ஓட்டுக்காக பணத்தை இறைக்கிறார்கள்: விஜயகாந்த்

கள்ளக்குறிச்சி, ஏப். 10: ஓட்டுக்காக திமுகவினர் பணம் கொடுத்து வருகிறார்கள்.
பணத்தை வாங்கிக் கொள்ளுங்கள். ஆனால், திமுகவை டெபாசிட் இழக்க செய்ய வேண்டும் என்று
தேமுதிக தலைவர் விஜயகாந்த் கூறினார்.
÷சங்கராபுரம் சட்டப்பேரவைத் தொகுதி அதிமுக வேட்பாளர் ப.மோகனை ஆதரித்து
சங்கராபுரம் மும்முனை சந்திப்பில் ஞாயிற்றுக்கிழமை அவர் பேசியது:
சங்கராபுரத்தில் திரளாக உள்ள மக்களை சந்திக்கும்போது அதிக நேரம் பேச வேண்டும்
என ஆவலாய் உள்ளது. தொண்டையில் புண் ஏற்பட்டுள்ளதால் நிறைய நேரம் பேச முடியவில்லை.
÷ஆனால் கருணாநிதி ஆட்சியின் அவலநிலை பற்றி பேச வேண்டும்.
÷நேரம் வரும்போது தேர்தல் கமிஷனை பற்றி கேள்வி கேட்பேன் என்று கருணாநிதி
கூறுகிறார். தேர்தல் கமிஷன், திமுக கிளைக் கழகமாக வேலை பார்க்க வேண்டுமா? கையில்
தொங்கும் சதையாக வேலை பார்க்க வேண்டும் என அவர் கருதுகிறாரா?
÷தமிழ்நாடு முழுவதும் ஓட்டுக்காக திமுகவினர் பணம் கொடுத்து வருகின்றனர்.
கொடுத்தால் வாங்கிக் கொள்ளுங்கள். ஆனால் திமுகவுக்கு ஓட்டு போடாதீர்கள்.
÷என்னை பற்றி சன் டிவி, கலைஞர் டிவியில் எது கூறினாலும் கவலைப்பட மாட்டேன்.
அது பொய் பிரசாரம். நம்ப வேண்டாம். இதுவரை விழுப்புரத்துக்கு கருணாநிதி 5 முறை
வந்துள்ளார். ஆனால் சாலை வசதியை ஏற்படுத்தி தரவில்லை. விலைவாசி கட்டுக்கடங்காமல்
உள்ளது.
÷ரூ.1-க்கு அரிசி கொடுக்கிறார்கள். ஆனால் குழம்பு வைக்க காய்கறி, மளிகை செலவோ
ரூ.99 ஆகிறது. திமுகவை டெபாசிட் இழக்க செய்ய வேண்டும் என்றார் விஜயகாந்த்.