியர்களின் விமானத் தாக்குதலுக்கு உள்ளாகி வீர மரணம் அடைந்தனர்.
ஒருத்தர் கூட பிழைக்க வில்லை. சுபாஸின் அழைப்பை ஏற்று 40000 தமிழர்கள்
ரங்கூன் சென்றனர். சுபாஸின் இந்திய தேசிய ராணுவம் தோல்வியுற்றது. வெறும்
80000 தமிழர்களே உயிர் பிழைத்து வந்தனர். லட்சக்கணக்கான சுபாசின் வட இந்திய
தேசிய ராணுவ வீரர்கள் வீரமரணம் அடைந்தனர். செண்பகராமன் தலைமையிலான
ஜெர்மானிய நீர்மூழ்கி கப்பல் மதராஸ் பட்டணத்தை தாக்கியது. அது ஒரு இலக்கு
தவறிய தாக்குதல். தாக்குதல் வெற்றிப் பெற்று இருந்தால் மதராஸ் மிகப்பெரிய
இழப்பை சந்தித்து இருக்கும். ஜாலியன் வாலாபாக் படுகொலை, தண்டி உப்பு
சத்தியாக போராட்டத்தில் படுகொலை, இப்படி கணக்கில் அடங்கா அவலங்களை
சந்தித்து பெற்ற விடுதலைதான் இந்திய விடுதலை. இந்தியர்கள் 175 ஆண்டுகள்
வெள்ளையர்களை எதிர்த்து போராடியிருக்கிறார்கள்.

ஈழ தேசத்தின்
விடுதலைப் போராட்ட முறையை யாரும் குறைத்து மதித்திட வில்லை. தமிழீழ
விடுதலைப் புலிகளின் தியாகம் விலை மதிப்பற்றது. விடுதலைப் புலிகள்
புனிதமானவர்கள். அதில் மாற்று கருத்து இல்லை. ஆனால் அண்ணன் காசி ஆனந்தன்
இந்திய விடுதலைப் போராட்டத்தை குறைத்து மதிப்பிட வேண்டாம். இதை அண்ணன்
அவர்களிடம் தொடர்பில் இருப்பவர்கள் தெரிவிக்கும் படி அன்புடன்
வேண்டுகிறேன்.