ரஜினிக்கு சிறுநீரக மாற்று சிகிச்சை தேவைப்படுமா?

by **மாலதி** Mon May 30, 2011 1:33 pm

Last Updated :

ரஜினிக்கு சிறுநீரக மாற்று சிகிச்சை தேவைப்படுமா? Rajini

சென்னை,
மே 29: சிங்கப்பூர் மருத்துவமனையில் அனுமதிக்கப்பட்டுள்ள நடிகர்
ரஜினிகாந்த்துக்கு சிறுநீரக மாற்று சிகிச்சை தேவைப்படுமா என்பது குறித்து
டாக்டர்கள் தீவிரமாக விவாதித்து வருகின்றனர்.சென்னையில் கடந்த
ஏப்ரல் 29-ம் தேதி ராணா படப்பிடிப்பு தொடக்க தினத்தன்று நடிகர் ரஜினிக்கு
உடல்நலக் குறைவு ஏற்பட்டது. மூச்சுத் திணறல், நுரையீரல் நோய்த் தொற்று
உள்ளிட்டவற்றுக்காக மயிலாப்பூரில் உள்ள இசபல் மருத்துவமனையில் இரண்டு முறை
சிகிச்சை பெற்று வீடு திரும்பினார்.வீட்டில் இருந்தபோது கடந்த மே
13-ம் தேதி மீண்டும் மூச்சுத் திணறல் ஏற்பட்டதையடுத்து அவர் சென்னை போரூர்
ஸ்ரீ ராமச்சந்திரா மருத்துவமனையின் தனி அறையில் அனுமதிக்கப்பட்டார். கடந்த
22-ம் தேதி ஸ்ரீ ராமச்சந்திரா மருத்துவமனையின் தீவிர சிகிச்சைப் பிரிவில்
அனுமதிக்கப்பட்டார். அவருக்கு சிறுநீரக பாதிப்பு உள்ளது
கண்டுபிடிக்கப்பட்டதால், ஹீமோடயாலிஸிஸ் (கருவி மூலம் சிறுநீரக
சுத்திகரிப்பு) சிகிச்சை செய்யப்பட்டது. உப்பு -புரதச் சத்து இல்லாத
உணவைச் சாப்பிடுமாறு ரஜினியை டாக்டர்கள் அறிவுறுத்தினர். அவரது
உடல்நிலையில் முன்னேற்றம் ஏற்பட்டது.சிங்கப்பூருக்கு ஏன்? நடிகர்
ரஜினியின் உடல் நிலையில் ஓரளவு முன்னேற்றம் இருந்தாலும்கூட, உடல்நலக்
குறைவுக்கு மூல காரணியாக விளங்கும் சிறுநீரக பாதிப்பு பிரச்னைக்கு
மருத்துவ சிகிச்சை மூலம் தீர்வு பெற குடும்பத்தினர் முடிவு செய்தனர்.அதாவது,
ஒரு கட்டத்தில் சிறுநீரகச் செயலிழப்பை உருவாக்க வாய்ப்பு உள்ள "ராபிட்லி
புரொகரஸ்ஸிவ் குளோமருலோநெப்ரைட்டிஸ்' (தஹல்ண்க்ப்ஹ் டழ்ர்ஞ்ழ்ங்ள்ள்ண்ஸ்ங்
எப்ர்ம்ங்ழ்ன்ப்ர்ட்ய்ங்ல்ட்ழ்ண்ற்ண்ள்) பாதிப்பு நடிகர் ரஜினிக்கு
ஏற்பட்டுள்ளதாகத் தெரிகிறது. இதையடுத்து போரூர் ஸ்ரீ ராமச்சந்திரா
மருத்துவமனையில் ரஜினிக்கு சிகிச்சை அளித்த சிறுநீரக மருத்துவ நிபுணர்
பி.சௌந்தர்ராஜன், இதய மின் சீரமைப்பு நிபுணர் டி.ஆர்.முரளீதரன் ஆகியோரும்
அவருடன் சிங்கப்பூர் சென்றுள்ளனர்.உடலில் உள்ள கழிவுகளை சிறுநீர்
மூலம் வெளியேற்ற சிறுநீரகத்தில் உள்ள "நெஃப்ரான்கள்' உதவுகின்றன;
இதனால்தான் சிறுநீரக மருத்துவத்துக்கு "நெஃப்ராலஜி' என்றும் அது
தொடர்புடைய பாதிப்புக்கு "நெஃப்ரைட்டிஸ்' என்றும் பெயரிடப்பட்டுள்ளது.
எனவே மேலே குறிப்பிட்டுள்ள பாதிப்பு ஏற்படும் நிலையில் தொடர்ந்து
டயாலிஸிஸ் (கருவி மூலம் சிறுநீரக சுத்திகரிப்பு) சிகிச்சை தேவைப்படும்
அல்லது நிரந்தரத் தீர்வாக சிறுநீரக மாற்று சிகிச்சை தேவைப்படும்.அமர்சிங்
சிகிச்சை பெற்ற... உத்தரப்பிரதேசத்தைச் சேர்ந்த அரசியல் தலைவர் அமர்சிங்
இரண்டு ஆண்டுகளுக்கு முன்பு சிறுநீரக மாற்று சிகிச்சை செய்து கொண்ட
சிங்கப்பூர் மருத்துவமனையின் தீவிர சிகிச்சைப் பிரிவில் நடிகர்
ரஜினிகாந்த் சனிக்கிழமை (மே 28) சேர்க்கப்பட்டுள்ளார். அவருக்கு "கிட்னி
பயாப்ஸி' (சிறுநீரக திசு பரிசோதனை) செய்யப்பட்டு, மருத்துவ ஆய்வுக்கு
அனுப்பப்பட்டுள்ளது.சிறுநீரகங்களின் திசு பரிசோதனை மூலம் சிறுநீரக
பாதிப்பின் தீவிரத் தன்மையைத் துல்லியமாகக் கணித்து, நடிகர் ரஜினிக்கு
சிறுநீரக மாற்று சிகிச்சை செய்வது குறித்து டாக்டர்கள் விரைவில் முடிவு
செய்ய உள்ளனர்.