செக்ஸ் டாக்டர் குறித்து கிளம்பும் புதுப்புது பூதங்கள்!

இளம்பெண்களைத் தனது வலையில் வீழ்த்த
நெல்லை செக்ஸ் டாக்டர் நடமாடும் நகைக்கடையாக வலம் வந்தவர் என்று காவல்துறை
விசாரணையில் தெரிய வந்துள்ளது.





குமரி மாவட்டம் அஞ்சுகிராமத்தைச்
சேர்ந்தவர் செல்வராஜா (58). இவர் மேலப்பாளையம் நத்தத்தில் ஆயுர்வேத
மருத்துவமனை நடத்தி வந்தார். இங்கு பணியாற்றிய நர்சுகள், பெண்
ஊழியர்களிடம் சில்மிஷத்தில் ஈடுபட்டதாக வந்த புகாரின் பேரில் மேலப்பாளையம்
காவல்துறையினர் அவரைக் கைது செய்தனர்.

காவல்துறையினர் நடத்திய
விசாரணையில், செல்வராஜா ஏற்கனவே 3 பெண்களைத் திருமணம் செய்திருப்பது
தெரியவந்தது. மருத்துவமனைக்கு வேலைக்கு வரும் அழகான இளம்பெண்களைத் தனது
வசீகர பேச்சால் மனைவியாக்கி கொள்ள விரும்புவார். அவர்களுக்குத் தேவையான
நகை, பண உதவிகளையும் செய்து வந்தார்.

இந்நிலையில் குமரி மாவட்டம்
பெரியவிளையைச் சேர்ந்த மஞ்சு என்ற இளம்பெண்ணை 4 வதாக திருமணம் செய்ய
முடிவு செய்தார். விமான பணிப்பெண் பயிற்சி முடித்த இவரது அழகில் மயங்கிய
டாக்டர் அவரது பெற்றோரிடம் திருமணத்துக்குச் சம்மதம் பெற்றார். மேலும்
இதற்காக அவர்களுக்கு ரூ. 3.3 லட்சம் கொடுத்தார். பின்னர் மேலப்பாளையம்
மருத்துவமனையில் மஞ்சுவை வரவேற்பாளராக பணியமர்த்தினார்.

கடந்த
15ம்தேதி செல்வராஜாவுக்கும், மஞ்சுவுக்கும் திருமண நிச்சயதார்த்தம்
நடந்தது. அப்போது செல்வராஜா, அவருக்கு 9 பவுனில் செயினும், பெண்ணின்
தாயாருக்கு 2 பவுன் செயினும், அண்ணனுக்கு மோட்டார் சைக்கிளும் வாங்கி
கொடுத்தார்.

கடந்த 21ம்தேதி திருச்செந்தூரில் திருமணத்தை நடத்த
ஏற்பாடுகள் நடந்தது. ஆனால் இந்தத் திருமணத்தில் மஞ்சுவுக்கு விருப்பம்
இல்லை. இதையடுத்து அவர், யாருக்கும் தெரியாமல் தலைமறைவாகிவிட்டார். இதனால்
ஆத்திரமடைந்த செல்வராஜா தனது ஆட்கள் மூலம் மஞ்சுவின் பெற்றோரை
மிரட்டினார். இதனால் அவர்களும் தலைமறைவாகிவிட்டனர். தற்போது மஞ்சுவின்
குடும்பத்தினர் கேரளாவில் இருப்பதாக கூறப்படுகிறது. காவல்துறையினர்
விசாரணை நடத்தி வருகின்றனர்.


டாக்டர் செல்வராஜா தனது ஆயுர்வேத
மருத்துவமனையில் ஆண்மை குறைவுக்குச் சிகிச்சை அளித்து வந்தார். இதனால்
அவரது மருத்துவமனையில் எப்போதும் ஆண்கள் கூட்டம் அதிகமாக காணப்படும்.
கேரளாவில் ரூ.35க்கு வாங்கப்படும் ஆண்மை நிவர்த்தி மாத்திரையை இங்கு
ரூ.700 க்கு விற்று வந்தார். இதனால் அவருக்குக் கொள்ளை லாபம் கிடைத்து
வந்தது. இதுபோன்ற குறைபாடுகளுக்காக வரும் பெண்களிடமும் டாக்டர் லீலைகளில்
ஈடுபட்டிருக்கலாம் என்றும் கூறப்படுகிறது. இதுகுறித்தும் காவல்துறையினர்
விசாரணையில் ஈடுபட்டுள்ளனர்.

மேலும் கன்னியாகுமரி மாவட்டம்
லெவிஞ்சிபுரத்தில் இவருக்குச் சொகுசு பங்களா உள்ளது. குளுகுளு வசதிகள்
உள்ள இந்த பங்களாவில் அனைத்து அறைகளிலும் காமிராக்கள்
பொருத்தப்பட்டிருக்கிறது. சினிமா நடிகைகள் மீதும் மோகம் கொண்ட இவர், என்
உள்ளம் உன்னை தேடுதே என்ற ஆபாச படத்தைத் தயாரித்து நடித்தும் உள்ளார்.
இதில் பங்கேற்ற வடமாநில நடிகையுடனும் இவர் நெருக்கமாக இருந்ததாக
கூறப்படுகிறது.

சினிமா பிரமுகர்களுடன் தொடர்பு வைத்திருந்த
செல்வராஜாவுக்குச் சில முக்கிய நடிகைகளுடன் தொடர்பு இருப்பதாகவும்
தெரிகிறது. அவர்கள் கன்னியாகுமரி மாவட்டத்தில் சூட்டிங்குக்காக வரும்போது
இவரது சொகுசு பங்களாவில் தங்கி சென்றதாகவும் தகவல்கள் வெளியாகி உள்ளது.

மேலும்
டாக்டர் செல்வராஜா, மாயாவெங்கடேசன் போன்று கைநிறைய மோதிரம், பிரேஸ்லெட்,
கழுத்தில் நகைகள் என நடமாடும் நகை கடையாக எப்போதும் வலம் வருவார். இதில்
பல பெண்கள் மயங்கி அவரது வலையில் விழுந்தனர். இதற்காக மருத்துவமனையில்
நவீன சொகுசு வசதிகளுடன் கூடிய அறைகள் அமைத்திருந்தார். அந்த அறைகளுக்கு
தனக்கு பிடித்த நர்சுகளை வரவழைத்து தனது ஆசைகளை நிறைவேற்றி வந்துள்ளார்.
உடன்படும் பெண்களுக்கு நகைகள், விலை உயர்ந்த உடைகள், சாப்பாடு
போன்றவற்றையும் வாங்கி கொடுத்துள்ளார்.

மேற்கண்ட தகவல்கள் எல்லாம்
காவல்துறையினர் விசாரணையில் தோண்ட தோண்ட கிளம்பும் பூதம்போல் கிளம்பி
வருகிறது. செல்வராஜா குறித்து காவல்துறையினர் தொடர்ந்து விசாரணையில்
இறங்கி உள்ளனர்.

இன்னொரு பிரகாஷ் !!!!!