மத்திய அரசிடமிருந்து மின்சாரம் பெற தடை ஏன்?

சென்னை, ஏப். 22: மத்திய அரசிடம் இருந்து மின்சாரம் பெறத் தடை
விதிக்கப்பட்டுள்ளதற்கு தேர்தல் ஆணையத்தின் நடத்தை நெறிமுறைகளே காரணம் என மின்வாரிய
அதிகாரிகள் தெரிவிக்கின்றனர்.
இதனால், மின் பற்றாக்குறைக்கு மாற்று ஏற்பாடுகளைச் செய்ய முடியாமல்
மின்வாரியம் தவித்து வருகிறது.
தமிழகத்தில் மின்சார பற்றாக்குறை தொடர்ந்து நீடித்து வருகிறது. 2,500 மெகாவாட்
வரை பற்றாக்குறை ஏற்பட்டுள்ளதால் அதைச் சமாளிக்க பல்வேறு நடவடிக்கைகள் எடுக்கப்பட்டு
வருகின்றன. சென்னையைத் தவிர்த்து மற்ற மாவட்டங்களில் தினமும் மூன்று மணி நேரமும்,
சென்னை நகரில் ஒரு மணி நேரமும் மின் வெட்டு அமலில் உள்ளது.
இந்த மின் வெட்டு மூலம் 1,600 மெகாவாட் மின்சாரம் சேமிக்கப்படும் என
மின்வாரிய அதிகாரிகள் தெரிவித்துள்ளனர். கடந்த ஆண்டுகளில் மின் பற்றாக்குறை ஏற்பட்ட
போது மத்திய அரசிடம் இருந்து போதுமான அளவுக்கு மின்சாரம் கோரப்பட்டது.
தமிழகத்தின் நிலைமையை புரிந்து கொண்ட மத்திய அரசு தேவையான அளவுக்கு
மின்சாரத்தை வழங்கி உதவியது. ஆனால், நிகழாண்டில் மத்திய அரசிடம் மின்சாரப் பெற
முடியவில்லை.
இதற்கு தேர்தல் ஆணையத்தின் நடத்தை நெறிமுறைகளே காரணம் என மின்வாரிய அதிகாரிகள்
தெரிவிக்கின்றனர்.
""தமிழகத்தில் ஆயிரம் மெகாவாட் அளவுக்கு ஏற்பட்டுள்ள பற்றாக்குறையைப் போக்க
மத்திய அரசிடம் வேண்டுகோள் விடுத்தோம். மூன்று மாதங்களுக்கு முன்பே இந்தக் கோரிக்கை
விடுக்கப்பட்டது. இதை ஏற்றுக் கொண்ட மத்திய அரசு தேர்தல் நெருங்கும் வேளையில்
மின்சாரத்தைத் தர ஒப்புக் கொண்டது. ஆனால், நடத்தை நெறிமுறைகள்
மார்ச் 1-ம் தேதி முதலே அமல் செய்யப்பட்ட காரணத்தால் மத்திய அரசு
மின்சாரத்தைத் தர முடியாத நிலை ஏற்பட்டுள்ளது'' என்று கூறினர். இதை தேர்தல் ஆணைய
அதிகாரிகளும் உறுதிப்படுத்தியுள்ளனர்.
மின்சாரத்தை வாங்கிக் கொள்ளலாம்: இதுகுறித்து, தேர்தல் ஆணைய அதிகாரிகள்
கூறியது: மத்திய அரசிடம் இருந்து மின்சாரத்தைப் பெறுவது நடத்தை விதிகளுக்கு எதிரானது.
அதேசமயம், வெளி மாநிலங்களில் இருந்தோ, வெளிச் சந்தைகளில் இருந்தோ மின்சாரத்தை
விலைக்கு வாங்கி பயன்படுத்திக் கொள்ளலாம் என்று அதிகாரிகள் கூறினர்.
வெளிச் சந்தைகள், வெளி மாநிலங்களில் இருந்து மின்சாரத்தைப் பெறுவது தமிழக
மின்வாரியத்துக்கு கடும் சவாலாக இருக்கிறது. ஒரு யூனிட் மின்சாரம் ரூ.12-க்கும்
அதிகமான விலையில் விற்கப்படுவதால் அதை வாங்கி வீட்டு உபயோகத்துக்கு மிகக் குறைந்த
விலையில் கொடுப்பது இயலாத காரியம் என்கின்றனர் மின்வாரிய அதிகாரிகள். அதிகமான
விலைக்கு மின்சாரத்தை வெளி மாநிலங்களில் இருந்து வாங்கி, மின் தேவையை பூர்த்தி
செய்யும் போது மின்வாரியத்தின் எதிர்காலம் கேள்விக்குறியாகும் என்றும் கருத்துத்
தெரிவிக்கின்றனர் மின்வாரிய ஊழியர்கள்.
இதன் சிக்கல்களின் எதிரொலியாகவே தமிழகத்தில் மின்வெட்டின் அளவு
உயர்ந்துள்ளதுடன், சென்னை நகரிலும் மின்வெட்டு அமல்படுத்தப்பட்டுள்ளது
குறிப்பிடத்தக்கது.

மின் வெட்டுக்கான காரணங்கள் பல சொன்னாலும் முக்கியமான காரணங்கள் என்னால் சொல்ல முடியும்.
1 . மின்சார ஊழியர்கள் சம்பள விசயத்தில் கண்ணும் கருத்துமாக இருந்தார்கேலே ஒழிய வேலையில் அக்கறை காட்ட வில்லை.
2 .மின் திருட்டு சர்வ சாதரணமாக நடந்தது இந்த தி மு க ஆட்சியில்
மின் திருட்டு சோதனைகள் எதுவும் நடத்தப் பட வில்லை.
3 .கிராமப் பகுதிகளில் மரம் மட்டைகளில் மின் கம்பி பட்டு மின் கசிவுகள் சர்வ சாதரணமாக ஏற்படுகின்றன.போர்மன் எனப்படும் ஊழியர்கள் அதை சரி செய்யவில்லை.
4 . திறமை இல்லாத நபர்களை லஞ்சம் வாங்கிக்கொண்டு வேலைக்கு அமர்த்தியது.
5 .மோட்டார் பம்புகளுக்கு இலவச மின்சாரம் வழங்கியது.
6 . குண்டு பல்புகளுக்கு தடை விதித்து CFL பல்புகள் பயன் படுத்த ஆணை இடாதது.
7 .எங்கள் ஊரிலும் ஒரு போர்மன் இருக்கிறார்.எடுபிடி வேலைகள் செய்து மெல்ல மெல்ல ஒரு நாள் நிரந்தர பணியாளர் ஆனவர். எடுபிடி வேலைகள் செய்யும் போது ஒழுங்காக இருந்தவர் இப்போது எந்த நேரமும் மதுக்கடையில் இருக்கிறார்.கேள்விகள் கேட்டால் அலட்சியமான பதில். மொளசி பகுதியில் பழனிசாமி எங்கு என்றால் சின்ன குழந்தையும் மதுக்கடையை அடையாளம் காட்டும்.அரசாங்க வேலை கேள்வி கேட்க எவனும் இல்லை . இந்த மனோபாவம் ஊழியர்கள் மத்தியில் சோம்பலை உருவாக்கி விடுகிறது.
8 .தவறு செய்த ஊழியர்களுக்கு ஆதரவாக சங்கங்கள் வேறு.
முதலில் சங்கம் என்று இருக்கவே கூடாது.
இதை வரும் அரசு சரி செய்யுமாயின் மின் பற்றாக்குறை என்ற ஒன்று இருக்கவே இருக்காது .

.எங்கள் ஊரிலும் ஒரு போர்மன் இருக்கிறார்.எடுபிடி
வேலைகள் செய்து மெல்ல மெல்ல ஒரு நாள் நிரந்தர பணியாளர் ஆனவர். எடுபிடி
வேலைகள் செய்யும் போது ஒழுங்காக இருந்தவர் இப்போது எந்த நேரமும்
மதுக்கடையில் இருக்கிறார்.கேள்விகள் கேட்டால் அலட்சியமான பதில். மொளசி
பகுதியில் பழனிசாமி எங்கு என்றால் சின்ன குழந்தையும் மதுக்கடையை அடையாளம்
காட்டும்.அரசாங்க வேலை கேள்வி கேட்க எவனும் இல்லை . இந்த மனோபாவம்
ஊழியர்கள் மத்தியில் சோம்பலை உருவாக்கி விடுகிறது.