முதியோர் பென்சன் உயர்வு: திருமண உதவி தொகையுடன் தாலிக்கு 4 கிராம் தங்கம்; ஜெயலலிதா தொடங்கி வைத்தார்

சென்னை, ஜூன். 6-


தமிழக அரசு வெளியிட்டுள்ள செய்தி குறிப்பில் கூறி இருப்பதாவது:-

முதல்-அமைச்சர்
ஜெயலலிதா மக்களுக்கு அளித்த தேர்தல் வாக்குறுதிகள் அனைத்தும் விரைவாகவும்,
செம்மையாகவும் நிறை வேற்றப்பட வேண்டும் என்ற நோக்கத்தில், பதவி யேற்ற
அன்றே ஏழு முக்கிய திட்டங்களுக்கு ஒப்புதல் அளித்து அதற்குரிய கோப்புகளில்
கையெழுத்திட்டார். முதியோர், மாற்றுத் திறனாளிகள், கணவனால் கைவிடப்பட்ட
பெண்கள் மற்றும் கைம்பெண்களுக்கு வழங்கப்படும் மாத உதவித் தொகை 1000
ரூபாயாக உயர்த்தி வழங்கப்படும் என்று தேர்தல் அறிக்கையில் அறிவித்தவாறு
மேற்காணும் ஓய்வூதியத் திட்டங்களின் கீழ் பயன்பெறும் பயனாளிகளுக்கு
தற்போது வழங்கப்படும் 500 ரூபாய் மாத ஓய்வூதியத்தை 1000 ரூபாயாக உயர்த்தி
வழங்க முதல்- அமைச்சர் ஜெயலலிதா 16.5.2011 அன்று ஆணையிட்டார்.

ஆதரவற்ற
முதியோர்கள், மாற்றுத் திறனாளிகள், ஆதரவற்ற விதவையர், கணவனால் கைவிடப்பட்ட
ஆதரவற்ற பெண்கள், ஆதரவற்ற வோளண்மை தொழிலாளர்கள், 50 வயது எய்தியும்
வாய்ப்பு வசதியின்றி திருமணமாகாத உழைக்கும் திறனற்ற ஏழைப் பெண்கள்
ஆகியோருக்கு சமூகப் பாதுகாப்பு அளித்து, அவர்களும் தங்கள் வாழ்வில் வளம்
காண வேண்டும், அனைத்து நலன்களையும் பெற வேண்டும் என்பதில் உறுதியாக உள்ள
முதல்- அமைச்சர் ஜெயலலிதா தேர்தல் அறிக்கையில் அறிவித்தபடி ஓய்வூதிய
தொகையை, 500 ரூபாயி லிருந்து 1000 ரூபாயாக உயர்த்தி வழங்கும் சமூகப்
பாதுகாப்பு ஓய்வூதியங்கள் வழங்கும் திட்டத்தினை இன்று தொடங்கி வைத்து, ஏழு
பயனாளிகளுக்கு ஓய்வூதிய ஒப்பளிப்பு ஆணையை வழங்கி வாழ்த்தினார்.

முதல்
- அமைச்சர் ஜெயலலிதா உயர்த்தி வழங்க ஆணையிடப்பட்ட இந்த ஓய்வூதியத்தை இந்த
மாதம் முதலே அனை வரும் பெறலாம். ஜெயலலிதாவின் இந்த ஆணையினால் ஏறத்தாழ
23.65 லட்சம் பயனாளிகள் பயன் பெறுவார்கள். முதல்-அமைச்சர் ஜெயலலிதாவிடம்
இருந்து ஆயிரம் ரூபாய் ஓய்வூதியம் பெறுவதற்கான ஒப்பளிப்பு ஆணைகளை பெற்றுக்
கொண்ட ஏழு பயனாளிகளும் தங்கள் இதயம் கனிந்த நன்றியை தெரிவித்துக்
கொண்டனர்.

இந்த திட்டத்தின்கீழ் இன்று ரூ. 1000 உதவித் தொகை பெற்றவர்கள் விவரம் வருமாறு:-

1. ரபியா-கொருக்குப் பேட்டை

2. மீனா-பிராட்வே

3. சுதாகர்-திருவான்மியூர்.

4. பச்சையம்மாள்- கீழ் அயனம்பாக்கம்.

5. விஜயலட்சுமி- பட்டா பிராம்.

6. அஞ்சலி-ஆலந்தூர்

7. நாகம்மாள்-சோழிங்க நல்லூர்.

முதல்-அமைச்சர்
ஜெயலலிதா, சமூக நலம் மற்றும் சத்துணவுத்திட்டத் துறையின் மூலம் தற்போது
செயல்படுத்தப்படும், ஐந்து திருமணத்திட்டங்களின் கீழ் பெண்களுக்கு திருமண
நிதி உதவி தற்போது வழங்கப்பட்டு வருகிறது. இத்திட்டங்களின் கீழ்
வழங்கப்படும் 25,000 ரூபாய் நிதி உதவியோடு, மணப்பெண்ணின் திருமாங்கல்யம்
செய்ய 4 கிராம் (22 கேரட்) தங்கம் இலவசமாக வழங்கவும், இளம்பெண்கள் கல்வி
கற்பதை ஊக்குவிப்ப தற்காக, இளநிலைப்பட்டம் அல்லது டிப்ளமோ பட்டயம் பெற்ற
பெண்களுக்கு திருமண உதவித்தொகையை 25,000 ரூபாயிலிருந்து 50,000 ரூபாயாக
உயர்த்தி வழங்குவதோடு மணப்பெண்ணின் திருமாங்கல்யம் செய்ய 4 கிராம் தங்கம்
இலவசமாக வழங்கவும் தேர்தல் அறிக்கையில் அறிவித்திருந்தப்படி
முதல்-அமைச்சர் ஜெயலலிதா 16.5.2011 அன்று ஆணையிட்டார்.

திருமண
வயதை அடைந்த பெண்களைப் பெற்ற பெற்றோர்கள் தங்கள் பெண்களுக்கு திருமணம்
செய்வதற்கும், அத்திருமணத்திற்கு தங்கம் வாங்கவும், போதிய நிதி வசதியின்றி
சிரமப்படு வதையும் அறிந்த முதல்- அமைச்சர் ஜெயலலிதா, ஏழை பெற்றோர்கள் மனம்
குளிரும் வண்ணம் தேர்தல் அறிக்கையில் அறிவித்திருந்தபடி திருமண நிதி
உதவியுடன் திருமாங்கல்யம் செய்ய தங்கம் வழங்கும் திட்டத்தை இன்று தலைமைச்
செயலகத்தில் தொடங்கி வைத்து, ஏழு ஏழைப் பெண்களுக்கு 25,000- ரூபாய் நிதி
உதவியுடன் திருமாங்கல்யம் செய்ய நான்கு கிராம், தங்க நாணயம் வழங்கி
வாழ்த்தினார்.

முதல்-அமைச்சர் ஜெயலலிதா,
இளம்பெண்கள் கல்வி கற்பதை ஊக்கு விப்பதற்காக, இளநிலைப்பட்டம் அல்லது
டிப்ளமோ பட்டயம் பெற்ற பெண்களுக்கு திருமண உதவித் தொகை ஏற்கனவே
வழங்கப்பட்ட ரூபாய் 25,000-த்தை, 50,000 ரூபாயாக உயர்த்தி வழங்க
ஆணையிட்டிருந்தார்கள். அதன்படி, இளநிலைப்பட்டம் அல்லது டிப்ளமோ பட்டயம்
பெற்ற ஏழு பெண்களுக்கு, திருமண நிதி உதவியாக ரூபாய் 50,000-க்கான
காசோலையுடன் திருமாங்கல்யம் செய்ய 4 கிராம் தங்க நாணய மும் வழங்கி
வாழ்த்தினார்.

முதல்-அமைச்சர்
ஜெயலலிதாவிடமிருந்து திருமண நிதி உதவியுடன் திருமாங்கல்யம் செய்ய தங்கமும்
பெற்றுக்கொண்ட பெண்கள் தங்கள் நெஞ்சார்ந்த நன்றியை முதல்-அமைச்சருக்கு
தெரிவித்துக் கொண்டார்கள்.

ரூ.25 ஆயிரம் திருமண உதவி தொகையும், தாலிக்கு 4 கிராம் தங்கமும் பெற்றவர்கள் விவரம் வருமாறு:-

ராஜாத்தி
- (சென்னை), கன்னிகா - (காஞ்சீபுரம்), சித்ரா - (காஞ்சீபுரம்), பார்வதி
-(காஞ்சீபுரம்), ஷர்மிளா - (திருவள்ளூர்), சரண்யா - (திருவள்ளூர்),
கிறிஸ்டினா பிரியதர்ஷினி- (திருவள்ளூர்).

ரூ.50 ஆயிரம் திருமண உதவிதொகையும், தாலிக்கு 4 கிராம் தங்கமும் பெற்றவர்கள் விவரம் வருமாறு:-

நித்யா, அமலா, அனிதா, கே. புவனேஸ்வரி - (சென்னை), டி. புவனேஸ் வரி, உமா, கவிதா - (திருவள்ளூர்).