ரசாயன ஆயதங்கள்: ஐ.எஸ்., பற்றிய அதிர்ச்சி தகவல்

ரசாயன ஆயதங்கள்: ஐ.எஸ்., பற்றிய அதிர்ச்சி தகவல்
மேற்காசிய நாடுகளான, சிரியா மற்றும் ஈராக்கில் பயங்கரவாத செயல்களில் ஈடுபட்டு வரும், ஐ.எஸ்., பயங்கரவாதிகள், ரசாயன ஆயுதங்களை தயாரிப்பதுடன், அவற்றை பயன்படுத்தியும் வருவதாக,” சி.ஐ.ஏ., எனப்படும், அமெரிக்க உளவு அமைப்பின் இயக்குனர் ஜான் பிரின்னன் கூறியுள்ளார்.

அவர் கூறியதாவது:ஐ.எஸ்., பயங்கரவாதிகள், சிரியா மற்றும் ஈராக் போர்களத்தில், தொடர்ச்சியாக ரசாயன ஆயுங்களை பயன்படுத்தி வருகின்றனர். ‘குளோரின்’ அல்லது கந்தகத்தில் தோய்க்கப்பட்ட வாயுவை பயன்படுத்தி, இதை உருவாக்கியுள்ளனர். மிக சிறிய வடிவிலான இந்த ரசாயன ஆயுதங்கள் மிகவும் ஆபத்தானவை. சிரியா தலைநகர் டமாஸ்கஸ் நகரிலும், ஈராக்கின் குர்திஸ்தான் பகுதியிலும் பயங்கரவாதிகளின் தாக்குதலில் உயிரிழந்தவர்களின் ரத்த மாதிரிகளை சோதனை செய்ததில், இது உறுதியாகியுள்ளது. இவ்வாறு அவர் கூறியுள்ளார்.


அமெரிக்க தேசிய புலனாய்வு அமைப்பின் தலைவர் ஜேம்ஸ் கிளாப்பரும் இதை உறுதிப்படுத்தியுள்ளார்.இணைய சேவை ‘ஹெல்ப் டெஸ்க்’உலகெங்கும், பயங்கரவாத கருத்துகளை பரப்பவும், ஐ.எஸ்., அமைப்பிற்கு ஆள் சேர்க்கவும், பயங்கரவாதிகள், இணையதளங்களை, ‘ஆயுதமாக’ பயன்படுத்தி வருகின்றனர். தங்கள் அமைப்பினர், இதை சரியாக பயன்படுத்தவும், அவர்களுக்கு இணைய சேவை தொடர்பான உதவிகளை வழங்கவும், தனிப்பிரிவு ஒன்றை அவர்கள் ஏற்படுத்தியுள்ளனர்.’எலக்ட்ரானிக் ஹாரிசான் பவுண்டேஷன்’ என பெயரிடப்பட்டுள்ள இந்த உதவிப்பிரிவு, கடந்த, 30ம் தேதி துவங்கப்பட்டுள்ளது.

dinamalar