சிறிலங்காவில் சிறுவர்கள் தொடர்ந்தும் படைகளில் இணைக்கப்படுகிறார்கள்: ஐநாவின் அறிக்கை

ஐக்கிய
நாடுகள் சபையால் சிறிலங்காவிற்கு அனுப்பப்பட்ட மேஜர் ஜெனரல் Patrick
Cammaert சிறிலங்காவில் சிறுவர்கள் ஆயுதபாணிகளாக்கப்படுவதாக எழுந்துள்ள
சர்ச்சை குறித்த தனது அறிக்கையை ஐ.நாவின் பாதுகாப்பு சபையினது
[sub-committee of the UN Security Council] துணைக் குழுவின் சிறப்பு
கூட்டத்தில் சமர்பித்துள்ளார்.
அந்த முழுமையான அறிக்கையின் பிரதியினை Inner City Express தனது இணையத் தளத்தில் நேற்று வெளியிட்டுள்ளது.

அவ்வறிக்கையின்படி,

கருணாவின்
தலைமையில் 'தமிழ் மக்கள் விடுதலை புலிகள்' [TMVP]ளில் இருந்து பிரிந்து
சென்ற அமைப்பின் 'தளபதி' இனிய பாரதி மீண்டும் சிறுவர்களை ஆயுதபாணிகளாக
பயன்படுத்த பயிற்சி அளித்து வருவதாகவும் சிறிலங்கா அரசு இதன் மீது
உடனடியாக நடவடிக்கை எடுக்க வேண்டும் எனவும் அறிக்கை பரிந்துரை
செய்துள்ளது.

அத்துடன் தான் மட்டக்களப்பில் தங்கியிருந்தபோது,
கிழக்கு மாகாணத்தை சேர்ந்த அம்பாறை மாவட்டத்தில் கருணாவின் தலைமையின் கீழ்
இயங்கிய அமைப்பின் 'தளபதி' இனிய பாரதி, சிறுவர்களை ஆயுதபாணிகளாக
பயன்படுத்த பயிற்சி அளித்து வருவதாகவும் அதற்காக சிறுவர்கள்
அச்சுறுத்தப்படுவதாகவும் புகார்கள் எழுந்ததாகவும் அந்த அறிக்கையில் மேஜர்
ஜெனரல் Patrick Cammaert குறிப்பிட்டுள்ளார்.
இனிய பாரதியால் கட்டாய பயிற்சிக்கு உட்படுத்தப்பட்டு மீட்கப்பட்ட சில
சிறுவர்கள் தற்போது புனர்வாழ்வு பயிற்சிகளில் ஈடுபட்டு வருகின்றனர்.
அச்சிறுவர்களில் சிலர் தங்கள் பயிற்சி முடிந்து அம்பாறை திரும்பினால்
தாங்கள் மீண்டும் கட்டாய பயிற்சிக்கு உட்படுத்தப்பட்ட தவறான வழிகளில்
பயன்படுத்தப்படுவோம் என்று அஞ்சுவதாக அவர்கள் தெரிவித்தது தன்னை
அதிர்ச்சிக்குள்ளக்கியதாகவும் அவர் தெரிவித்துள்ளார்.

மார்ச் 2009
இல் சிறிலங்காவின் அமைச்சராக பொறுப்பேற்ற கருணாவிடம் இந்த பிரச்சினை
குறித்து தான் கேட்டபோது, தனக்கு இது பற்றி தெரியவந்துள்ளதாகவும் இவற்றை
நிறுத்துமாறு பாரதியை வற்புறுத்தியுள்ளதாகவும் தெரிவித்தார்.
அத்துடன் பாரதியின் நடத்தை மீதான தனது அதிருப்தியையும், சிறுவர்களை
ஆயுதபாணிகளாக பயன்படுத்துவது சிறிலங்காவில் சட்ட விரோதம் என்றும், இது
தொடர்ந்தால் காவல் துறை தலையிட வேண்டிய கட்டாயம் ஏற்படும் என தான் முன்பே
தெரிவித்துள்ளதாகவும் கருணா குறிப்பிட்டதாக அறிக்கையில் கூறப்பட்டுள்ளது.

இந்த
பிரச்சினை குறித்து நீதித்துறை அமைச்சரிடமும் அவரது செயலாளரிடமும்
பேசுகையில், 'தளபதி' பாரதி சிறுவர்களை துன்புறுத்துவதையும், ஆயுதபாணிகளாக
பயன்படுத்துவதையும் உடனடியாக நிறுத்தாவிட்டால் சிறிலங்கா அரசு அவர் மீது
கடுமையான நடவடிக்கைகளை எடுக்கும் என உறுதி அளித்ததாக மேலும் அந்த
அறிக்கையில் குறிப்பிடப்பட்டுள்ளது.