உங்கள் கண் நலமா? கண்களுக்கான முதல் உதவி ஏற்பாடுகள்

by **ஜனனி** Fri Oct 10, 2014 7:54 am

குழந்தைகளும் கண்ணாடியும்:

[You must be registered and logged in to see this image.]உங்கள் குழந்தை கண்ணாடி அணிய வேண்டிய நிலையிலிருந்தால் அவர்கள் கண்ணாடி அணிவதை ஊக்குவியுங்கள். ’அய்யோ நம் குழந்தை இந்த வயதிலேயே கண்ணாடி அணிய வேண்டியதாகிவிட்டாதே’ என்று நீங்களே புலம்பாதீர்கள்.குழதைகளுக்கும் காய்ச்சல் வரும், வயதானவர்களுக்கும் காய்ச்சல் வரும் என்பதை மறந்து விடாதீர்கள். கண்ணாடி அணிபவர்கள் கண்டிப்பாக வருடம் ஒரு முறை கண் பரிசோதனை செய்துகொள்ள வேண்டும். எனெனில் பார்வைத் திறன் மாறியிருக்கலாம். தவறான கண்ணாடியை அணிவதும் கண்களை பாதிக்கும்.
கண்களுக்கான முதல் உதவி ஏற்பாடுகள் :
அ) கண்களில் தூசி போன்ற ஏதேனும் விழுந்துவிட்டால், அவற்றை எடுப்பதற்க்காக கண்களைக் கசக்காதீர்கள். கண்களை லேசாக திறந்து மூடினாலே கண்ணீர் பெருக்கெடுத்து அவற்றை தானே வெளியேற்றிவிடும். உறுத்தல் அதிகமாக இருக்குமேயானால் சுத்தமான தண்ணீரினால் கண்களை சுத்தம் செய்வதன் மூலம் தூசுகளை அகற்றிவிடலாம்.
ஆ) கண்களில் இரசாயன பொருள்களால் காயம் ஏற்பட்டால், கண்களில் ஏதேனும் ரசாயனப் பொருட்கள் அல்லது ஆசிட் தெறித்துவிட்டால், கண்ணில் சுத்தமானதண்ணீரினால் கண்களின் எரிச்சல் நிற்க்கும் வரை அலம்ப வேண்டும். பின் உடனடியாக கண் மருத்துவரைச் சந்தித்து ஆலோசனை பெறுவது நல்லது.
இ) பட்டாசு / வெடி கண் விபத்துகள்:
[You must be registered and logged in to see this image.]வெடி விபத்தினால் முகத்தில் காயம் ஏற்பட்டு கண்ணிலும் காயம் ஏற்பட்டுவிட்டால், முகத்தையும் கண்ணையும் தண்ணீர் விட்டு கழுவவே கூடாது. சுத்தமான துணியைக் கொண்டு முகத்தை லேசாக மூடி உடனடியாக மருத்துவரிடம் காண்பிக்க வேண்டும். மேலும் தீக்காயம் ஏதேனும் கண்ணில் பட்டுவிட்டால் மஞ்சள் தூள், பர்னால், பேனா மை, ஜெர்ஷியன் வைலட், பக்கத்துவீட்டார் சொல்லும் ஆயின்ட்மெண்ட் ஆகியவற்றைப் போடக்கூடாது. இதனால் எந்த அளவுக்குக் காயம் ஏற்ப்பட்டுள்ளது என்பதை சரியாகத்ச் தெரிந்து கொள்ளமுடியாமல் போய்விடும், மேலும் அவற்றைச் சுத்தம் செய்வதிலும் சிரமம் ஏற்பபடும்.
ஈ) தொழிற்சாலை கண் விபத்துக்கள்:
தொழிற்ச்சாலைகளில் பணியாற்றும் போது கண்களில் ஏதேனும் துரும்புகள் விழுந்துவிட்டால். அவற்றை நாமே எடுக்க முயற்சி செய்யக்கூடாது. கண் மற்றும் கண்ணைச் சுற்றியுள்ள பகுதிகளில் பாதிப்பு அதிகமாவதற்க்கு வாய்ப்பு உண்டு. ஈரமான துணி ஒன்றினை கண்ணை அழுத்தாதவாறு வைத்து மூடிக்கொண்டு உடனடியாக கண் மருத்துவரைச் சந்திக்க வேண்டும். அப்போது கண்ணில் விழுந்த பொருளின் மாதிரி இருந்தால் அதனையும் எடுத்துச் செல்ல வேண்டும்.
கண்ணில் சுற்றுப்பகுதி மரத்துப்போவதற்கு மருந்து போட்டுவிட்டு கண்ணில் விழுந்த பொருளை மிகவும் இலாகவகமாக கண் மருத்துவர் எடுத்துவிடுவார். 8. கம்ப்யூட்டர் விஷன் சிண்ட்ரோம்:
கணிணியில் ஒரு மணி நேரத்துக்கு மேல் பணியாற்றுபவர்கள் 20 - 20 - 20 ஃபார்முலா வினை பயன்படுத்தினால் சில பிரச்னைகளிலிருந்து விடுபடலாம். அதாவது கணிணியில் தொடர்ந்து பணியாற்றும்போது 20 நிமிடத்துக்கு ஒரு முறை 20 அடி தூரத்தில் உள்ள பொருட்களை 20 நொடிகள் பார்ப்பதும், அல்லது 20 நொடிகள் கண்களை மூடி ரிலாக்ஸ் செய்வதும், 20 நொடிகளுக்கு ஒருமுறை கண்களை இமைப்பதும் மிஉதவியாக இருக்கும். ஒருவேளை உங்களுக்கு அடிக்கடி தலைவலி, வாந்தி, குமட்டல் இருக்குமேயானல் உடனடியாக கண் மருத்துவரிடம் முழுமையான கண் பரிசோதனை செய்வதன்மூலம் பர்வையிழப்பைத் தடுத்துக் கொள்ளலாம்.
புற ஊதாக்கதிர்களிடமிருந்து பாதுகாப்பு:
[You must be registered and logged in to see this image.]நீங்கள் அடிக்கடி பயணம் செய்பவராக இருந்தால் குறிப்பாக பகல் நேரங்களில் வாகனம் ஓட்டுபவராகவும் இருந்தால் புற ஊதாக்கதிர்களைத் தடுக்கக்கூடிய குளிர் கண்ணாடியை அணிந்து கொள்வது நல்லது. இதன் மூலம் கண் புரை, நீரிழிவு விழித்திரை நோய், பார்வைக்குறைபாடு எனப்படும் ரெஃப்ராக்ட்டிவ் எரர் போன்றவற்றை தாமதிக்கலாம். முக்கியமான விஷயம், ஒரு கண் மருத்துவரிடம் அல்லது கண்ணியலாளரிடம் கண் பரிசோதனை செய்து கொண்டபின் அவர் பரிந்துரைக்கும் புற ஊதாக்கதிர்களைத் தடுக்கக்கூடிய கண்ணாடியை அணிந்து கொள்வது நல்லது.
கண்தானம் செய்வீர்:
தானத்தில் சிறந்தது கண் தானம். கார்னியல் பார்வைக்கோளாறினால் பாதிக்கப்பட்டவர்களுக்கு கண்கள் தானமாகக் கிடைத்தால் மட்டுமே செய்யக்கூடிய கார்னியா மாற்று ஆபரேஷன் மூலமே மீண்டும் பார்வை கிடைக்க முடியும். அப்படிப்பட்டவர்களுக்கு பார்வை கிடைப்பதற்க்காக கண்கள் தானமாக தேவைப்படுகிறது.நமக்கு தெரிந்தவர்கள் யாரேனும் மரணமடைந்துவிட்டால், மரணமடைந்தவரின் உறவினரைச் சந்தித்து, மரணமடைந்தவரின் கண்களை தானமாக வழங்குமாறு ஊக்குவித்து ஆறு மணி நேரத்துக்குள் அவர்களது கண்களை தானமாக வழங்கினால் அது ஒரு புண்ணியமான காரியமாகும்.

கட்டுரை: அ.போ. இருங்கோவேள்,

மருத்துவ சமூகவியலாளர் (Medical Sociologist)

by godthehealer Fri Oct 10, 2014 12:07 pm

கண் குறை உள்ளவர்கள் தயவு செய்து பாண்டிச்சேரியில் உள்ள ஸ்கூல் ஒப் பெர்பெக்ட் ஐ சைட் சென்று பயிற்சி எடுங்கள். கண்ணாடியை தூக்கி எறிய முடியும்.

நமது உடலில் முடி மற்றும் நகம் தவிர வேறு எதையும் வெட்ட தேவை இல்லை. கண்களை குணமாக்க முடியும். அதை செய்ய துப்பு இல்லாத மருத்துவம்தான் வேறு கண்ணை வைக்க முயற்சி செய்யும்.

இரத்தமோ அல்லது கண்ணோ - நீங்கள் மட்டும்தான் தானம் செய்வீர்கள். அதை எடுத்து கொண்டு போகும் கயவர்கள் நிச்சயம் தானம் செய்வது இல்லை. உங்கள் தானத்தால் அவர்கள் கொழுத்த லாபம் சம்பாதிக்கிறார்கள். எனவே ஏமாறாதீர்கள்.

இது என் தனிப்பட்ட கருத்து. யாரையும் புண் படுத்துவதற்காக சொல்லவில்லை. அப்படியே காயப் படுத்தி இருந்தால் தயவு செய்து மன்னிக்கவும்.

டாக்டர் காட் தி ஹீலர்.
godthehealer.blogspot.in

by **mmani** Fri Oct 10, 2014 8:26 pm

அருமை நண்பரே

by Sponsored content

உங்கள் கண் நலமா? கண்களுக்கான முதல் உதவி ஏற்பாடுகள்

உங்கள் கண் நலமா? கண்களுக்கான முதல் உதவி ஏற்பாடுகள்

Re: உங்கள் கண் நலமா? கண்களுக்கான முதல் உதவி ஏற்பாடுகள்

Re: உங்கள் கண் நலமா? கண்களுக்கான முதல் உதவி ஏற்பாடுகள்

Re: உங்கள் கண் நலமா? கண்களுக்கான முதல் உதவி ஏற்பாடுகள்