சோனியா காந்தி பற்றிய சர்ச்சை புத்தகம்.!!!!

சோனியா காந்தி பற்றிய சர்ச்சை புத்தகம்.!!!!

காங்கிரஸ் தலைவர் சோனியா காந்தி வாழ்க்கையின் இளமைக் காலத்து வாழ்க்கை குறிப்புகளை விவரிக்கும் ‘சிகப்பு சேலை’ புத்தகம் தற்போது இந்தியாவில் விற்பனைக்கு வந்துள்ளது.2008-ம் ஆண்டு ஸ்பெயின் நாட்டு மொழியில் வெளியான இந்த புத்தகத்தில் பொய்களும், பாதி உண்மைகளும், தவறான தகவல்களும், தரக்குறைவான கருத்துகளும் இடம் பெற்றிருப்பதாக கண்டனம் தெரிவித்த சோனியா காந்தியின் வக்கீல்கள் கடந்த 2010-ம் ஆண்டு நூலாசிரியர் ஜேவியர் மோரோவுக்கு நோட்டீஸ் அனுப்பியிருந்தனர். இந்நிலையில், இந்த சர்ச்சைக்குரிய ‘சிகப்பு சேலை’ புத்தகம் இந்தியப் பதிப்பாக தற்போது கடைகளில் விற்பனைக்கு வந்துள்ளதாக ரோலி புக்ஸ் நிறுவனம் அறிவித்துள்ளது. 455 பக்கங்கள் கொண்ட இந்த புத்தகத்தின் விலை 395 ரூபாய் என்றும் தெரிவிக்கப்பட்டுள்ளது.
சோனியா காந்தியின் வாழ்க்கை வரலாற்றை பற்றி ஸ்பெயின் நாட்டு எழுத்தாளர் ஜேவியர் மோரோ எழுதியிருக்கும் புத்தகம் ‘தி ரெட் ஸேரி’. இந்த புத்தகம் 2008-ம் ஆண்டு முதலில் ஸ்பெயின் மொழியில் ‘El Sari Rojo’ என்ற பெயரில் வெளியானது. ஆனால், இந்த புத்தகத்தில் குறிப்பிடப்பட்டிருக்கும் பெரும்பாலான தகவல்கள் உண்மையில்லாதவை என காங்கிரஸ் கடுமையாக எதிர்த்தது. இதை எழுதிய ஆசிரியர் மோரோவுக்கு 2010-ம் ஆண்டு லீகல் நோட்டீஸ் அனுப்பப்பட்டது.
இதையடுத்து இந்த புத்தகத்தை இந்தியாவில் வெளியிட முடியாமல் இருந்தது. இப்புத்தகத்தில், நேரு-காந்தி குடும்பம், வங்காளதேச போரில் பின்னடைவு, அவசரநிலை பிரகடனம், ஆபரேஷன் புளூ ஸ்டார் பற்றி முழுமையாக தொகுத்தளிக்கப்பட்டுள்ளது. சோனியா காந்தியின் சிறுவயது வாழ்க்கை, காதல் விவகாரம் முதல் இப்போது பிரதமர் பதவியை மறுத்த ஒரே இந்திய அரசியல் தலைவர் என்பது வரை அனைத்து வாழ்க்கை நிகழ்வுகளையும் பதிவு செய்துள்ள புத்தகம் ‘தி ரெட் ஸேரி’.
இந்நிலையில், இந்த சர்ச்சைக்குரிய புத்தகம் இந்தியாவில் வெளியிடப்பட்டுள்ளதாக பிரபல புத்தக வெளியீட்டாளர் டுவிட்டரில் போட்டிருப்பது பரபரப்பை ஏற்படுத்தியுள்ளது. ரோலி புக்ஸ் என்ற புத்தக வெளியீ்ட்டாளரின் எடிட்டோரியல் டைரக்டர் பிரியா கபூர் “The Red Sari has now been published in India. Get your copy!” என டுவிட்டரில் பதிவு செய்திருக்கிறார். அதில், இந்திய பதிப்பில் வெளிவந்துள்ள இந்த புத்தகம் 455 பக்கங்கள் கொண்டதாகவும், அதன் விலை ரூ.395 மட்டுமே என்றும் குறிப்பிட்டுள்ளார்.