ஐ.நாவின் இரகசியச் சந்திப்புகள் அம்பலம்: வீடியோ

by **Tamil** Wed Apr 13, 2011 6:16 pm

இலங்கைத்தீவில் இடம்பெற்ற இறுதிப்போரில் நிகழ்த்தப்பட்ட
போர்க்குற்றங்கள் பற்றி ஆராய்ந்து ஆலோசனை வழங்க பான் கீ மூனால்
நியமிக்கப்பட்ட குழு நேற்றைய தினம் தனது இறுதி அறிக்கையைச்
சமர்ப்பித்துள்ளது. பின்னர் நடைபெற்ற பத்திரிகையாளர் மாநாட்டில்,
கேட்கப்பட்ட கேள்விகளுக்கு ஐ.நா பேச்சாளர் பாரன் ஹக்கே பதிலளித்தார். இந்த
அறிக்கை உடனடியாக பொதுமக்கள் பார்வைக்கு வெளியிப்பட மாட்டாது எனவும்,
ஆனால் ஏற்கனவெ சிறீலங்கா அரசாங்கத்திற்கு இதன் பிரதி அனுப்பி
வைக்கப்பட்டு, அதன் (சம்மதத்துடன்) பின்னரே, கால தாமதமாக இந்த அறிக்கை
வெளியிடப்பட்டிருப்பதாகவும் அவர் தெரிவித்துள்ளார்.

கடந்த மார்ச்
மாதம் 23ஆம் நாள் ஐக்கிய நாடுகள் சபை அலுவலகத்தில் தமிழ் மக்களைப் படுகொலை
செய்து போர்க்குற்றம் புரிந்த இலங்கையின் முன்னாள் படைத் தளபதி சவேந்திர
சிலவா, மற்றும் சட்டமா அதிபர் மொஹான் பீரிஸ், மற்றொரு போர்க்குற்ற நபர்
பாலித கோஹொன ஆகியோரைச் சந்தித்தபோது இந்த முடிவு எடுக்கப்பட்டதாக இனர்
சிற்றி பிறஸ் குறிப்பிட்டிருந்தது. கடந்த மார்ச் மாதத்தில் பான் கி-மூன்
மற்றும் விஜய் நம்பியார் குழுவினரை மட்டும் சந்தித்திருந்த சிறீலங்கா
தரப்பு, தாம் நிபுணர் குழுவினரையும் சந்தித்தது போன்று தகவல்களை
வெளியிட்டிருந்தனர். நிபுணர் குழுவை சிறிலங்கா அரசாங்க தரப்பினர்
சந்திக்கவில்லை என்பதை அந்த நேரத்தில் ஐ.நாவின் மற்றொரு பேச்சாளர்
மார்டின் நிசேர்க்கி (Martin Nesirky) கூறியிருந்தார்.

ஆனால்
அவர்கள் உண்மையிலேயே நிபுனர்கள் குழுவைச் சந்தித்தனரா எனக் கேட்க்கப்பட்ட
கேள்விக்கு முழுமையாகப் பதிலளிக்காமல் பாரன் ஹக் நழுவிக்கொண்டார். இலங்கை
அரசானது ஐ.நா நிபுனர்கள் குழுவோடு இரகசியச் சந்திப்பினை மேற்கொண்டதா
என்பது இன்னும் பெரும் கேள்விக்குறியாக உள்ளது. கடந்த டிசம்பரிலும், ஜனவரி
மாதமும் தமது நிபுணர் குழு சிறீலங்கா செல்லும் என பான் கி-மூன்
அறிவித்திருந்தார், ஆனால் இந்தக் குழு சிறீலங்கா செல்லாத காரணத்தினால்,
நிபுணர் குழுவிற்கு சிறீலங்கா அரசாங்கம் அனுமதி தரவில்லையா என ஐ.நா
பேச்சாளர் பாரன் ஹக்கிடம் கேட்கப்பட்ட கேள்விக்கு அவர் அதற்கும் பதில்
வழங்காது தவிர்த்துவிட்டார்.

மொத்தத்தில் இலங்கை குறித்த
கேள்விகளுக்கு, பதிலளிப்பதில் பெரும் சிரமங்களை அவர் எதிர்கொண்டதோடு,
கேள்வி கேட்க்கும் நிருபரிடம் இருந்து தப்பிக்கொள்ளவே முனைப்புகளைக்
காட்டியுள்ளார், ஐ.நா பேச்சாளர் பாரன் ஹக்கை .

by **மாலதி** Mon Mar 19, 2012 4:15 pm

ஐ.நாவின் இரகசியச் சந்திப்புகள் அம்பலம்: வீடியோ

ஐ.நாவின் இரகசியச் சந்திப்புகள் அம்பலம்: வீடியோ

Re: ஐ.நாவின் இரகசியச் சந்திப்புகள் அம்பலம்: வீடியோ